Bigg Boss Telugu 8 : టాప్ 5 లో ఎవరెవరు ఉండబోతున్నారో తేల్చేసిన కంటెస్టెంట్స్ కుటుంబ సభ్యులు..ప్రేరణని ఎవ్వరు పట్టించుకోలేదుగా!

Bigg Boss Telugu 8 : ప్రతీ బిగ్ బాస్ సీజన్ లోనూ ఫ్యామిలీ వీక్ తర్వాత వచ్చే వీకెండ్ ఎపిసోడ్స్ లో టాప్ 5 కంటెస్టెంట్స్ గా ఎవరు ఉండబోతున్నారు అనేది, లోపల ఉన్న హౌస్ మేట్స్ అందరికి ఒక క్లారిటీ వచ్చేస్తుంది. ఈ సీజన్ లో కూడా నిన్నటి ఎపిసోడ్ తో అందరికి ఒక క్లారిటీ అయితే వచ్చేసింది. కంటెస్టెంట్స్ కి సంబంధించిన సెలబ్రిటీ స్నేహితులతో పాటు కుటుంబ సభ్యులలో ఒకరితో నిన్న బిగ్ బాస్ స్టేజి మీదకి వచ్చి, ఎవరు టాప్ 5 లో ఉండబోతున్నారో ఒక క్లారిటీ ఇచ్చేసారు. హౌస్ లో ప్రస్తుతం 10 మంది ఉంటే, నిన్నటి ఎపిసోడ్ లో 6 మంది కంటెస్టెంట్స్ కి సంబంధించిన వాళ్ళు వచ్చారు. 6 మందిలో నిఖిల్, నబీల్, గౌతమ్ టాప్ 5 లో ఉంటారని తేల్చి చెప్పేసారు. కానీ ఒక్కరు టాప్ 5 లో కచ్చితంగా ఉండబోయే ప్రేరణ ని మాత్రం ఎవ్వరూ పట్టించుకోలేదు. ఇక యష్మీ ని అయితే అక్కడే కూర్చొని ఉంది అనే విషయం కూడా ఎవరికీ అర్థం కాలేదు. అలా ఉన్నింది అన్నమాట నిన్నటి పరిస్థితి.

గౌతమ్ కోసం బిగ్ బాస్ సీజన్ 4 టాప్ 3 కంటెస్టెంట్ సోహెల్, గౌతమ్ తల్లితో కలిసి వచ్చిన సంగతి అందరికీ తెలిసిందే. అయితే నాగార్జున వచ్చిన ప్రతీ అతిథి కి మీరు ఇష్టపడే కంటెస్టెంట్ కి కాకుండా, మిగిలిన కంటెస్టెంట్స్ లో టాప్ 5 ఎవరు ఉండబోతున్నారో చెప్పమని చెప్తాడు. అప్పుడు సోహెల్ తన టాప్ 5 గా నబీల్, నిఖిల్ , ప్రేరణ , టేస్టీ తేజ, అవినాష్ పేర్లు చెప్తాడు. విష్ణు ప్రియా కోసం యాంకర్ రవి, విష్ణు సోదరి రాగా, వీళ్ళు గౌతమ్, నిఖిల్, నబీల్, పృథ్వి, రోహిణి పేర్లు టాప్ 5 లో పెడుతారు. అదే విధంగా రోహిణి కోసం శివాజీ, రోహిణి తండ్రి రాగా శివాజీ తన టాప్ 5 గా విష్ణు ప్రియ, నిఖిల్, నబీల్, గౌతమ్, టేస్టీ తేజ పేర్లు పెడుతాడు. అయితే శివాజీ లాంటి మాస్టర్ మైండ్ ఉన్న వ్యక్తి విష్ణు ప్రియ ని టాప్ 1 లో పెట్టడం ఏమిటి అనే విమర్శలు సోషల్ మీడియా లో వస్తున్నాయి. ఎందుకంటే విష్ణు ప్రియ పృథ్వీ జపం తప్ప, హౌస్ లో కూర్చొని ఏమి చెయ్యలేదని ప్రతీ ఒక్కరికి తెలుసు.

అదే విధంగా నబీల్ కోసం అతని సోదరుడు, సీజన్ 7 కంటెస్టెంట్ భోలే శివాలి వస్తారు. నబీల్ సోదరుడికి టాప్ 5 లిస్ట్ పెట్టే అవకాశం రాగా ఆయన నిఖిల్, గౌతమ్, అవినాష్, టేస్టీ తేజ,విష్ణు ప్రియ పేర్లు పెడుతాడు. ఇక పృథ్వీ కోసం వచ్చిన అతని తమ్ముడు, దర్శిని అయితే K బ్యాచ్ అని పిలవబడే నిఖిల్, నబీల్, యష్మీ, ప్రేరణ, విష్ణు ప్రియ ని పెడుతారు. ఈ లిస్ట్ పై సోషల్ మీడియా లో చాలా ఫన్నీ ట్రోల్ల్స్ వస్తున్నాయి. ఇలా వీళ్లందరి లిస్ట్ చూస్తే నిఖిల్, నబీల్, గౌతమ్ పేర్లు కామన్ గా ఉన్నాయి. వీళ్ళు కచ్చితంగా టాప్ 5 లో ఉంటారు అనేది లోపల ఉన్న అందరికీ ఒక క్లారిటీ వచ్చేసింది. ఆశ్చర్యాన్ని కలిగించే మరో విశేషం ఏమిటంటే 6 మంది వస్తే అందులో ముగ్గురు టేస్టీ తేజ పేరు కూడా పెట్టారు. లోపల ఉన్న హౌస్ మేట్స్ కి ఇతను కూడా టాప్ 5 లో ఉంటాడని అర్థం అయ్యి ఉంటుంది. ప్రేరణ, యష్మీ లకు మాత్రం ఈ ఎపిసోడ్ కాస్త నెగటివ్ వైబ్స్ ఇచ్చే ఎపిసోడ్ అనే చెప్పాలి. ఎందుకంటే వీళ్ళిద్దరిని ఎవ్వరూ పట్టించుకోలేరు. ప్రేరణ ని పట్టించుకోకపోయినా, ఈమె ఓటింగ్ ప్రకారం టాప్ 5 కంటెస్టెంట్.