త్రివిక్రమ్ (Trivikram) మాటల్లో.. ‘ఈ కరోనా కాలంలో నాకు తెలిసి ప్రపంచం మొత్తంలో థియేటర్స్‌కి రావడానికి సాహసిస్తున్న జాతి… తెలుగుజాతి మాత్రమే అంటూ తెలుగు ప్రేక్షకుల ధైర్యసాహసాల గురించి త్రివిక్రమ్ సగర్వంగా చాటి చెప్పాడు. ఇక సుశాంత్ సినీ కెరీర్ పై కూడా త్రివిక్రమ్ ఇన్ డైరెక్ట్ గా వారసుల ఎంట్రీ గురించి చెప్పుకొచ్చాడు. హీరో అంటే ఇలా లాంచ్‌ అవ్వాలేమో.. లేదు ఇలాంటి సినిమాలు మాత్రమే చేయాలేమో అనే చట్రంలో సుశాంత్ ఇన్నేళ్లు ఇరుక్కుపోయాడు. కానీ సుశాంత్ రూట్ మార్చాడు. కొత్తగా ట్రై చేస్తున్నాడు. అందుకు ఉదాహరణనే.. ‘చిలసౌ’ సినిమా. ఆ చిత్రంతో తనను తాను ప్రూవ్ చేసుకున్నాడు. అన్నిటికీ మించి తనను తానూ కొత్తాగా ఆవిష్కరించుకున్నాడు.
నేను ‘చిలసౌ’ సినిమా చూసే ‘అల.. వైకుంఠపురములో’ సినిమా చేయమని అతన్ని అడిగాను. ఇప్పుడు సుశాంత్ కు ‘ఇచట వాహనములు నిలుపరాదు’ హ్యాట్రిక్‌ ఫిల్మ్‌ అవ్వాలని కోరుకుంటున్నాను’ అంటూ త్రివిక్రమ్ తెలిపాడు. అయితే ఎస్‌. దర్శన్‌ దర్శకత్వంలో వస్తోన్న ‘ఇచ్చట వాహనములు నిలుపరాదు’ సినిమా అవుట్ ఫుట్ విషయంలో మాత్రం ఇండస్ట్రీలో బ్యాడ్ టాక్ నడుస్తోంది.
ఇక హీరో సుశాంత్ కూడా ఎమోషనల్ స్పీచ్ ఇస్తూ.. నా కెరీర్ స్టార్టింగ్‌ లో నేను కష్టపడాలి అనుకునేవాణ్ణి. కానీ నాకు అప్పుడు క్లారిటీ లేదు. ఎలాంటి సినిమాలు చేయాలో.. నేను ఏ డైరెక్షన్‌ లో ముందుకు వెళ్లాలో నాకు ఆ సమయంలో సరిగ్గా అర్థమయ్యేది కాదు. గట్‌ ఫీలింగ్‌ తో నిర్ణయాలు తీసుకోవడం మొదలు పెట్టినప్పటి నుండి నా కెరీర్ మారుతూ వస్తోంది’ అంటూ సుశాంత్ చెప్పుకొచ్చాడు.
