Insect Bite Identification: వర్షాకాలం వచ్చిందంటే చాలు ఎన్నో కీటకాలు రాజ్యమేలుతుంటాయి. ఇవన్నింటి మధ్యలో మనుషులు చాలా సమస్యలు ప్రాబ్లం ఫేస్ చేయాల్సి వస్తుంది. ఇక చీమలు, దోమలు, ఈగలు అబ్బో ఇలా చెప్పుకుంటూ పోతే ఎన్ని పురుగులు ఉంటాయో కదా. అయితే కొన్ని సార్లు మనం పరధ్యానంలో ఉంటాము. ఆ టైమ్ లో ఏ కీటకం వచ్చి కుట్టినా సరే పెద్దగా పట్టించుకోము కదా. కానీ తర్వాత మంట వల్ల లేదా దురద వల్ల అర్థం అవుతుంది. ఇంతకీ పరధ్యానంలో ఉన్నప్పుడు మీకు ఏ కీటకం కుట్టిందో ఎలా తెలుసుకోవాలి? మీకు కూడా ఈ ప్రశ్న వచ్చిందా? ఛలో మరి ఇప్పుడు తెలుసుకుందాం పదండీ..
ప్రతి కీటకం కాటు వల్ల కలిగే గాయాలు చాలా భిన్నంగా కనిపిస్తాయి. ప్రతి కీటకం లేదా దోమ కాటు ప్రమాదకరమైనది కాకపోయినా, కొన్నిసార్లు తీవ్ర అనారోగ్యానికి గురి చేసే అవకాశం ఉంటుంది. ఆ గాయాలను చూసి మీరు కీటకం పేరు తెలుసుకుంటే, మీరు కూడా సులభంగా చికిత్స పొందుతారు.
దోమ
అది కుట్టినప్పుడు, ఆ ప్రదేశం దురదగా మారి ఎరుపు లేదా గులాబీ రంగు కరుపులా అవుతుంది. కొన్ని సార్లు పెద్దగా, కొన్ని సార్లు చిన్నగా కూడా ఉంటాయి. సాధారణంగా, దోమ కాటు ప్రమాదకరం కాదు. కానీ దాని జాతులు చాలా వరకు జికా వైరస్, మలేరియా లేదా డెంగ్యూ వంటి వ్యాధులకు కారణమవుతాయి. సో జాగ్రత్త.
Also Read: Insect Rain in China: మొన్న బర్డ్ఫ్లూ.. నిన్న కరోనా.. నేడు పురుగు వాన.. దరిద్రాలన్నీ చైనాలోనే..!
ఈగ కాటు
ఈగ కాటు వేసిన కొన్ని గంటల్లోనే లక్షణాలు కనిపించడం ప్రారంభమవుతాయి. దాని కాటు గుర్తులు మూడు లేదా నాలుగు మచ్చల సమూహాలలో మాదిరి కనిపిస్తుంటాయి. ఈగ కాటు వేసిన ప్రదేశం దురద, వాపుకు కారణం అవచ్చు. కొన్ని సార్లు ఉండకపోవచ్చు కూడా. ఇది ఎరుపు రంగులో ఉంటుంది. సాధారణంగా దాని కాటు గుర్తులు చీలమండలు, కాళ్ళపై కనిపిస్తాయి.
తేనెటీగ
తేనెటీగ కుట్టిన వెంటనే , కొన్ని నిమిషాల పాటు తీవ్రమైన నొప్పి ఉంటుంది. ఈ నొప్పి కొన్ని గంటల్లో తగ్గిపోతుంది. కానీ ఆ ప్రాంతం కొన్ని రోజుల పాటు వాపుగా ఉంటుంది. తేనెటీగ కుట్టిన ప్రాంతం ఎర్రగా, వాపుగా మారుతుంది. అవి కుట్టిన ప్రదేశంలో ప్రోటీన్ ఉంటుంది. ఇది చర్మ కణాలపై దాడి చేస్తుంది. రోగనిరోధక ప్రతిస్పందన కారణంగా వాపుకు కారణమవుతుంది. కొన్ని సందర్భాల్లో, ఇది తీవ్రంగా ఉంటుంది.
పేను
వీటి కాటు కారణంగా భుజాలు, మెడ, తలపై చిన్న ఎర్రటి మచ్చలు కనిపిస్తాయి. ఈ చిన్న కీటకాలు తలపై, శరీరంపై లేదా జఘన ప్రాంతంలో ఉండవచ్చు. ఈ కీటకాలను బట్టలు లేదా పరుపులలో దాచవచ్చు. వాటి గాయాలు చాలా చిన్నవి. కాబట్టి అవి నొప్పిని కలిగించవు. కానీ దురదను కలిగిస్తాయి. పేలు కనిపించిన తర్వాత నాలుగు నుంచి ఆరు వారాల వరకు దురద ఉండదు.
చీమ
చీమలు కుట్టడం వల్ల నొప్పి వస్తుంది. చర్మంపై చిన్న గడ్డలాంటి కురుపులు కనిపిస్తాయి. నల్ల చీమలు కుట్టవు. కానీ ఎర్ర చీమలు కుడతాయి. వాటి కాటు ప్రభావం చాలా గంటలు ఉంటుంది.
కందిరీగలు
ఇవి వెస్పిడే కుటుంబానికి చెందినవి. వీటి కాటు తీవ్రమైన నొప్పి, వాపు, దురదకు కారణమవుతుంది. కొంతమందికి హార్నెట్, కందిరీగ కుట్టిన ప్రదేశంలో రక్తస్రావం లేదా చర్మం ఎర్రగా అవడం వంటివి కనిపిస్తుంది. నొప్పి నుంచి ఉపశమనం పొందడానికి, కొంతమంది ప్రభావిత ప్రాంతంపై ఐస్ ప్యాక్లను వేస్తారు. కానీ అది అరగంటలో నయమవుతుంది.
Also Read: Insects In Pulses: పప్పులకు పురుగులు పడుతున్నాయా? అయితే ఇదిగో పరిష్కారం..
కీటకాల కాటును ఎలా నివారించాలి
కీటకాల కాటుకు గురయ్యే ప్రమాదం ఉన్న అటువంటి కార్యకలాపాలను నివారించండి.
మీరు వెళ్లే ప్రాంతంలో కనిపించే ఏవైనా నిర్దిష్ట రకాల కీటకాల గురించి తెలుసుకోండి.
మంచి నాణ్యత గల చర్మానికి సురక్షితమైన కీటకాల నివారిణిని వాడండి.
దోమతెరలను ఉపయోగించండి.
మీరు ప్రయాణిస్తుంటే, మీతో మందులు ఉంచుకోవడం బెటర్. పూర్తి జాగ్రత్తలు తీసుకోండి.
Disclaimer : ఈ సమాచారం కేవలం అవగాహన కోసం మాత్రమే అందిస్తున్నాము. దీన్ని Oktelugu.com నిర్ధారించదు. ఈ సూచనలు పాటించే ముందు నిపుణుల సలహాలు తీసుకోగలరు.
