Venkatesh
Venkatesh: సినీ ఇండస్ట్రీలో కొన్ని అనుకోని విషయాలు జరుగుతూ ఉంటాయి. ఒక సినిమా కోసం నటులను ఎంపిక చేసిన తరువాత కొన్ని కారణాల వల్ల వారిని మార్చాల్సి వస్తుంది. ముఖ్యంగా కొందరు డైరెక్టర్లు తమ సినిమాలకు హీరోలను సెలెక్ట్ చేసిన తరువాత వారు కథకు షూట్ కాకపోవడమో.. లేక కాల్షీట్లు కుదరకపోవడమో.. ఇతర కారణాల వల్ల హీరోలను మారుస్తూ ఉంటారు. గతంలో ఇలాంటి మార్పులు చాలా ఉండేవి. అయితే కొందరు స్టార్ హీరోలే తాము వద్దనుకున్న సినిమాలు ఆ తరువాత బ్లాక్ బస్టర్ హిట్టు కొట్టాయి. విక్టరీ వెంకటేష్ ‘సమరసింహారెడ్డి’ సినిమా చేయాల్సింది. కానీ కొన్నికారణాల వల్ల మిస్ అయింది. అలాగే మరికొన్ని బంపర్ హిట్లను కూడా విక్టరీ మిస్ చేసుకున్నాడు. అవేంటో చూద్దాం..
రోజా:
మణిరత్నం డైరెక్షన్లో వచ్చిన రోజా మూవీ బ్లాక్ బస్టర్. ఇందులో అరవింద స్వామి హీరోగా, మధుభాల హీరోయిన్ గా నటించింది. మణిరత్నం తన సినిమాలకు అప్పట్లో ముందుగా తెలుగు హీరోలను సెలెక్ట్ చేసుకునేవారు. ఇందులో భాగంగా రోజా సినిమా కోసం మణిరత్నం వెంకటేష్ దగ్గరికి వచ్చాడు. కానీ వెంకీ ఆ సమయంలో చంటి సినిమాతో బిజీగా ఉండడం వల్ల ‘రోజా’ను రిజెక్ట్ చేశాడు. ఆ తరువాత ఈ సినిమా ఎలాంటి సంచలనాలు సృష్టించిందో అందరికీ తెలిసిందే.
ఒకేఒక్కడు:
సౌత్ డైరెక్టర్ శంకర్ ఒకే ఒక్కడు సినిమాతోనే ఫేమస్ అయ్యాడు. అంతకుముందు ఆయన స్టార్ హీరోలతో చేయాలని ఆశ ఉండేది. దీంతో రజనీకాంత్ ను కలిశాడు. వారికి కథ నచ్చక వద్దన్నారు. చివరికి వెంకటేష్ వద్దకువచ్చాడు శంకర్. అయితే వెంకీ ఆ సమయంలో కలిసుందాం రా సినిమాలో నటిస్తుండగా కాల్సీట్లు కుదరకు నో చెప్పాడు.
సంతోషం:
ఫ్యామిలీ చిత్రాలకు పెట్టింది పేరు వెంకటేష్. దీంతో దశరత్ సంతోషం కథను ముందుగా వెంకటేష్ కు చెప్పాడు. అయితే అలాంటి కథ తో సినిమా చేయలేనని చెప్పాడు. దీంతో ఇదే సినిమాను నాగార్జున చేయడంతో ఆ మూవీ బంపర్ హిట్టు కొట్టింది.
కృష్ణం వందే జగద్దురుం:
క్రీష్ డైరెక్షన్లో రానా హీరోగా వచ్చిన ఈ మూవీని ముందుగా వెంకటేష్ హీరో అనుకున్నారు. కానీ చివరి నిమిషంలో వెంకీ తప్పుకున్నాడు. దీంతో వెంటనే ఆయన అన్నకుమారుడు రానాతో తీశాడు. అియతే ఈ సినిమాలో వెంకీ ఓ సాంగ్ లో కనిపిస్తాడు.
గోవిందుడు అందరివాడేలే:
మెగా హీరో రామ్ చరణ్ హీరోగా ఫ్యామిలీ ఎంటర్టైన్మెంట్ గా వచ్చిన మూవీ ‘గోవిందుడు అందరివాడేలే’. ఈ సినిమాలో వెంకటేష్ ను ఊహించుకుంటే సెట్ అయ్యేవారని కొందరు ఫ్యాన్స్ అంటూ ఉంటారు. అయితే ఇందులో శ్రీకాంత్ పాత్ర కోసం వెంకటేష్ ను అనుకున్నారు. కానీ అలా సైడ్ క్యారెక్టర్ చేయనని వెంకటేష్ అనడంతో శ్రీకాంత్ ను దించారు.
క్రాక్:
మాస్ మహరాజ రవితేజ హీరోగా వచ్చిన ‘క్రాక్’ మూవీని వెంకటేష్ చేయాల్సి ఉండేది. డైరెక్టర్ గోపిచంద్ ఈ కథను వివరించగా కనెక్ట్ కాలేదు. దీంతో కొన్నాళ్ల పాటు గ్యాప్ వచ్చింది. ఆ తరువాత రవితేజ ఎంట్రీ ఇవ్వడంతో ఈ మూవీ బ్లాక్ బస్టర్ కొట్టింది.
