Virupaksha Collections: సుప్రీమ్ హీరో సాయి ధరమ్ తేజ్ హీరో గా నటించిన లేటెస్ట్ చిత్రం ‘విరూపాక్ష’ ఎంత పెద్ద సంచలన విజయం సాధించిందో మన అందరికీ తెలిసిందే. విడుదలకు ముందే ఈ సినిమా టీజర్ మరియు ట్రైలర్ మెగా ఫ్యాన్స్ మరియు ప్రేక్షకుల్లో చాలా ఆసక్తిని కలిగించింది. సాయి ధరమ్ తేజ్ సెకండ్ ఇన్నింగ్స్ అదిరిపోబోతుంది అనే ఫీలింగ్ ని రప్పించింది ఈ చిత్రం. విడుదలకు ముందు ఎలాంటి అంచనాలు అయితే ఉన్నాయో, ఆ అంచనాలను అన్నీ దాటి వేసి ఈ చిత్రం ప్రేక్షకులకు థియేటర్స్ లో అద్భుతమైన థ్రిల్లింగ్ అనుభూతిని ఇచ్చింది.
సినిమా చూసి ఇంటికి వచ్చిన తర్వాత కూడా సన్నివేశాలు మనల్ని వెంటాడుతూనే ఉంటాయి.డైరెక్టర్ కార్తీక్ దండు స్టోరీ మరియు టేకింగ్, క్రియేటివ్ డైరెక్టర్ సుకుమార్ స్క్రీన్ ప్లే ఎంత అద్భుతంగా కుదురిందో మాటల్లో చెప్పలేము. ఈ చిత్రం విడుదలై నేటికీ వారం రోజులు అయ్యింది. ఈ వారం రోజులకు గాను ఈ చిత్రం ఎంత వసూళ్లను రాబట్టిందో ఒకసారి చూద్దాము.
ట్రేడ్ పండితుల లెక్క ప్రకారం సాయి ధరమ్ తేజ్ కెరీర్ లో అత్యధిక వసూళ్లు సాధించిన చిత్రం ‘ప్రతి రోజు పండగే’.ఈ సినిమా అప్పట్లో 35 కోట్ల రూపాయలకు పైగా షేర్ వసూళ్లు సాధించింది. ఇప్పుడు ‘విరూపాక్ష’ చిత్రం ఆ వసూళ్లకు మొదటివారం లోనే దగ్గరగా వచ్చినట్టు చెప్తున్నారు ట్రేడ్ పండితులు. ముఖ్యంగా నైజాం ప్రాంతం లో ఈ చిత్రం మొదటి వారం 11 కోట్ల రూపాయలకు పైగా షేర్ వసూళ్లు సాధించిందట.అలా ఆంధ్ర ప్రదేశ్ మరియు తెలంగాణ ప్రాంతాలకు కలిపి ఈ సినిమాకి 7 రోజుల్లో 25 కోట్ల రూపాయిల షేర్ వసూళ్లు వచ్చాయి.
ఇక ఓవర్సీస్ లో అయితే ఇప్పటికే ఈ సినిమా 1 మిలియన్ మార్కుని దాటేసింది, ఇది సాయి ధరమ్ తేజ్ కెరీర్ లో మొట్టమొదటి మిలియన్ మార్కు దాటిన సినిమాగా చెప్పుకోవచ్చు, అలా కర్ణాటక మరియు రెస్ట్ ఆఫ్ ఇండియా కి కలిపి ఈ చిత్రం రెండు కోట్ల రూపాయలకు పైగా వసూళ్లను రాబట్టింది. మొత్తం మీద ప్రపంచవ్యాప్తంగా ఈ సినిమా మొదటి వారం లో 32 కోట్ల రూపాయిల షేర్ వసూళ్లను సాధించిందని అంటున్నారు ట్రేడ్ పండితులు.
Vishnuteja is a Writer Contributes Movie News. He has rich experience in picking up the latest trends in movie category and has good analytical power in explaining the topics on latest issues. He also write articles on Movie news.
Read More