Betting Apps Issue : బెట్టింగ్‌ యాప్స్‌ వ్యవహారం.. కీలక నిర్ణయం తీసుకున్న రేవంత్‌ సర్కార్‌!

Betting Apps Issue : బెట్టింగ్‌ యాప్స్‌(Betting aaps) వ్యవహారంపై తెలంగాణ ప్రభుత్వం సీరియస్‌గా స్పందించి, ఈ సమస్యను అరికట్టేందుకు ప్రత్యేక దర్యాప్తు బృందం (సిట్‌) ఏర్పాటు చేసింది. ఈ మేరకు డీజీపీ జితేందర్‌(DIG Jitendar) ఆదేశాలు జారీ చేశారు. సిట్‌ దర్యాప్తును సీఐడీ అదనపు డీజీ పర్యవేక్షణలో చేపట్టనుంది, మరియు 90 రోజుల్లో(90 Days) పూర్తి స్థాయి నివేదిక సమర్పించాలని ఆదేశించారు. ఈ నిర్ణయం బెట్టింగ్‌ యాప్స్‌ వల్ల యువత , కుటుంబాలు ఆర్థికంగా, సామాజికంగా నష్టపోతున్న నేపథ్యంలో తీసుకోబడింది. ఇప్పటికే హైదరాబాద్‌(Hyderabad)లోని పంజాగుట్ట, సైబరాబాద్‌లోని మియాపూర్‌ పోలీస్‌ స్టేషన్లలో ఈ యాప్స్‌ను ప్రమోట్‌ చేసిన సెలబ్రిటీలు, యూట్యూబర్లు, టీవీ యాంకర్లతో సహా 25 మందిపై కేసులు నమోదయ్యాయి. సిట్‌ ఏర్పాటుతో, ఈ వ్యవహారంలో మూలాలను ఛేదించి, నిర్వాహకులపై కఠిన చర్యలు తీసుకునే దిశగా అడుగులు పడనున్నాయి.

Also Read : బెట్టింగ్‌ యాప్‌ల కేసులో కొత్త మలుపు.. ఇక సిట్‌ వంతు!

సిట్‌ ఇలా..
బెట్టింగ్‌ యాప్స్‌ కేసును పరిశోధించడానికి తెలంగాణ ప్రభుత్వం ఏర్పాటు చేసిన ప్రత్యేక దర్యాప్తు బృందం (సిట్‌)లో క్రింది అధికారులు ఉన్నారు..

నేతృత్వం: క్రై మ్‌ ఇన్వెస్టిగేషన్‌ డిపార్ట్‌మెంట్‌ (సీఐడీ) డైరెక్టర్‌ జనరల్‌ ఈ బందానికి నాయకత్వం వహిస్తారు. కొన్ని వర్గాల ప్రకారం, సీనియర్‌ ఐపీఎస్‌ అధికారి శిఖా గోయెల్‌ ఈ సిట్‌ను పర్యవేక్షించే అవకాశం ఉంది, అయితే ఇది ఇంకా అధికారికంగా నిర్ధారణ కాలేదు.

సభ్యులు:
రమేష్‌ రెడ్డి (సీనియర్‌ పోలీసు అధికారి)
సింధు శర్మ (సూపరింటెండెంట్‌ ఆఫ్‌ పోలీస్‌)
వెంకటలక్ష్మి (సూపరింటెండెంట్‌ ఆఫ్‌ పోలీస్‌)
చంద్రకాంత్‌ (అడిషనల్‌ సూపరింటెండెంట్‌)
శంకర్‌ (డిప్యూటీ సూపరింటెండెంట్‌)

ఈ బృందంలోని అధికారులు బెట్టింగ్‌ యాప్స్‌కు సంబంధించిన అన్ని కేసులను నిర్వహిస్తారు మరియు భవిష్యత్తులో ఇటువంటి అక్రమ కార్యకలాపాలను నిరోధించడానికి సూచనలు కూడా అందిస్తారు. డీజీపీ జితేందర్‌ ఆదేశాల మేరకు, సిట్‌ 90 రోజుల్లో దర్యాప్తును పూర్తి చేసి, నివేదిక సమర్పించాలని నిర్దేశించారు.

Also Read : బెట్టింగ్‌ యాప్స్‌పై తెలంగాణ సర్కార్‌ ఉక్కుపాదం.. ఫిర్యాదుకు టోల్‌ ఫ్రీ నంబర్‌!