Shanmukh Jaswanth: యూట్యూబ్ స్టార్ షణ్ముఖ్ జస్వంత్ అరెస్ట్ కలకలం రేపింది. గంజాయి కేసులో అతను ఇరుక్కున్నాడు. షణ్ముఖ్ అన్నయ్య సంపత్ పై మౌనిక అనే యువతి కేసు పెట్టింది. ప్రేమ పేరుతో మోసం చేశాడు. తనను పెళ్లి చేసుకోకుండా వేరో అమ్మాయితో పెళ్ళికి సిద్ధమయ్యాడని ఆమె ఫిర్యాదులో పేర్కొంది. షణ్ముఖ్ అన్నయ్య సంపత్ కోసం ఫ్లాట్ కి వెళ్లిన పోలీసులు అక్కడ షణ్ముఖ్ గంజాయి సేవిస్తూ ఉండటం గమనించారు. ఆ ఇంట్లో గంజాయి కూడా కొంత పరిమాణంలో స్వాధీనం చేసుకున్నారు.
దీంతో షణ్ముఖ్ ని అరెస్ట్ చేశారు. అనంతరం షణ్ముఖ్ బెయిల్ పై విడుదలయ్యాడు. కాగా షణ్ముఖ్ డిప్రెషన్ లో ఉన్నట్లు విచారణ సమయంలో ఒప్పుకున్నట్లు సమాచారం. ఒత్తిడి నుండి బయటపడేందుకే గంజాయి తీసుకున్నట్లు అతడు ఒప్పుకున్నాడనే ఓ వాదన తెరపైకి వచ్చింది. కాగా షణ్ముఖ్ ఒత్తిడికి ఎందుకు లోనయ్యాడనే చర్చ మొదలైంది. షణ్ముఖ్ చాలా కష్టపడి పైకి వచ్చాడు. తన టాలెంట్ ని నమ్ముకుని షార్ట్ ఫిలిమ్స్, డాన్స్ వీడియోలు, వెబ్ సిరీస్లు చేశాడు.
షణ్ముఖ్ చేసిన కొన్ని వెబ్ సిరీస్లు విశేష ఆదరణ పొందాయి. దాంతో పాపులర్ అయ్యాడు. షణ్ముఖ్ జస్వంత్ కెరీర్ ఇప్పుడిప్పుడే ఊపందుకుంటుంది. ఆహా కోసం షణ్ముఖ్ ఒక వెబ్ సిరీస్ చేయడం విశేషం. మరి కెరీర్ సక్సెస్ ఫుల్ గా సాగుతుండగా.. ఒత్తిడికి గురి కావాల్సిన అవసరం ఏంటనే వాదన మొదలైంది. అయితే షణ్ముఖ్ ఓ మూడేళ్ళ క్రితం లవర్ దీప్తి సునైనతో విడిపోయాడు. 2021లో షణ్ముఖ్ బిగ్ బాస్ షోలో పాల్గొన్నాడు. సదరు షోలో సిరి హన్మంత్ తో సన్నిహితంగా మెలిగాడు.
అది నచ్చని దీప్తి సునైన బ్రేకప్ చెప్పిందనే వాదన ఉంది. దీప్తి బ్రేకప్ చెప్పినా షణ్ముఖ్ హ్యాపీగానే కనిపించాడు. సోషల్ మీడియాలో అతని పోస్ట్స్ చూస్తే ఇది అర్థం అవుతుంది. పైకి అలా కనిపించినా షణ్ముఖ్ దీప్తి కోసం ఆరాటపడ్డాడు. ఆమెను వదులుకోలేక మానసిక ఒత్తిడికి గురయ్యాడేమో అనే సందేహాలు కలుగుతున్నాయి. షణ్ముఖ్ ఆత్మహత్య కూడా చేసుకోవాలని అనుకున్నట్లు పోలీసులకు చెప్పాడట. ఈ పరిణామాలు సంచలనం రేపుతున్నాయి.