Pushpa 2: పుష్ప పుష్ప రాజ్.. తగ్గేదేలే ఈ డైలాగ్ వెంటే వెంటనే అల్లు అర్జున్ గుర్తుకు వస్తాడు. తనకంటూ ఒక ప్రత్యేకమైన స్టైల్ తో ఎంతో మంది అభిమానులను సంపాదించారు బన్నీ. ఇక పుష్ప సినిమాతో యూత్ ను ఉర్రూతలూగించారు. ఇందులోని పాటలు అదుర్స్ అనిపించుకున్నాయి. ఆ సినిమా పాటలు, డ్యాన్సులు, డైలాగులు దేశాన్ని మాత్రమే కాదు ప్రపంచాన్నే ఓ ఊపు ఊపేశాయి. ప్రస్తుతం ఆ సినిమా సీక్వెల్ పుష్ప: ది రూల్ ఫీవర్ నడుస్తోంది. దీని నుంచి ఇటీవల రిలీజైన ‘పుష్ప పుష్ప’ పాట ప్రస్తుతం సోషల్ మీడియాలో వైరల్ గా మారింది. అల్లు అర్జున్ డ్యాన్స్ మూవ్స్ను చాలామంది ఇన్ స్టాలో రీ క్రియేట్ చేస్తూ పోస్టు చేస్తున్నారు.
విదేశాల్లో కూడా.. ఈ పాటపై రీల్స్ చేస్తూ సందడి చేస్తున్నారు నెటిజన్లు. పిల్లల నుంచి వృద్ధుల వరకు అందరూ ఇప్పుడు అదే పనిపై బిజీగా ఉన్నారు. వీరందరిలోనూ.. ఒక మహిళ చీరలో ఈ హుక్ స్టెప్ను యాజిటీజ్ ఇరగదీసింది. సేమ్ బన్నీ గ్రేస్తో మూవ్స్ చేసింది. దీంతో ఈ రీల్ నెట్టింట వైరల్గా మారింది. బన్నీ ఫ్యాన్స్ దీన్ని తెగ షేర్ చేస్తున్నారు. కామెంట్లతో హోరెత్తిస్తున్నారు. నెటిజన్లు ఆమెను ‘లేడీ పుష్పరాజ్’గా అభివర్ణిస్తున్నారు.
మరి ఈ డాన్స్ చేసింది ఎవరు అనుకుంటున్నారా? బార్షా శర్మా అని తెలుస్తోంది. ఆమె తన డ్యాన్స్ రీల్ను ఆన్లైన్లో షేర్ చేసినప్పుడు తనను తాను “పుష్ప గర్ల్” గా చెప్పుకుంది. టాలీవుడ్ సూపర్ స్టార్ అల్లు అర్జున్ వేసిన స్టెప్పులు చూసి ఫిదా అయ్యానని తెలిపింది. అంతేకాదు బన్నీ అధికారిక ఇన్స్టాగ్రామ్ ఖాతాను ట్యాగ్ చేస్తూ “అమేజింగ్ క్రేజీ స్టెప్” అని పేర్కొనడంతో బన్నీ అభిమానులు కూడా ఈమెకు ఫ్యాన్స్ అయ్యారు.
గతంలో సుకుమార్ డైరెక్షన్లో వచ్చిన ‘పుష్ప: ది రైజ్కు కొనసాగింపుగా పుష్ప: ది రూల్ మూవీ తెరకెక్కుతోంది. శరవేగంగా షూటింగ్ జరుపుకొంటున్న ఈ మూవీని ఆగస్టు 15న ఆడియెన్స్ ముందుకువచ్చేందుకు సిద్దం అవుతుంది. రష్మిక హీరోయిన్గా నటిస్తున్న ఈ మూవీలో ఫహద్ ఫాజిల్, సునీల్, అనసూయ, జగదీష్, ధనుంజయ కీ రోల్స్లో నటిస్తున్నారు. దేవిశ్రీ ప్రసాద్ మ్యూజిక్ అందిస్తున్నారు. మరి ఈ సినిమా ఎలాంటి హైప్ ను క్రియేట్ చేస్తుందో చూడాలి.
