Ustad Bhagat Singh Latest Update: స్టైలిష్ లుక్ లో పవర్ స్టార్..’ఉస్తాద్ భగత్ సింగ్’ నుండి రేపు బ్లాస్టింగ్ అప్డేట్!

Ustad Bhagat Singh Latest Update: ‘గబ్బర్ సింగ్’ లాంటి భారీ బ్లాక్ బస్టర్ హిట్ తర్వాత పవన్ కళ్యాణ్(Deputy CM Pawan Kalyan), హరీష్ శంకర్(Harish Shankar) కాంబినేషన్ లో తెరకెక్కుతున్న చిత్రం ‘ఉస్తాద్ భగత్ సింగ్'(Ustaad Bhagat Singh). షూటింగ్ కార్యక్రమాలను దాదాపుగా పూర్తి చేసుకున్న ఈ సినిమా, వచ్చే ఏడాది ప్రారంభం లో ప్రేక్షకుల ముందుకు రాబోతుంది. అయితే ఎల్లుండి పవన్ కళ్యాణ్ పుట్టిన రోజు కావడం తో ఒక రోజు ముందుగా ఫ్యాన్స్ కి ఫుల్ మీల్స్ పెట్టనుంది ‘ఉస్తాద్ భగత్ సింగ్’ టీం. కాసేపటి క్రితమే పవన్ కళ్యాణ్ కి సంబంధించిన ఒక స్టైలిష్ పోస్టర్ ని విడుదల చేశారు మేకర్స్. బ్లాక్ డ్రెస్ పై బ్లాప్ టోపీ ని తగిలించి బద్రి కాలం నాటి పవన్ కళ్యాణ్ ని మరోసారి అభిమానులకు గుర్తు చేసాడు డైరెక్టర్ హరీష్ శంకర్. ఈ పోస్టర్ ని చూసి ఫ్యాన్స్ మెంటలెక్కిపోతున్నారు.

Also Read: జగన్, కెసిఆర్ సర్వశక్తి సంపన్నులు.. వారిని మన వ్యవస్థలు ఏమీ చేయలేవు

రేపు ఈ గెటప్ లో ఉన్నటువంటి పవన్ కళ్యాణ్ కి సంబంధించిన పూర్తి స్థాయి పోస్టర్, లేదా టీజర్ వీడియో విడుదలయ్యే అవకాశం ఉంది. ఇది ‘ఉస్తాద్ భగత్ సింగ్’ చిత్రం లోని ఒక పాటకు సంబంధించినది అని తెలుస్తుంది. రీసెంట్ గానే విజయ్ దేవరకొండ ‘కింగ్డమ్’ మూవీ విడుదల సమయం లో పవన్ కళ్యాణ్ ని ఉస్తాద్ భగత్ సింగ్ మూవీ సెట్స్ కి వెళ్లి కలుస్తాడు గుర్తుందా?, ఆ సమయం లో ఆయన ఇదే లుక్ తో ఉన్నాడు. ఆరోజు ఈ సినిమాలోని ఒక రెట్రో సాంగ్ కి సంబంధించిన షూటింగ్ ని జరుపుతున్నారు. ఆ పాటకు సంబంధించిన లుక్ నే ఇది. ప్రీ పోస్టర్ నే ఇలా ఉందంటే, ఇక మెయిన్ పోస్టర్ ఏ రేంజ్ లో ఉంటుందో చూడాలి. చూస్తుంటే పవన్ కళ్యాణ్ అభిమానులకు మరోసారి జీవితాంతం గుర్తించుకునే సినిమాని హరీష్ శంకర్ అందించేందుకు చాలా గట్టి ప్రయత్నం చేస్తున్నట్టుగా అనిపిస్తుంది.

మైత్రీ మూవీ మేకర్స్ బ్యానర్ పై నిర్మిస్తున్న ఈ చిత్రం లో హీరోయిన్ గా శ్రీలీల నటిస్తుండగా, సెకండ్ హీరోయిన్ గా రాశి ఖన్నా నటిస్తుంది. కేవలం ఒకే ఒక్క సాంగ్ కి సంబంధించిన షూటింగ్ మాత్రమే బ్యాలన్స్ ఉంది. అదే విధంగా పవన్ కళ్యాణ్ లేని సన్నివేశాలకు సంబంధించిన షూటింగ్ ఒక పది రోజుల పాటు ఉందట. ఆ తర్వాత షూటింగ్ మొత్తం పూర్తి అయ్యినట్టే అని అంటున్నారు. అన్ని కుదిరితే ఈ ఏడాది డిసెంబర్ నెలలోనే ఈ సినిమాని విడుదల చెయ్యాలనే ప్లాన్ లో ఉన్నారు. ఒకవేళ కుదరకపోతే వచ్చే ఏడాది సమ్మర్ లో విడుదల చేసే అవకాశం ఉంది. పవన్ కళ్యాణ్ నుండి చాలా కాలం తర్వాత రాబోతున్న కమర్షియల్ చిత్రమిది. ఇప్పటికే ఈ సినిమా నుండి విడుదలైన రెండు గ్లింప్స్ వీడియోస్ కి అద్భుతమైన రెస్పాన్స్ వచ్చింది. ఇక రేపు విడుదల అవ్వబోయే కంటెంట్ ఎలా ఉండబోతుందో చూడాలి.