Israel India Relationship: *ఇజ్రాయెల్.. ఈ యూదు దేశం అమెరికాతో పాటు నడుస్తుంది. అయితే అనాదిగా రష్యాలాగానే భారత్ కు అండగా నిలుస్తోంది. ఒకప్పుడు యూదు దేశమని.. ఇస్లాంకు వ్యతిరేకమని భారత్ దూరం పెట్టినా కూడా ఇజ్రాయెల్ స్వతహా స్వశక్తితో ఎదిగి అరబ్, సహా ముస్లిం దేశాలకు చెక్ పెట్టి సర్వసత్తాక దేశంగా ఎదిగింది. ఇప్పుడు భారత్ పాకిస్తాన్ యుద్ధంలో అమెరికా న్యూట్రల్ గా మారింది. టర్కీ, అజర్ బైజాన్ , చైనా వంటివి పాక్ కు మద్దతు ఇచ్చాయి. కానీ భారత్ కు అండగా నిలిచి బహిరంగంగా మద్దతు ఇచ్చిన దేశం ఏదైనా ఉందంటే అది కేవలం ‘ఇజ్రాయెల్ మాత్రమే’.. ఇజ్రాయెల్ ప్రతీ యుద్ధంలోనూ భారత్ వెనుక నిలబడుతోంది. భారత్ కు కీలకమైన రక్షణ, డ్రోన్ల సాయం చేస్తోంది. తాజాగా పాక్ యుద్ధంలోనూ భారత్ కు కీలకమైన రక్షణ పరికరాలతో అండగా నిలిచింది. భారత్ తో కలిసి రక్షణ రంగంలో కలిసి పనిచేస్తూ పాక్ పీఛమనిచేలా చేస్తోంది. భారత్ కు నమ్మదగ్గ దేశంగా ఇజ్రాయిల్ ఉంటోంది. ఇజ్రాయిల్ భారత్ కు మద్దతుతో ఇప్పుడు పాకిస్తాన్ కు షాక్ తగిలింది. భారత్ యొక్క ఉగ్రవాద వ్యతిరేక చర్యలకు ఇజ్రాయెల్, ఫ్రాన్స్ వంటి దేశాలు మద్దతు తెలిపడం విశేషంగా చెప్పొచ్చు.
Also Read: భారత్–పాక్ సరిహద్దులో మళ్లీ ‘బీటింగ్ రీట్రీట్’.. ఎందుకు ప్రారంభమంటే?
ఉగ్రవాదంపై పోరాటంలో ప్రపంచ దేశాలు ఐక్యంగా నిలవాలని ఇజ్రాయెల్లోని భారత రాయబారి జేపీ.సింగ్ పిలుపునిచ్చారు. ఇటీవల జమ్మూ కాశ్మీర్లోని పహల్గాం ఉగ్రదాడి నేపథ్యంలో భారత్ నిర్వహించిన ‘ఆపరేషన్ సిందూర్’ ద్వారా పాకిస్థాన్లోని ఉగ్ర స్థావరాలను ధ్వంసం చేసిన సందర్భంలో ఆయన ఈ వ్యాఖ్యలు చేశారు. పాకిస్థాన్ ఉగ్రవాదులకు ఆశ్రయం కల్పిస్తోందని, వారిని భారత్కు అప్పగించాలని ఆయన డిమాండ్ చేశారు. ఈ విషయంపై స్థానిక వార్తా సంస్థతో మాట్లాడిన సింగ్, భారత్ ఉగ్రవాదంపై రాజీలేని పోరాటం కొనసాగిస్తుందని స్పష్టం చేశారు.
మే 8న జమ్మూ కాశ్మీర్లోని పహల్గాంలో జరిగిన ఉగ్రదాడిలో 26 మంది అమాయకులు ప్రాణాలు కోల్పోయారు. ఈ దాడికి ప్రతీకారంగా భారత సైన్యం ’ఆపరేషన్ సిందూర్’ను చేపట్టి, పాకిస్థాన్లోని ఉగ్ర స్థావరాలను నాశనం చేసింది. ఈ ఆపరేషన్ ద్వారా ఉగ్రవాదుల మౌలిక సదుపాయాలను లక్ష్యంగా చేసుకుని భారత సైన్యం విజయవంతంగా దాడులు నిర్వహించింది. ఈ దాడులకు ఇజ్రాయెల్ సంపూర్ణ సహకారం అందించింది. టెక్నాలజీని భారత్కు అందించింది. ఈ నేపథ్యంలో జేపీ.సింగ్ మాట్లాడుతూ, ఈ ఆపరేషన్ ఇంకా పూర్తి కాలేదని, ఉగ్రవాదంపై భారత్ దృఢమైన పోరాటం కొనసాగుతుందని పేర్కొన్నారు. ప్రస్తుతం భారత్–పాక్ సరిహద్దులో కాల్పుల విరమణ కొనసాగుతున్నప్పటికీ, భారత్ ఉగ్రవాద బెడదను ఏమాత్రం సహించదని ఆయన స్పష్టం చేశారు.
