Devi Sri Prasad
Devi Sri Prasad: టాలీవుడ్‌లో తన మ్యూజిక్‌తో భారీ క్రేజ్ అందుకున్న మ్యూజిక్‌డైరెక్టర్ దేవి శ్రీ ప్రసాద్. అతడి ఫ్యాన్స్ అతడిని డీఎస్పీ అని, టాలీవుడ్ రాక్‌‌స్టార్ అని పిలుచుకుంటారు. ఒక సినిమాకు డీఎస్పీ సంగీతం అందిస్తున్నాడు అంటేనే ఆ మూవీ పాటలపై అంచనాలు భారీగా పెరిగిపోతాయి. దేవీ మ్యూజిక్‌లో ఏదో తెలియని మ్యాజిక్ ఉంటుందని ఫ్యాన్స్ గట్టిగా నమ్ముతారు. అందుకేనేమో దేవీ శ్రీ కంపోజ్ చేసిన చాలా పాటలను ఇండస్ట్రీ హిట్స్‌గా మార్చేశారు. దీంతో పాటుగా దేవి శ్రీ ప్రసాద్ ఇచ్చే మ్యూజిక్ చాలా కొత్తగా ఉంటుంది. వందల పాటలు కంపోజ్ చేసినా ప్రతి ఒక్కటి యునీక్‌గా ఉంటాయి. అయితే 17ఏళ్లకే ‘దేవి’ సినిమాతో మ్యూజిక్ డైరెక్టర్‌గా ఎంట్రీ ఇచ్చిన డీఎస్పీ తొలి ప్రాజెక్ట్‌తో అందరి చేత ఔరా అనిపించాడు. ఆ మూవీలో పాటలు ఇప్పటికీ బంపర్ హిట్స్ సాంగ్స్‌లో ఉంటాయి.
ఆ తర్వాత దేవి తన కెరీర్‌లో వరుస అవకాశాలు అందుకుంటూ దూసుకుపోయాడు. స్టార్ హీరోలు సైతం డీఎస్పీ డేట్స్ కోసం ఎదురుచూసిన సందర్భాలు ఎన్నో ఉన్నాయి. డీఎస్పీ తన కెరీర్‌లో 11 సార్లు తెలుగు సైమా ఉత్తమ సంగీత దర్శకుడు విభాగంలో నామినేట్ కాగా 7 సార్లు అవార్డు సొంతం చేసుకున్నాడు. వీటితో పాటు మరెన్నో అవార్డులు కూడా దేవి ఖాతాలో ఉన్నాయి. తొలుత సంగీత దర్శకుడుగా ఎంట్రీ ఇచ్చిన దేవి ఆ తర్వాత కొన్ని పాటలను కూడా రాశాడు. అవి కూడా బంపర్ హిట్ అయ్యాయి. మ్యూజిక్ డైరెక్టర్, గేయ రచయిత, సింగర్‌గా కూడా దేవి తానేంటో నిరూపించుకున్నాడు. టాలీవుడ్‌లో స్టార్ హీరోలతో సమానమైన క్రేజ్ ఉన్న సంగీత దర్శకుడు ఎవరైనా ఉన్నారంటే అది దేవి శ్రీ ప్రసాద్.
1. ఊ అంటావా మావా ఊఊ అంటావా: అల్లు అర్జున్ ‘పుష్ప’ సినిమాలో సమంత చిందేసిన ఈ పాట కుర్రకారును ఉర్రూతలూగించింది. ఈ పాటకు దేవి శ్రీ అందించిన మ్యూజిక్ నెక్స్ట్ లెవెల్ అనే చెప్పాలి. స్టార్టింగ్ నుంచి ఎండింగ్ వరకు కూడా ప్రేక్షకుడిని ట్రిగ్గర్ చేసేలా ఉంటుంది. ఇక ఈ సినిమా ఇప్పటికే బ్లాక్ బస్టర్ హిట్ ను సంపాదించి.. రెండో పార్ట్ కూడా సిద్దం అవుతుంది. ఈ సినిమా ఎప్పుడు రిలీజ్ అయితే అప్పుడు థియేటర్లకు వెళ్లాలి అని ఎదురుచూస్తున్నారు అభిమానులు. అయితే ఈ సినిమాలోని ఊ అంటావానే కాదు సామీ సామీ పాట కూడా ఫుల్ ఫేమస్ గా నిలిచింది.
2. డాడీ మమ్మీ: తమిళ స్టార్ హీరో విజయ్ నటించిన ‘విల్లు’ సినిమాలోని ఈ పాట అప్పట్లో ఇండస్ట్రీని ఓ ఊపు ఊపేసింది. ఇందులో విజయ్ వేసే స్టెప్పులకు, డీఎస్పీ అందించిన మ్యూజిక్‌కు యావత్ దేశం షేక్ అయిపోయింది. అంతే కాదు ఇలాంటి మ్యూజిక్స్ రావాలంటే డీఎస్పీ ఉండాల్సిందే అనే రేంజ్ లో ఈ పాట వైరల్ గా మారింది.
3. సూపర్ మచ్చి: అల్లు అర్జున్, సమంత జంటగా నటించిన ‘సన్ ఆఫ్ సత్యమూర్తి’ సినిమాలోని ఈ పాట ట్రెండ్ సెట్టర్‌గా నిలిచింది. ఇందులో బన్నీ ఎనర్జిటిక్ డాన్స్‌కు ఏమాత్రం తగ్గకుండా దేవి శ్రీ మ్యూజిక్ ఉంటుంది. ఎన్నిసార్లు విన్నా ఈ పాట సరికొత్త ఊపును తెప్పిస్తుంది. అంతేకాదు ఇప్పటికీ ఈ పాటకు ఫ్యాన్స్ ఉన్నారు. భరత్ ఉందంటే.. డీజే లలో ఈ పాట మోగాల్సిందే.
4. అమ్మడు లెట్స్ డూ కుమ్ముడు: మెగాస్టార్ చిరంజీవి, కాజల్ నటించిన ‘ఖైదీ నెం.150’లోని ఈ పాట చిరు స్ట్రాంగ్ కంబ్యాక్‌కు చిహ్నంలా మారింది. ఈ పాటకు దేవి శ్రీ అందించిన మ్యూజిక్‌కు చిరు వేసిన స్టెప్పులు ఇప్పటికీ ట్రెండింగ్‌లోనే ఉన్నాయి. చిరు డాన్స్ అంటేనే అందరికి నచ్చుతుంది. ఇంత వయసు వచ్చినా కూడా డాన్స్ ను ఇరగదీస్తాడు ఈ స్టార్ హీరో. అనుకు బెనుకు లేకుండా ఉండే ఈయన స్టెప్పులకు దేవీ అందించిన మ్యూజిక్ వండర్ అనే చెప్పాలి.
5. రత్తాలు: చిరు సెకండ్ ఇన్నింగ్స్‌లోని తొలి సినిమా ‘ఖైదీ నం. 150’లోని స్పెషల్ సాంగ్ ‘రత్తాలు’ కూడా ఆడియన్స్‌కు నెవ్వర్ బిఫోర్ ఎక్స్‌పీరియన్స్ ఇచ్చింది. ఈ పాటకు కూడా మ్యూజిక్‌ను డీఎస్‌పీనే కంపోజ్ చేశాడు.