Sandeep Reddy Vanga , Allu Arjun : పాన్ ఇండియా హీరోలు, పాన్ ఇండియా దర్శకులు ఎవరికి వాళ్లు ఒక మంచి కాంబినేషన్ ని సెట్ చేసుకొని సినిమాలు చేసే ప్రయత్నంలో ఉన్నారు. ఇక అందులో భాగంగానే స్టార్ హీరోలందరు పాన్ ఇండియా దర్శకులతో కథ చర్చలు జరుపుతున్నట్టుగా తెలుస్తోంది…
తెలుగు సినిమా ఇండస్ట్రీని కొత్త పుంతలు తొక్కించిన దర్శకుడు సందీప్ రెడ్డి వంగ… ఆయన చేసిన అర్జున్ రెడ్డి సినిమా ప్రేక్షకులను మెప్పించడమే కాకుండా విమర్శకుల ప్రశంసలను సైతం అందుకుంది. నిజానికి ఈ సినిమా వచ్చినప్పటి నుంచి తెలుగు సినిమా ఇండస్ట్రీ లో ప్రేక్షకులు గానీ, దర్శకులు గానీ ఒక డిఫరెంట్ సినిమాను చేయాలి అలాగే డిఫరెంట్ సినిమాని చూడాలి అని అనుకుంటున్నారు. దాని ద్వారానే ఇప్పటి వరకు చాలా సినిమాలు కొత్త కథలతో వస్తూ ట్రెండ్ సృష్టిస్తున్నాయి. ఇక తనదైన రీతిలో సత్తా చాటుకుంటూ ముందుకు దూసుకెళ్తున్న సందీప్ రెడ్డి వంగ బాలీవుడ్ లో అనిమల్ సినిమా చేసి తనకంటూ ఒక ప్రత్యేకమైన ఇమేజ్ ను కూడా ఏర్పాటు చేసుకున్నాడు. ఇక ప్రస్తుతం ప్రభాస్ తో స్పిరిట్ సినిమా చేస్తున్న ఆయన తన తర్వాత సినిమాని అల్లు అర్జున్ తో చేయబోతున్నట్టుగా గతంలోనే స్పష్టం చేశాడు. మరి ఇప్పుడు అందుతున్న సమాచారం ప్రకారం అల్లు అర్జున్ తో చేయబోయే సినిమా పట్టాలెక్కుతుందా లేదా అనే అనుమానాలైతే అయితే వ్యక్తం అవుతున్నాయి. ఎందుకు అంటే సందీప్ రెడ్డివంగా స్పిరిట్ సినిమా అయిపోగానే ‘అనిమల్ పార్క్’ సినిమాను పట్టలెక్కించబోతున్నట్టుగా తెలుస్తోంది.
అలాగే అల్లు అర్జున్ కూడా త్రివిక్రమ్ తో సినిమా చేసిన తర్వాత నెల్సన్ డైరెక్షన్ లో ఒక సినిమా చేయడానికి గ్రీన్ సిగ్నల్ ఇచ్చినట్టుగా తెలుస్తోంది. ఇక ఇప్పటికే నెల్సన్ ‘జైలర్ ‘ సినిమాతో మంచి విజయాన్ని అందుకొని మంచి ఫామ్ లో ఉన్నాడు. ప్రస్తుతం ఆయన రజనీకాంత్ తో ‘జైలర్ 2’ అనే సినిమాని పట్టాలెక్కించే పనిలో ఉన్నారు.
కాబట్టి అల్లు అర్జున్ సందీప్ రెడ్డి వంగ డైరెక్షన్ లో చేయబోయే సినిమా ఉంటుందా ఉండదా అనేది ఇప్పుడు మిలియన్ డాలర్ల ప్రశ్నగా మిగిలిపోయింది. మరి మొత్తానికైతే ఇప్పుడు అందుతున్న సమాచారం ప్రకారం వీళ్ళ కాంబినేషన్ లో సినిమా వస్తుంది కానీ అది ఎప్పుడూ వస్తుంది అనే దాని మీద సరైన క్లారిటీ ఇవ్వలేకపోతున్నారు. ఇక ఏది ఏమైనా కూడా సందీప్ రెడ్డి వంగ ‘స్పిరిట్ ‘ సినిమాతో భారీ సక్సెస్ ని అందుకుంటే పాన్ ఇండియాలో స్టార్ డైరెక్టర్ గా వెలుగొందుతాడు.
కాబట్టి ఆయన కూడా ఈ సినిమాని సూపర్ సక్సెస్ చేసే దిశగా ముందుకు తీసుకెళ్లే ప్రయత్నం చేస్తున్నాడు… ఇక ‘పుష్ప 2’ సినిమా సక్సెస్ ని సాధిస్తే అల్లు అర్జున్ కూడా పాన్ ఇండియాలో స్టార్ హీరోగా మారిపోతాడు. ఇక వీళ్ళ కాంబినేషన్ లో సినిమా వస్తే మాత్రం ఆ సినిమా సూపర్ సక్సెస్ అవుతుందని చెప్పడంలో ఎంత మాత్రం అతిశయోక్తి లేదు…