సింధూ జలాల ఒప్పందం రద్దు
భారత్ పాకిస్థాన్కు సింధూ నదీ జలాలను అందిస్తున్నప్పటికీ, పాక్ ఉగ్రవాదాన్ని ప్రోత్సహిస్తోందని జేపీ.సింగ్ ఆరోపించారు. ఈ నేపథ్యంలో, ప్రధానమంత్రి నరేంద్ర మోదీ ‘రక్తం, నీరు కలిసి ప్రవహించలేవు‘ అని పేర్కొన్న విషయాన్ని ఆయన గుర్తు చేశారు. దీంతో, 1960లో కుదిరిన సింధూ జలాల ఒప్పందం (Indus Waters Treaty) అమలును భారత్ నిలిపివేసింది. ఈ నిర్ణయం ఇరు దేశాల మధ్య దౌత్యపరమైన ఉద్రిక్తతలను మరింత పెంచింది. ఈ ఒప్పందం ప్రకారం సింధూ, రావి, బియాస్, జీలం, చీనాబ్, సట్లెజ్ నదుల జలాలను ఇరు దేశాలు పంచుకుంటాయి, కానీ ఉగ్రవాదానికి వ్యతిరేకంగా భారత్ తీసుకున్న ఈ చర్య ఒక గట్టి సందేశంగా పరిగణించబడుతోంది.
పాకిస్థాన్పై ఒత్తిడి..
జేపీ.సింగ్, అమెరికా ఇటీవల ముంబయి ఉగ్రదాడుల సూత్రధారి తహవ్వుర్ రాణాను భారత్కు అప్పగించిన విషయాన్ని ప్రస్తావిస్తూ, పాకిస్థాన్ కూడా అదే తరహాలో ఉగ్రవాదులను అప్పగించాలని డిమాండ్ చేశారు. ఆపరేషన్ సిందూర్ సమయంలో ఇజ్రాయెల్ భారత్ దాడులను సమర్థించింది. తాజాగా పాకిస్థాన్ ఉగ్రవాదులను అప్పగించాలని ప్రతిపాదించింది. 2008 ముంబయి దాడులకు కారకుడైన తహవ్వుర్ రాణాను అమెరికా 2025లో భారత్కు అప్పగించడం ఒక సానుకూల చర్యగా పరిగణించబడుతోంది. అయితే, లష్కర్–ఎ–తొయిబా వంటి ఉగ్రవాద సంస్థల నాయకులైన హఫీజ్ సయీద్, సాజిద్ మీర్, జకియర్ రెహ్మాన్ లఖ్వీ వంటి వారిని పాకిస్థాన్ ఇప్పటివరకు అప్పగించలేదని సింగ్ విమర్శించారు. ఈ ఉగ్రవాదులు భారత్లో జరిగిన బాంబు దాడులు, ఉగ్ర కార్యకలాపాలకు కీలక సూత్రధారులుగా ఉన్నారని ఆయన ఆరోపించారు.
ఆ ఆపరేషన్ సిందూర్లో భారత వైమానిక దళం, సైన్యం సమన్వయంతో పాక్ ఆక్రమిత కాశ్మీర్ (PoK)లోని ఉగ్ర స్థావరాలపై కచ్చితమైన దాడులు నిర్వహించాయి. ఈ ఆపరేషన్ 2019 బాలాకోట్ ఎయిర్స్ట్రైక్ను పోలిన ఒక వ్యూహాత్మక చర్యగా పరిగణించబడుతోంది. భారత్ యొక్క ఉగ్రవాద వ్యతిరేక చర్యలకు అమెరికా, ఇజ్రాయెల్, ఫ్రాన్స్ వంటి దేశాలు మద్దతు తెలిపాయి. ఐక్యరాష్ట్ర సమితి (UN)లోనూ ఉగ్రవాద సంస్థలపై ఆంక్షల కోసం భారత్ నిరంతరం ఒత్తిడి తెస్తోంది. పాకిస్థాన్ ఆర్థిక సంక్షోభం, రాజకీయ అస్థిరతల నడుమ ఉగ్రవాద సంస్థలకు మద్దతు ఇవ్వడం ద్వైపాక్షిక సంబంధాలను మరింత దిగజార్చింది. ఫైనాన్షియల్ యాక్షన్ టాస్క్ ఫోర్స్ (FATF) గ్రే లిస్ట్లో పాకిస్థాన్ కొనసాగుతోంది, దీనికి ఉగ్రవాద ఫైనాన్సింగ్పై నియంత్రణ లోపం ఒక కారణం.
