Judge Anger Incident: కొన్నిసార్లు తెలియక చేసిన ఘటనలు తప్పులుగా మారుతాయి. అవి ఎదుటివారికి ఇబ్బంది కలిగిస్తాయి. వాటి వెనుక ఏం జరిగిందో కూడా వారు ఆలోచించరు. ముక్కు మీద కోపంతో అరుస్తుంటారు. ఆ తర్వాత కఠినంగా ప్రవర్తిస్తుంటారు. అలాంటి పర్యవసనాలు అత్యంత తీవ్రంగా ఉంటాయి. అటువంటిదే ఇది కూడా..
అది హైకోర్టు.. ఓ కేసు విచారణ సాగుతోంది. ఓ యువ న్యాయవాది కేసును వాదిస్తుండగా.. ఆయన మో చేతికి నొప్పి కావడంతో.. ఫైల్స్ బరువు మోయలేక.. వాటిని టేబుల్ మీద విసిరేశాడు. అది జడ్జికి కోపం తెప్పిస్తుంది. నా ముందే నువ్వు కేసు ఫైల్స్ విసిరేస్తావా అంటూ ఆ జడ్జి ఆ లాయర్ మీద కోపం ప్రదర్శించారు. జడ్జి అంటే కనీసం గౌరవం లేని ఈయనకు ఒకరోజు పాటు జైలు శిక్ష విధించాలని ఆదేశాలు జారీ చేశారు. లాయర్ జరిగిన విషయాన్ని చెప్పడానికి ప్రయత్నించినప్పటికీ ఆ జడ్జి వినిపించుకోలేదు.
సాధారణంగా మనదేశంలో న్యాయమూర్తులకు ముక్కు మీద కోపం ఉంటుంది అంటారు. ఆ అసహనాన్ని వారు అనేక సందర్భాల్లో వ్యక్తం చేస్తుంటారని మీడియాలో కథనాలు వచ్చాయి. ఈ నేపథ్యంలోనే సదరు జడ్జి కూడా అలానే వ్యవహరించారని.. లాయర్ విషయంలో కనీసం వినిపించుకునే ప్రయత్నం కూడా చేయలేదని తోటి న్యాయవాదులు వాపోతున్నారు. ఆ న్యాయమూర్తి ఒకరోజు జైలు శిక్ష విధించిన నేపథ్యంలో.. లాయర్లు ఆగ్రహం వ్యక్తం చేస్తున్నారు. న్యాయమూర్తికి ఏ స్థాయిలో అయితే అధికారాలు ఉంటాయో.. బెంచ్ కు కూడా అదే స్థాయిలో అధికారాలు ఉంటాయనే విషయాన్ని గుర్తుంచుకోవాలని లాయర్లు సూచిస్తున్నారు. హైకోర్టులో జరిగిన ఆ వ్యవహారాన్ని ఓ లాయర్ తన సోషల్ మీడియా ఖాతాలో పోస్ట్ చేశారు. ఈ సమయంలోనే ఒక స్వీయ వీడియో తీసుకొని.. హైకోర్టులో జరిగిన పరిణామాలను వివరించారు. ఇలాంటి విధానాలు సరికావని.. న్యాయమూర్తి.. బెంచ్ జోడెడ్ల లాగా పనిచేయాలని.. ఎవరికివారు వాదించుకుంటే అప్పుడు పరిస్థితి వేరే విధంగా మారుతుందని ఆ యువ న్యాయవాది పేర్కొన్నాడు. ఇప్పుడు ఆ వీడియో సామాజిక మాధ్యమాలలో విస్తృతంగా దర్శనమిస్తోంది.
