ఏకశిలా నగరిపై ఎగిరేది ఎవరి జెండా?

– గ్రేటర్​ వరంగల్​ ఎలక్షన్లకు రెడీ అయిన పార్టీలు
– హైదరాబాద్​ తర్వాత జరిగే అవకాశం
-డెవలప్​మెంట్​ నినాదంతో అధికార పార్టీ
-ప్రభుత్వ వ్యతిరేకత, కబ్జాలు, డబుల్​ బెడ్రూం ఇండ్లు, ఎల్​ఆర్​ఎస్​లే ప్రతిపక్షాల వెపన్స్​
– యూత్​, ఉద్యోగుల ఓట్లే కీలకం

వరంగల్​ నగరంలో  గ్రేటర్​ ఎలక్షన్​ వార్​కు రంగం సిద్ధమైంది… నవంబర్​ తర్వాత ఎప్పుడైనా జరుగొచ్చని అధికార పార్టీ నేతలు లీకులు ఇస్తుండడంతో ఆశావహులు అస్త్రాలు రెడీ చేసుకుంటున్నారు.  మూడు ప్రధాన పార్టీలు టీఆర్ఎస్​, కాంగ్రెస్​, బీజేపీ ఇప్పటికే గ్రౌండ్​వర్క్​ షురూ చేశాయి. అధికార పార్టీ అభివృద్ధి నినాదంతో జోర్దార్​గా ముందుకెళ్తుండగా,  ప్రభుత్వ వ్యతిరేకత, లీడర్ల కబ్జాలు,  పేదలకు అందని డబుల్​ బెడ్​రూం ఇండ్లు ,  ఉద్యోగ నోటిఫికేషన్లు,  గత ఎన్నికలకు ముందు ఇచ్చిన హామీలు, మొన్నటి వరదలతో చిన్నాభిన్నమైన సిటీ పరిస్థితిని ప్రజల్లోకి తీసుకెళ్లి అధికార పార్టీకి చెక్ పెట్టాలని  ప్రతిపక్షాలు భావిస్తున్నాయి.

Also Read: కేసీఆర్ సై..తొడగొడితే పడగొడుతాడట

+గ్రేటర్​ బ్యాక్​గ్రౌండ్​..
……………………..
2015లో చుట్టుపక్కల ఉన్న 42 గ్రామాలను కలిపి 58 డివిజన్లతో గ్రేటర్ వరంగల్ మున్సిపల్ కార్పొరేషన్ ఏర్పాటైంది. 2016లో 58 డివిజన్లకు ఎలక్షన్లు జరుగగా.. టీఆర్ఎస్  44,  కాంగ్రెస్ 4, సీపీఎం, బీజేపీ చెరొకటి,  8 స్థానాల్లో ఇండిపెండెంట్లు పాగా వేశారు. టీఆర్ఎస్​ అభ్యర్థి నన్నపునేని నరేందర్​ మేయర్​గా ప్రమాణం చేశారు. 2018లో ఆయన వరంగల్​ తూర్పు నియోజకవర్గం నుంచి ఎమ్మెల్యేగా గెలువగా.. అప్పటి నుంచి  గుండా ప్రకాశ్​రావు పదవిలో కొనసాగుతున్నారు. ఈక్రమంలోనే టీఆర్​ఎస్​ కార్పొరేటర్​ ఎంబాడి రవీందర్​ కాంగ్రెస్​లోకి వెళ్లిపోగా.. కాంగ్రెస్​ కార్పొరేటర్ వేముల శ్రీనివాస్​  టీఆర్ఎస్ లోకి జంప్​ అయ్యారు.

