Pushpa Movie: డైరెక్ట‌ర్ సుకుమార్, ఐకాన్ స్టార్ అల్లు అర్జున్ ల కాంబినేష‌న్లో తెరకెక్కుతున్న చిత్రం ” పుష్ప”. భారీ బడ్జెట్ తో పాన్‌ ఇండియా లెవెల్లో ఈ సినిమాను మైత్రి మూవీ మేకర్స్ సంస్థ నిర్మిస్తుంది. ఈ చిత్రంలో రష్మిక మండన్నా హీరోయిన్ గా నటిస్తుండగా… మలయాళ స్టార్ హీరో ఫహద్ ఫాసిల్ విలన్ గా నటిస్తున్నారు. ఆర్య, ఆర్య 2 తర్వాత వీరిద్దరు కలిసి ఈ మూవీ తెరకెక్కిస్తుండడంతో సినిమాపై అంచనాలు భారీగా ఉన్నాయి. కాగా తాజాగా ఈ సినిమా నుంచి అభిమానులకు ఓ అప్డేట్ ను మూవీ యూనిట్ ప్రకటించారు.
తాజాగా ఈ సినిమాలో నటిస్తున్న సునీల్ పాత్రకు సంబంధించిన పోస్టర్ ను విడుదల చేశారు. సునీల్ ఈ సినిమాలో “మంగళం శ్రీను” అనే పాత్రలో నటిస్తున్నట్లు తెలుస్తుంది. కాగా ఈ పోస్టర్ లో మునుపెన్నడూ లేని విధంగా సునీల్ కొత్త అవతారంలో కనిపిస్తున్నారు. సీరియస్ లుక్ తో సునీల్ నెగిటివ్ పాత్రలో అదరగొట్టనున్నట్లు తెలుస్తుంది. ఇక ఇప్పటికే ఈ సినిమా నుంచి విడుదలై పోస్టర్లు, టీజర్లు, సాంగ్స్‌ ప్రేక్షకుల్లో అంచనాలు పెంచేశాయి. ఈ పోస్టర్ తో అవి మరింత రెట్టింపు అయ్యాయి అని చెప్పొచ్చు. ఎర్రచందనం స్మగ్లింగ్ నేపథ్యంలో తెరకెక్కుతున్న ఈ చిత్రం రెండు భాగాలుగా విడుదల కానుంది. ఈ సినిమా తొలి భాగం క్రిస్మస్ కానుకగా డిసెంబర్‌ 17 వ తేదీన విడుదల కాబోతుంది. ఇప్పటికే ఈ సినిమాలో టీజర్లు, పోస్టర్లు జనాల్లో భారీ అంచానలనే పెంచేస్తున్నాయి. దేవీ శ్రీ ప్రసాద్ సంగీతం అందిస్తున్నారు. ప్రస్తుతం ఈ వార్త సోషల్ మీడియా లో వైరల్ గా మారింది.
Presenting the face of evil 😈
Introducing @Mee_Sunil as #MangalamSrinu from #PushpaTheRise 🔥#PushpaTheRiseOnDec17@alluarjun @iamRashmika @aryasukku #FahadhFaasil @Dhananjayaka @ThisIsDSP @adityamusic @PushpaMovie pic.twitter.com/9XtnGSOjwF
— Mythri Movie Makers (@MythriOfficial) November 7, 2021