Star Heroes: సంక్రాంతి పండుగను ప్రజలే కాదు సినిమా ఇండస్ట్రీ కూడా ఘనంగా జరపుకుంటుంది. ఎందుకంటే ఈ పండుగ కానుకను పురష్కరించుకొని చాలా సినిమాలు రిలీజ్ అవుతుంటాయి. పండుగ సందర్బంగా సినిమాలు రావాలని ప్రతి స్టార్ కోరుకుంటారు. కానీ అందరికీ ఈ డేట్స్ దొరకడం కూడా కష్టమే. ఈ సంవత్సరం మహేష్ బాబు, నాగార్జున, వెంకటేష్, సజ్జ వంటి హీరోలు థియేటర్లలో సందడి చేశారు. ఇలా ప్రతి సంవత్సరం సంక్రాంతికి బడా హీరోల మధ్య గట్టి పోటీ ఉంటుంది. ఇదే విధంగా 2025కు కూడా స్టార్ హీరోలు పోటీ పడటానికి సిద్ధమవుతున్నట్టు ఉన్నారు.
2025 సంక్రాంతికి చిరంజీవి, బాలయ్య, వెంకీ, నాగ్ పోటీ పడే అవకాశం ఉందని ఇండస్ట్రీలో టాక్. చిరంజీవి వచ్చే ఏడాది జనవరి 10వ తేదీన విశ్వంభర సినిమాతో ప్రేక్షకుల ముందుకు రానున్నారు. బాలయ్య బాబీ మూవీతో రానున్నారు అని తెలుస్తోంది. ఎందుకంటే ఈ సినిమా భారీ బడ్జెట్ తో రావడంతో కచ్చితంగా సంక్రాంతికి రానుందని టాక్. వెంకీ అనిల్ రావిపూడి దిల్ రాజు కాంబినేషన్ లో ఒక సినిమా ఫిక్స్ కాగా.. ఈ సినిమా కూడా సంక్రాంతి టార్గెట్ గా తెరకెక్కుతోంది. ఇలా మొత్తం నలుగురు హీరోలు సంక్రాంతికి రాబోతున్నారన్నమాట.
నాగార్జున సైతం తన సినిమాను సంక్రాంతికే ప్రేక్షకుల ముందుకు తీసుకురావాలని చూస్తున్నారట. బంగార్రాజు సినిమాకు సీక్వెల్ గా ఈ సినిమా తెరకెక్కనుందని ఇండస్ట్రీ వర్గాల్లో వినిపిస్తుండడం గమనార్హం. ఇక ఈ నలుగురు హీరోలు పోటీ పడితే బాక్సాఫీస్ షేక్ అవుతుందనే చెప్పాలి. ఎందుకంటే ఈ నలుగురు హీరోల సినిమాలకు రికార్డు స్థాయిలో బిజినెస్ జరుగుతుంటుందనే టాక్ ఉంది. చిరు, బాలయ్య, నాగ్, వెంకటేష్ బాక్సాఫీస్ వద్ద ఒకేసారి పోటీ పడిన సందర్భాలు ఇప్పటికి అయితే లేవు. కానీ ఈ సారి పోటీ పడనున్నారు.
ఒక్కో సినిమా ఒక్కో జోనర్ లో తెరకెక్కుతుండడం..అన్ని సినిమాలు ఒకే సమయంలో విడుదల అవడం చూస్తుంటే 2025 బాక్సాఫీస్ లెక్కలు భారీగా ఉంటాయనే టాక్ ఉంది. ఈ క్రేజీ ప్రాజెక్ట్ లు అన్నీ స్టార్ డైరెక్టర్ల డైరెక్షన్ లో తెరకెక్కుతుండడం గమనార్హం. అయితే ఈ నలుగురు హీరోలను కూడా అభిమానించే ఫ్యాన్స్ ఎక్కువగానే ఉన్నారు. నలుగురి వయసు పెరుగుతున్నా కూడా వీరికి ఉన్న క్రేజ్ ఇప్పుడు ఎంట్రీ ఇచ్చే హీరోలకు లేదనే చెప్పాలి. అయితే తెలుగులో మాత్రమే కాదు ఇతర ఇండస్ట్రీల్లో కూడా వీరికి అభిమానులు ఉన్నారు. అదే విధంగా బాక్సాఫీస్ ను షేక్ చేసే సత్తా కూడా ఉన్న హీరోలు కావడంతో ఈ సారి సంక్రాంతి జోష్ మీద ఉంటుంది అంటున్నారు నెటిజన్లు.