+పవరే కారుకు ప్లస్​..​
……………………..
మరోసారి గ్రేటర్​పై జెండా ఎగురవేయడానికి అధికార పార్టీ సర్వశక్తులు ఒడ్డే అవకాశం ఉంది.  ఏదేమైనా అన్ని ఎలక్షన్లు గెలిచితీరాలని సీఎం కేసీఆర్​, మంత్రి కేటీఆర్  పదేపదే తమ పార్టీ లీడర్లకు దిశానిర్దేశం చేస్తున్నారు.  గత ఎన్నికల్లో భారీ విజయం అందుకున్న గులాబీ పార్టీ ఇప్పుడు కూడా ప్రతిపక్షాలను సింగిల్​ డిజిట్​కే పరిమితం చేసేలా స్కెచ్​ వేస్తోంది.  ఓటర్లను ఆకట్టుకోవడానికి మరిన్ని వరాలు కురిపించవచ్చు. మనీ, మందు ఎందులోనూ తగ్గే చాన్స్​లేకపోవచ్చని తెలుస్తోంది. ఇందులో భాగంగానే ఎలక్షన్లకు నోటిఫికేషన్​ రాకముందే భద్రకాళి బండ్​,  పార్కులు, మోడ్రన్​ టాయిలెట్లు, డబుల్​బెడ్​రూంలను ఓపెనింగ్​ చేసేలా పావులు కదుపుతోంది. అలాగే  కాజీపేట ఫాతిమానగర్​ రెండో బ్రిడ్జి పనులు చకచకా కొనసాగిస్తున్నారు.

+కాంగ్రెస్​ సత్తా చాటేనా
…………………………..
గత ఎన్నికల్లో కేవలం 4 డివిజన్లే గెలిచిన హస్తం పార్టీ ఈసారి సత్తా చాటాలని భావిస్తోంది. ఇప్పటికే డివిజన్ల వారీగా కమిటీలు వేశారు.  అధికార పార్టీ లీడర్ల కబ్జాలతోనే  వరదలు వచ్చాయని కాంగ్రెస్​ జిల్లా అధ్యక్షుడు నాయిని రాజేందర్​ రెడ్డి తదితరులు ఫైర్​ అయ్యారు. అధికార పార్టీలోని వర్గపోరును కూడా తమకు అనుకూలంగా మార్చుకునేందుకు ప్రయత్నాలు చేస్తున్నారు. ఇప్పటికే తూర్పు నియోజకవర్గంలో మాజీ మంత్రి కొండా సురేఖ సమావేశాలు ఏర్పాటు చేస్తున్నారు. తమవల్లే గత ఎన్నికల్లో తూర్పు కార్పొరేటర్లు అంతా గెలిచారని, ఇప్పడు వాళ్లకు అంతా సీన్​ లేదని మాటల దాడి పెంచారు.  రాష్ట్రంలో టీఆర్ఎస్ ప్రభుత్వం తెచ్చిన ఎల్​ఆర్​ఎస్​, కొత్త రెవెన్యూ చట్టం, కేంద్రంలో బీజేపీ ప్రభుత్వం తెచ్చిన వ్యవసాయ చట్టాలపై నిరసనలు, ధర్నాలతో సిటీని హోరెత్తించారు. రోజుకో ఆందోళన కార్యక్రమంతో గ్రేటర్​ జనాల మనస్సు గెలుచుకునేందుకు ప్రయత్నిస్తున్నారు.

Also Read: దుబ్బాక: టీఆర్ఎస్ కు షాక్.. కాంగ్రెస్ అభ్యర్థిగా టీఆర్ఎస్ నేత?

+మోడీ చరిష్మానే నమ్ముకున్న బీజేపీ..
………………………….
గత ఎన్నికల్లో కేవలం ఒక్క స్థానానికే పరిమితమైన బీజేపీ.. ఈసారి కొత్త ఉత్సాహంతో ముందుకెళ్తోంది. మోడీ ప్రభుత్వం చేపట్టిన 370 ఆర్టికల్​ రద్దు, ఆయోధ్య రామాలయ నిర్మాణం తదితర కార్యక్రమాలను ప్రజల్లోకి తీసుకెళ్లి ఓవర్గం ఓట్లను ఆకట్టుకునేందుకు ప్రయత్నిస్తోంది.  లోకల్​గా రావు పద్మ, ఎం.ధర్మారావు, ఇనుగాల రాకేశ్​రెడ్డి తదితర నేతల్లో వర్గపోరు ఉన్నప్పటికీ ఎవరికీ వారుగా రాష్ట్ర ప్రభుత్వ వైఫల్యాలపై స్పందిస్తున్నారు. గ్రేటర్​ ఎలక్షన్లను దృష్టిలో పెట్టుకునే రాష్ట్ర అధ్యక్షుడు బండి సంజయ్​, నిజామాబాద్​ ఎంపీ అర్వింద్​ తదితరులు ఇక్కడ పర్యటించి టీఆర్ఎస్​లీడర్ల కబ్జాలపై ఘాటుగా వ్యాఖ్యానించడంతో సిటీలో పొలిటికల్ హీట్​పెరిగింది.

