సుధీర్ బాబు తాజాగా ఓ ఇంటర్వ్యూలో తన సిక్స్ ప్యాక్ గురించి తానూ ఏం చేశాడు ? అసలు అంత పర్ఫెక్ట్ గా సిక్స్ ప్యాక్ రావడానికి గల దాని వెనకున్న సీక్రెట్స్‌ ఏమిటి అనే విషయాలను ప్రేక్షకులతో పంచుకున్నాడు. పైగా తన సిక్స్ ప్యాక్ గురించి తెలుసుకోవడానికి కొంతమంది స్టార్ హీరోలు కాల్ చేసి మరీ కనుక్కోవడానికి ఆసక్తి చూపించారట. మరి సిక్స్ ప్యాక్ కోసం చాలామంది హీరోలు ట్రై చేసి ఒళ్ళు హూనం చేసుకున్న సంఘటనలు కొన్ని గతంలో ఉన్నాయి.
అందుకే, హీరోలు ఎప్పుడూ ఈజీగా సిక్స్ ప్యాక్ ఎలా వస్తోంది అంటూ ఆరా తీస్తూ ఉంటారు. ఇంతకీ తన సిక్స్ ప్యాక్ పై సుధీర్ బాబు ఏమి చెప్పాడు అంటే.. ఆయన మాటల్లోనే ‘నేను క్రమం తప్పకుండా వ్యాయామం చేస్తాను. అలాగే తీసుకునే ఫుడ్ టైమింగ్ తో పాటు మంచి డైట్ తీసుకుంటాను. మంచి డైట్ తో శరీరాన్ని మనకు నచ్చినట్లు మార్చుకోవచ్చు. నేనూ అదే చేసాను’ అంటూ క్లారిటీ ఇచ్చాడు.
మరి హీరోలూ మీకు సిక్స్ ప్యాక్ కావాలంటే మీ డైట్ విషయంలో మార్పులు ఉంటే చేసుకోండి. ఇక సుధీర్ బాబు ‘శ్రీదేవి సోడా సెంటర్’ మూవీతో పాటు మోహనకృష్ణ ఇంద్రగంటి దర్శకత్వంలో రానున్న సినిమాలో కూడా హీరోగా నటిస్తున్నాడు. పైగా ఈ సినిమాలో ఉప్పెన భామ కృతిశెట్టి, సుధీర్ బాబు సరసన హీరోయిన్ గా నటిస్తోంది, ఈ సినిమా పై మంచి అంచనాలు ఉన్నాయి.
