Mokshagna Teja: ఏమి తేజస్సు బిడ్డా..మెరిసిపోతున్న నందమూరి వారసుడు మోక్షజ్ఞ..నేటి నుండే రెగ్యులర్ షూటింగ్ ప్రారంభం!

Mokshagna Teja: కోట్లాది మంది అభిమానులు ఎప్పుడెప్పుడా అని ఎదురు చూస్తున్న నందమూరి బాలకృష్ణ నటవారసుడు నందమూరి మోక్షజ్ఞ తేజ వెండితెర అరంగేట్రానికి సంబంధించిన కార్యక్రమాలు మొత్తం పూర్తి అయ్యాయి. ఈ చిత్రానికి ‘హనుమాన్’ ఫేమ్ ప్రశాంత్ వర్మ దర్శకత్వం వహించబోతున్నాడు. కొద్దిరోజుల క్రితమే ఈ సినిమాలోని మోక్షజ్ఞ కి లుక్ టెస్ట్ జరిగింది. ఆ సమయంలో తీసిన కొన్ని ఫోటోలలో ఒకదానిని ఆయన పుట్టినరోజు సందర్భంగా మేకర్స్ విడుదల చేయగా, దానికి అభిమానులు, ప్రేక్షకుల నుండి అద్భుతమైన రెస్పాన్స్ వచ్చింది. నేటి నుండి ఈ సినిమా రెగ్యులర్ షూటింగ్ మొదలు అయ్యిందని ఆ చిత్ర దర్శకుడు ప్రశాంత్ వర్మ కాసేపటి క్రితమే ట్విట్టర్ లో మోక్షజ్ఞ లేటెస్ట్ లుక్ ని పోస్ట్ చేస్తూ ఒక ట్వీట్ వేసాడు. ఇందులో మోక్షజ్ఞ లుక్ ని చూసిన అభిమానులు ఎంతో సంతోషించారు. మా నందమూరి వారసుడు మెరిసిపోతున్నాడు అంటూ ప్రశంసల వర్షం కురిపించారు.

చూస్తుంటే మోక్షజ్ఞ తేజ తన మొదటి సినిమాతోనే 100 కోట్ల రూపాయిల షేర్ వసూళ్లను అవలీలగా అందుకునేలా అనిపిస్తుంది. ఈ చిత్రం మహాభారతం లైన్ మీద తెరకెక్కిస్తున్నట్టు తెలుస్తుంది. ఇందులో మోక్షజ్ఞ తో పాటు బాలయ్య బాబు కూడా నటిస్తున్నాడు. బాలకృష్ణ అర్జునుడి క్యారక్టర్ లో కనిపిస్తుండగా, మోక్షజ్ఞ అభిమన్యుడు క్యారక్టర్ లో కనిపించనున్నాడు. ఇక శ్రీ కృష్ణుడి క్యారక్టర్ కోసం ఏకంగా నందమూరి తారక రామారావు గారు కనిపించబోతున్నారట. ఆర్టిఫీషియల్ ఇంటలిజెన్స్ టెక్నాలజీ ని ఉపయోగించి అన్నగారిని మరోసారి వెండితెర మీద చూపించబోతున్నారు. అయితే లైన్ తెలిసింది కానీ, ఇది కల్కి తరహాలో పునర్జన్మ నేపథ్యంలో తెరకెక్కిన సినిమానా?, లేకపోతే మోడరన్ మహాభారతం లాగా తెరకెక్కిస్తున్నారా అనేది తెలియాల్సి ఉంది. ఈ చిత్రంలో మోక్షజ్ఞ లవర్ బాయ్ గా, మాస్ హీరో గా, ఫ్యామిలీ హీరో గా అన్ని వర్గాల ప్రేక్షకులకు దగ్గర అయ్యేలా ఆయన క్యారక్టర్ ని తీర్చి దిద్దినట్టు సమాచారం.

వచ్చే ఏడాది ప్రథమార్థం లోపు షూటింగ్ కార్యక్రమాలను పూర్తి చేసి, ద్వితీయార్థం లో సినిమాని విడుదల చేసే ప్లాన్ లో ఉన్నారట మేకర్స్. ఇకపోతే ఈ సినిమాలో హీరోయిన్ గా శ్రీలీల ని తీసుకుందాం అనుకున్నారు. కానీ ఈ ఏడాది ఆమె మెడికల్ స్టడీస్ కి అత్యంత కీలకం కావడంతో ఈ సినిమాని ఒప్పుకోలేకపోయింది. దీంతో ప్రముఖ బాలీవుడ్ స్టార్ హీరోనే రవీనా తాండాన్ కూతురు, రాషా తాండాన్ ని తీసుకునే ఆలోచనలో ఉన్నారట మేకర్స్. ఈమెకు కూడా ఇదే మొదటి సినిమా అవ్వబోతుంది. ఈమె రామ్ చరణ్, బుచ్చి బాబు కాంబినేషన్ లో తెరకెక్కుతున్న సినిమాతోనే వెండితెర అరంగేట్రం చేయాల్సి ఉంది కానీ, కొన్ని అనుకోని కారణాల వల్ల ఆ సినిమాకి ఎంపిక కాలేదు. ఇప్పుడు బాలయ్య కొడుకు సినిమా ద్వారా ఆమె వెండితెరకి పరిచయం. ఈ ఫ్రెష్ పెయిర్ ని ఆడియన్స్ ఏ రేంజ్ లో ఆదరిస్తారో చూడాలి.