Paralysis : చలికాలంలో పక్షవాతం ముప్పు పెరుగుతుందా? ఎందుకు?

Paralysis : చలిలో పక్షవాతం ముప్పు పెరుగుతుంది అంటున్నారు నిపుణులు. మంచి బొంత లేదా దుప్పటిని వదిలి ఉండటం కూడా కష్టమే. ఇక చలికాలంలో స్నానం చేస్తున్నప్పుడు చిన్నపాటి డ్యాన్స్ చేస్తారు కదా. అయితే చలికాలంలో ఉష్ణోగ్రతలు పడిపోవడం వల్ల అనేక వ్యాధుల ప్రమాదం పెరుగుతుంది. అందులో ముఖ్యంగా పక్షవాతం వచ్చే ఆస్కారం కూడా పెరుగుతుంది. చలికాలంలో మధ్యాహ్నం 3 గంటల నుంచి ఉదయం 6 గంటల మధ్య స్ట్రోక్ వచ్చే అవకాశాలు ఎక్కువగా ఉంటాయని మీకు తెలుసా? కొన్ని జాగ్రత్తలు తీసుకోవడం వల్ల ఈ సమస్య నుంచి దూరంగా ఉండవచ్చు.

చలికాలంలో మండే ఎండలు ఉండవు. జస్ట్ తేమ మాత్రమే ఉంటుంది. ఈ కాలం వేడి నుంచి ఉపశమనం అందించడంతో పాటు, అనేక వ్యాధుల ప్రమాదాన్ని కూడా తెస్తుంది. జలుబు కారణంగా దగ్గు, గొంతు ఇన్ఫెక్షన్, ఫ్లూతో పాటు, ఆస్తమా, గుండెపోటు, పక్షవాతం వంటి వ్యాధుల బారిన పడే ప్రమాదం కూడా ఉంటుంది. చలికాలంలో గుండెపోటు, పక్షవాతం వచ్చే అవకాశాలు ఎక్కువగా ఉంటాయట. అందుకే ఈ రోజుల్లో ఉదయం, సాయంత్రం వాకింగ్‌కు వెళ్లవద్దని, ఇంట్లోనే ఉండాలని వైద్యులు సూచిస్తున్నారు. ముఖ్యంగా చిన్నారులు, వృద్ధులతో పాటు మధుమేహం, రక్తపోటు, హృద్రోగులు మరింత జాగ్రత్తగా ఉండాలని వైద్యులు చెబుతున్నారు. చలి కాలంలో పక్షవాతం వచ్చే ప్రమాదాన్ని దూరంగా ఉంచడానికి దుప్పటి నుంచి బయటకు రావడం నుంచి స్నానం చేయడం వరకు ఏ విషయాలను గుర్తుంచుకోవాలి అని తెలుసుకుందాం.

పక్షవాతం వెనుక కారణం ఇదే..
శీతాకాలంలో గుండెపోటు, మెదడు రక్తస్రావం కేసులు చాలా రెట్లు పెరుగుతాయి. హై బిపి రోగులకు పక్షవాతం వచ్చే ప్రమాదం ఎక్కువగా ఉంటుంది. అటువంటి వ్యక్తులలో అకస్మాత్తుగా రక్తపోటు పెరగడం వల్ల, వారి మెదడు సిర పగిలి పక్షవాతం వచ్చే ప్రమాదాన్ని పెంచుతుంది. ఇది కాకుండా, పెరిగిన కొలెస్ట్రాల్, మధుమేహం, గుండె సమస్యలు, ధూమపానం, అధిక మద్యం సేవించడం కూడా పక్షవాతం ప్రమాదాన్ని పెంచుతుంది.

ఉదయం లేస్తున్నప్పుడు జాగ్రత్తలు..
పక్షవాతం ప్రమాదాన్ని తగ్గించడానికి, ఉదయాన్నే బొంత లేదా దుప్పటి నుంచి వెంటనే బయటకు రావద్దు. చలిలో రక్తం చిక్కగా మారుతుందట. దీని వల్ల గుండె లేదా మెదడుకు రక్త ప్రసరణ ఆగిపోతుంది. ఇది గుండెపోటు, బ్రెయిన్ స్ట్రోక్ ప్రమాదాన్ని పెంచుతుంది. మంచం నుంచి బయలుదేరే ముందు అరగంట పాటు కూర్చోండి. దీని తరువాత, మీ కాళ్ళను ఒక నిమిషం పాటు వేలాడదీయండి. మీరు మంచం దిగి నడిచేటప్పుడు వెచ్చని దుస్తులతో ఉండేలా చూసుకోండి. ఈ చిట్కాలన్నీ చలికాలంలో రక్త ప్రసరణ బాగా జరగడమే కాకుండా పక్షవాతం వచ్చే ప్రమాదాన్ని కూడా తగ్గిస్తాయి.

స్నానం చేసేటప్పుడు జాగ్రత్తలు..
చలికాలంలో చలిని నివారించడానికి ప్రజలు గోరువెచ్చని నీటితో స్నానం చేస్తారు. కానీ పక్షవాతం వచ్చే ప్రమాదాన్ని తగ్గించడానికి, ముందుగా స్నానం చేసేటప్పుడు పాదాల మీద మొదట నీరు పోయాలి. ఆ తర్వాత శరీరంలోని ఇతర భాగాలపై నీరు పోసుకొని స్నానం చేయాలని గుర్తుంచుకోండి. మరీ ముఖ్యంగా నేరుగా తలపై నీటిని పోయడం వల్ల స్ట్రోక్ లేదా పక్షవాతం వచ్చే ప్రమాదం కూడా పెరుగుతుంది.