Sree Vishnu Vishnu Vinyasam Box Office Collections: శ్రీ విష్ణు(Sree Vishnu) హీరో గా నటించిన లేటెస్ట్ చిత్రం ‘విష్ణు విన్యాసం'(Vishnu Vinyasam), నిజంగానే బాక్స్ ఆఫీస్ వద్ద సరికొత్త విన్యాసాలు చేస్తోంది. మొదటి రోజు ఈ చిత్రానికి వచ్చిన డివైడ్ టాక్ ని చూసి, ఫిబ్రవరి నెలలో మరో భారీ ఫ్లాప్ అని అంతా అనుకున్నారు. కానీ ఈ చిత్రం అందరి అంచనాలను దాటిపోయింది. బుక్ మై షో యాప్ ని గమనిస్తే మొదటి రోజు ఈ చిత్రానికి 31 వేల టికెట్స్ అమ్ముడుపోగా , రెండవ రోజు ఏకంగా 50 వేల టికెట్స్ అమ్ముడుపోయాయి. మీడియం రేంజ్ హీరో సినిమాకు , డివైడ్ టాక్ తో ఇలాంటి ట్రెండ్ ఉండడం అనేది సాధారణమైన విషయం కాదు. ఇకపోతే శ్రీ విష్ణు వరుసగా సూపర్ హిట్స్ లో ఉండడంతో ఈ చిత్రానికి విడుదలకు ముందు 12 కోట్ల రూపాయిల రేంజ్ లో ప్రీ రిలీజ్ బిజినెస్ జరిగింది.
Also Read: లోకేష్ కు అలా అవకాశం ఇచ్చిన చంద్రబాబు!
మొదటి రోజు ఈ చిత్రానికి ప్రపంచవ్యాప్తంగా 3 కోట్ల 30 లక్షల రూపాయలకు పైగా గ్రాస్ వసూళ్లు 1 కోటి 68 లక్షల రూపాయలకు పైగా షేర్ వసూళ్లు వచ్చాయి. రెండవ రోజు మొదటి రోజు కంటే ఎక్కువ వసూళ్లను నమోదు చేసుకుంది. తెలుగు రాష్ట్రాల నుండి దాదాపుగా 1 కోటి 50 లక్షల రూపాయిల షేర్ వసూళ్లు రెండవ రోజున నమోదు అవ్వగా, ఓవరాల్ వరల్డ్ వైడ్ గా 2 కోట్ల 20 లక్షల రూపాయిల షేర్ వసూళ్లు నమోదు అయ్యాయి. ముఖ్యంగా ఓవర్సీస్ లో ఈ చిత్రానికి ప్రీమియర్ షోస్ నుండే మంచి వసూళ్లు నమోదు అయ్యాయి. వరుస సూపర్ హిట్స్ తో శ్రీ విష్ణు ఏర్పాటు చేసుకున్న బ్రాండ్ ఇమేజ్ కారణంగానే ఈ చిత్రానికి కాస్త టాక్ తేడా గా వచ్చినప్పటికీ బ్రేక్ ఈవెన్ దిశగా దూసుకుపోతోందని అంటున్నారు ట్రేడ్ విశ్లేషకులు.
ఇకపోతే ఓవరాల్ గా మొదటి రెండు రోజులకు కలిపి ఈ చిత్రానికి 3 కోట్ల 80 లక్షల రూపాయిల షేర్ వసూళ్లు వచ్చాయి. ఈరోజు మొదటి రెండు రోజులకంటే ఎక్కువ వసూళ్లు నమోదు అయ్యే అవకాశం ఉంది. కాబట్టి మొదటి మూడు రోజులకు కలిపి ఈ చిత్రం 6 కోట్ల రూపాయలకు పైగానే షేర్ వసూళ్లు సాధించే అవకాశం ఉందని అంటున్నారు. ఫుల్ రన్ లో ఈ సినిమా బ్రేక్ ఈవెన్ మార్కుని అందుకోవడం పెద్ద కష్టమేమి కాదని, రాబోయే రోజుల్లో మంచి సినిమాలు కూడా విడుదల లేకపోవడం వల్ల , కచ్చితంగా ఈ చిత్రం సూపర్ హిట్ స్టేటస్ కి చేరుకుంటుందని అంటున్నారు.
