Sobhita Dhulipala
Sobhita Dhulipala:నాగ చైతన్యతో నిశ్చితార్థం తర్వాత నటి శోభితా ధూళిపాళ ట్రెండింగ్‌గా మారింది. ప్రస్తుతం ఎక్కడ చూసినా వారి గురించే చర్చ నడుస్తోంది. సమంతతో విడాకుల తర్వాత నాగ చైతన్య శోభితతో కనెక్ట్ అయ్యాడు. కొద్ది రోజులుగా ఆమెతో సీక్రెట్ గా డేటింగ్ కొనసాగించారు. డేటింగ్ రూమర్స్ వార్తల్లో ఉన్నప్పుడు చైతు దానిపై స్పందించలేదు. అలాంటిదేమీ లేదని శోభిత గతంలో ఓ ఇంటర్వ్యూలో చెప్పారు. ఆ మధ్య చై-శోభిత జర్మనీలో కనిపించగా, చై-శోభిత రిలేషన్ షిప్ లో ఉన్నారని జోరుగా ప్రచారం సాగింది.
అదే నిజం చేస్తూ ఎంగేజ్‌మెంట్ ప్రకటనతో వారు తమ మధ్య ఉన్న సంబంధాన్ని అధికారికంగా ప్రకటించారు. ఈ ఏడాది ఆగస్ట్ 8న నాగ చైతన్య-శోభిత నిశ్చితార్థం అతి కొద్ది మంది కుటుంబ సభ్యులు సన్నిహితుల మధ్య జరిగింది. స్వయంగా హీరో నాగార్జున అక్కినేని నిశ్చితార్థం ఫొటోలను కూడా విడుదల చేశారు. దీంతో శోభిత కుటుంబ నేపథ్యం, గత సంబంధాలపై అందరూ ఆరా తీస్తున్నారు. ఈ క్రమంలో శోభితకు గతంలో ఓ ఫ్యాషన్ డిజైనర్‌తో సంబంధం ఉన్నట్లు తెలుస్తోంది. అంతేకాదు రిలేషన్ షిప్ సమయంలో అతనితో కలిసి ఉన్న ఫోటో కూడా సోషల్ మీడియాలో వైరల్ అవుతుంది.
శోభిత మోడల్ గా కెరీర్ ప్రారంభించిన సంగతి తెలిసిందే. కానీ ఆమె మోడల్‌గా రాణిస్తున్న సమయంలో ఆమె ప్రముఖ ఫ్యాషన్ డిజైనర్, లగ్జరీ బ్రాండ్ హ్యూమన్ సహ వ్యవస్థాపకుడు ప్రణవ్ మిశ్రాతో ప్రేమలో పడింది. ఆమె అతనితో కొంతకాలం డేటింగ్ చేసింది. 2019 లో వారు ఒక ఫ్యాషన్ షోలో కలుసుకున్నారు. ఆ పరిచయం కాస్తా స్నేహంగా మారి ప్రేమగా మారింది. అలా కొంత కాలంగా శోభిత, ప్రణవ్ ప్రేమలో పడ్డారు. తర్వాత వ్యక్తిగత విభేదాల కారణంగా విడిపోయారని బాలీవుడ్ మీడియాలో కథనాలు వచ్చాయి. అయితే వారి విడిపోవడానికి అసలు కారణం తెలియరాలేదు.
అయితే నాగ చైతన్య కంటే ముందే ఫ్యాషన్ డిజైనర్ ప్రణవ్ తో శోభిత ప్రేమాయణం సాగించడం చర్చనీయాంశంగా మారింది. అయితే తెలుగులో కంటే హిందీలో ఎక్కువ సినిమాలు చేసింది శోభిత.. ఆమె మే 31, 1992న ఆంధ్రప్రదేశ్‌లోని తెనాలిలో జన్మించారు. ఫెమినా మిస్ ఇండియా ఎర్త్ 2013 గెలిచిన తర్వాత ఆమె సినిమాల్లోకి ఎంట్రీ ఇచ్చారు. హిందీ, తెలుగు భాషల్లో పలు చిత్రాల్లో నటించింది. గతేడాది యాక్షన్‌ థ్రిల్లర్‌ మంకీ మ్యాన్‌తో దేవ్‌ పటేల్‌ హాలీవుడ్‌లోకి ఎంట్రీ ఇచ్చింది. టాలీవుడ్‌లో గూడచారి సినిమాతో తెలుగులో మంచి గుర్తింపు తెచ్చుకుంది శోభిత. ఆ తర్వాత ఎక్కువ సినిమాల్లో నటించని పొన్నియన్ సెల్వన్ సినిమాలో కీలక పాత్ర పోషించింది.