Ramesh Babu Death: సీనియర్ సూపర్ స్టార్ కృష్ణ పెద్ద కుమారుడు, మహేష్ బాబు సోదరుడు, ప్రముఖ నిర్మాత రమేష్ బాబు(56) అనారోగ్యంతో నిన్న సాయంత్రం మృతిచెందారు. ఆయన మృతి తెలుగు రాష్ట్రాల్లో దావనంలా పాకిపోయింది. ఆయన మృతిపట్ల సినీ ఇండస్ట్రీ, రాజకీయ ప్రముఖులు సంతాపం వ్యక్తం వ్యక్తం చేస్తున్నారు. మరోవైపు రమేష్ బాబు అంతిమ యాత్రకు కుటుంబ సభ్యులు ఏర్పాట్లు చేస్తున్నారు.
రమేష్ బాబు మృతిపట్ల చిరంజీవి తన ట్వీటర్లో స్పందించారు. రమేష్ మృతి వార్త వినగానే షాకయ్యానని.. తనకు ఎంతో బాధకలిగిందని ఆయన ట్వీటర్లో పేర్కొన్నారు. సూపర్ కృష్ణ గారికి, మహేష్ కు తన సానుభూతిని వ్యక్తం చేస్తున్నా.. ఈ బాధకరమైన పరిస్థితి నుంచి ఆ కుటుంబం త్వరగా కోలుకోవాలని దేవుడిని ప్రార్థిస్తున్నా అంటూ ట్వీట్ చేశారు.
Shocked and deeply saddened by the demise of Shri.G.Ramesh babu. My heartfelt condolences to Shri.Krishna garu ,@urstrulyMahesh and all the family members. May the Almighty give strength to the family to cope with the tragic loss.
— Chiranjeevi Konidela (@KChiruTweets) January 9, 2022
ఏపీ మాజీ సీఎం చంద్రబాబు రమేష్ మృతిపై స్పందించారు. రమేష్ బాబు ఆత్మకు శాంతి చేకూరాలని కోరుకుంటున్నట్లు చెప్పారు. ఇలాంటి క్లిష్ట పరిస్థితుల నుంచి కృష్ణగారి కుటుంబం త్వరగా బయటపడాలని దేవుడిని ప్రార్థిస్తున్నా అంటూ ఆయన సోషల్ మీడియా వేదికగా తెలిపారు.
మహేష్ బాబు సోదరుడి మృతి వార్త తెలుసుకున్న నితిన్ ట్వీటర్లో స్పందించారు. రమేష్ బాబు గారి అకాల మరణం తెలిసి ఎంతో బాధపడ్డానని, ఆయన ఆత్మకు శాంతి చేకూరాలని సానుభూతిని వ్యక్తం చేశారు. ప్రముఖ డైరెక్టర్లు అనిల్ రావుపూడి, హరీష్ శంకర్, వరుణ్ తేజ్ తదితరులు సైతం కృష్ణగారి కుటుంబానికి ఈ బాధను తట్టుకునే శక్తిని భగవంతుడు ఇవ్వాలని ట్వీట్ చేశారు