+రిజర్వేషన్లు మారేనా.. డివిజన్లు పెరిగేనా..
…………………………
జనవరిలో రాష్ట్రంలోని 13కార్పొరేషన్ల మేయర్​ పదవులకు రిజర్వేషన్లు ప్రకటించారు. అందులో గ్రేటర్​ వరంగల్ బీసీ జనరల్​ వచ్చింది. అయితే ప్రస్తుతం ఎన్నికలకు తక్కువ టైం ఉండడంతో గత ఎన్నికల రిజర్వేషన్ల కొనసాగించే అవకాశం కనబడుతోంది. అలాగే డివిజన్లను 58నుంచి 66కు పెంచే అవకాశాలు కూడా లేవు. పాత 58డివిజన్లకే ఎలక్షన్లు జరిగే చాన్స్​ పుష్కలంగా ఉంది.

+ఈవీఎం?.. బ్యాలెట్​…?
……………………………..
కరోనా నేపథ్యంలో ఈసారి బ్యాలెట్​కే మొగ్గు చూపే అవకాశం కనబడుతోంది. హైదరాబాద్​లో మెజారిటీ పార్టీలు బ్యాలెట్​కే మొగ్గుచూపడం..ఈసీ కూడా ఒప్పుకోవడంతో  వరంగల్​లో కూడా బ్యాలెట్​ వారే ఉండనుంది.

పార్టీల బలబలాలు
––––––––––––
టీఆర్ఎస్
…………..

ప్లస్​పాయింట్లు​
+​  చేతిలో పవర్​ ఉండడం బోనస్​
+వరాల జల్లు కురిపించి ఓటర్లను ప్రసన్నం చేసుకోవడం
+అభివృద్ధి పనులు.. భారీగా కేడర్​

మైనస్​ పాయింట్లు
+లోకల్​ లీడర్ల కబ్జాల నేపథ్యంలో వ్యతిరేకత
+సిటీ అనుకున్నంతగా డెవలప్​కాకపోవడం
+ తూర్పులో వర్గపోరు తీవ్రంగా ఉండడం

Also Read: కేంద్రం అలర్ట్.. కరోనా వ్యాక్సిన్ అందుబాటులోకి..!

కాంగ్రెస్​
……………
ప్లస్​ పాయింట్లు
+ రెండో పెద్ద పార్టీ.. బూత్​ స్థాయిలో క్యాడర్​ఉండడం
+ టీఆర్​ఎస్​లీడర్ల అనైక్యత, కబ్జాలు
+యూత్​, ఉద్యోగుల్లో ప్రభుత్వం నైరాశ్యం

మైనస్​ పాయింట్లు
+వరుస ఓటములతో శ్రేణుల్లో నిరాశ
+సిటీ మొత్తానికి పెద్దన్న లాంటి లీడర్​లేకపోవడం
+పార్టీలో లీడర్ల మధ్య విభేదాలు

బీజేపీ
……….
ప్లస్​ పాయింట్లు
+ కేంద్ర ప్రభుత్వ ఆధ్వర్యంలో అమృత్​, స్మార్ట్​సిటీ స్కీంల అమలు, కేఎంసీ సూపర్​స్పెషాలిటీ హాస్పిటల్ ఏర్పాటు
+మోడీ చరిష్మా​… డివిజన్లలో యూత్​ చేరికలు

మైనస్​ పాయింట్లు
+లోకల్​గా చరిష్మా ఉన్న లీడర్​లేకపోవడం
+సామాన్య జనంలోకి చొచ్చుకపోకపోవడం
+పలు డివిజన్లలో ముస్లిం ఓటు బ్యాంకు అధికంగా ఉండడం

-భాషవేణి శ్రీనివాస్