CJI Chandrachud : ‘‘రేపటి నుంచి సుప్రీంకోర్టు నుంచి తీర్పులు ఇవ్వలేనన్న మాట వాస్తవం… కానీ వృత్తిపరంగా తాను చాలా సంతృప్తిగా ఉన్నాను’’ ఇది కోర్టును ఉద్దేశించి భారత ప్రధాన న్యాయమూర్తి డీవై చంద్రచూడ్ అన్న మాటలు. సుప్రీంకోర్టు ధర్మాసనం ఆయనకు ఈరోజు ఘనంగా వీడ్కోలు పలికింది. సుప్రీంకోర్టు ప్రధాన న్యాయమూర్తిగా చంద్రచూడ్కి శుక్రవారం చివరి పనిదినం. నవంబర్ 10న ఆయన పదవీ విరమణ చేయనున్నారు. భారతదేశంలో సుప్రీంకోర్టు అధిపతి అంటే ప్రధాన న్యాయమూర్తి (CJI) భారత న్యాయవ్యవస్థలో అత్యంత ముఖ్యమైన పదవి. ఇది గౌరవప్రదమైన పదవి మాత్రమే కాదు, ప్రధాన న్యాయమూర్తి పదవీ విరమణ తర్వాత కూడా కొనసాగే అనేక హక్కులు, ప్రత్యేక అధికారాలను కూడా కలిగి ఉంటుంది. ప్రస్తుతం సీజేఐ డి.వై. చంద్రచూడ్ ఈ పదవిలో పని చేస్తున్నారు. ఆయన పదవీ విరమణ తర్వాత తను భారత న్యాయవ్యవస్థలో ఏర్పాటు చేసిన నిబంధనల ప్రకారం అనేక ప్రత్యేక సౌకర్యాలను కూడా పొందుతారు.
ప్రధాన న్యాయమూర్తి చంద్రచూడ్ పదవీకాలం నవంబర్ 9, 2022న ప్రారంభమైంది. భారత రాజ్యాంగంలోని ఆర్టికల్ 124 ప్రకారం నిర్దేశించిన ప్రకారం నవంబర్ 10న 70 ఏళ్ల వయసులో పదవీ విరమణ చేయనున్నారు. వారి పదవీ విరమణ తర్వాత, వారు గౌరవం, అత్యున్నత సౌకర్యాలను పొందడమే కాకుండా.. వారి కోసం ప్రత్యేక ప్రోటోకాల్లు కూడా ఉంటాయి.. అవి పదవీ విరమణ తర్వాత వర్తిస్తాయి. అటువంటి పరిస్థితిలో, ప్రధాన న్యాయమూర్తి డీవై చంద్రచూడ్ పదవీ విరమణ తర్వాత ఎలాంటి సౌకర్యాలు పొందుతారో తెలుసుకుందాం.
సీజేఐ చంద్రచూడ్కు లభించే సౌకర్యాలు
సీజేఐ చంద్రచూడ్కు పదవిలో ఉండగా అనేక రకాల సౌకర్యాలు లభిస్తాయని, పదవీ విరమణ తర్వాత కూడా ఆయనకు అనేక సౌకర్యాలు లభిస్తాయి. దీనిలో సీజేఐ తన కుటుంబానికి ప్రభుత్వం సెక్యూరిటీతో కూడినటువంటి నివాస భవనాన్ని సమకూరుస్తుంది. ఇది కాకుండా, పదవీ విరమణ తర్వాత సీజేఐకి పెన్షన్, ప్రత్యేక అలవెన్సులు కూడా ఇవ్వబడతాయి. సీజేఐ పెన్షన్గా రూ. 70,000 పొందుతారు. పదవీ విరమణ తర్వాత, అతనికి జీవితాంతం సేవకుడు, డ్రైవర్లను కూడా ప్రభుత్వమే ఏర్పాటు చేస్తుంది. ఇది కాకుండా, వారికి ఆరోగ్య సంరక్షణ సౌకర్యాలను అందించే మెడికల్ అలవెన్సులు వంటి మరికొన్ని అలవెన్సులు కూడా లభిస్తాయి. పదవీ విరమణ తర్వాత కూడా, ఇతర న్యాయపరమైన విషయాల్లో సుప్రీంకోర్టుకు సహాయం, సలహాలు అందించే హక్కు సీజేఐకి ఉంది.
అలాగే, పదవీ విరమణ తర్వాత, సీజేఐ సుప్రీంకోర్టు నుండి న్యాయ సలహా, ఇతర సౌకర్యాలను పొందడం కొనసాగుతుంది. వారు ఒక నిర్దిష్ట అంశంపై సలహా ఇచ్చే అధికారం కలిగి ఉంటారు. ఉన్నత న్యాయస్థానాలు లేదా ఇతర న్యాయపరమైన విషయాలలో నిపుణులుగా వ్యవహరించడానికి తరచుగా పిలవబడవచ్చు. పదవీ విరమణ తర్వాత వారు సాధారణ పౌరుడిలా ఉన్నప్పటికీ వారి అనుభవాన్ని కోర్టు పనిలో ఉపయోగిస్తారు.
సీజేఐ పదవీ విరమణ నియమాలు ఏమిటి?
భారతదేశంలో ప్రధాన న్యాయమూర్తి పదవీ విరమణ కోసం స్పష్టమైన, నిర్దేశించిన నియమం ఉంది. భారత రాజ్యాంగంలోని ఆర్టికల్ 124 ప్రకారం, సీజేఐ పదవీకాలం 70 సంవత్సరాలు. పదవీ విరమణ సమయంలో సీజేఐ పెన్షన్, ఇతర సౌకర్యాలను పొందుతారు. ఈ సౌకర్యాల కోసం ప్రత్యేకంగా దరఖాస్తు చేయవలసిన అవసరం లేదు.
