Radheshyam: రెబల్స్టార్ ప్రభాస్ హీరోగా రాధాకృష్ణ దర్శకత్వంలో తెరకెక్కుతోన్న సినిమా రాధేశ్యామ్. ఈ సినిమా కోసం ప్రభాస్ ఫ్యాన్స్ ఎంతో ఆసక్తిగా ఎదురుచూస్తున్నారు. ఈ సినిమాలో బుట్టబొమ్మ పూజాహెగ్డే హీరోయిన్ గా నటిస్తుంది. ఓ పీరియాడికల్ లవ్ స్టోరీ నేపథ్యంలో సాగే ఈ సినిమాలో ప్రభాస్ భవిష్యత్తును చెప్పగలిగే విక్రమాదిత్యగా కనిపించనున్నారు. ఇప్పటికే ఈ సినిమా నుంచి విడుదలైన టీజర్, సాంగ్స్ ప్రేక్షకుల్లో అంచనాలు క్రియేట్ చేశాయి. ఇటీవలే ఈ సినిమాలోని సంచారి అనే సాంగ్ టీజర్ను విడుదల చేసిన చిత్ర యూనిట్.. ఇప్పుడు పూర్తి పాటను విడుదల చేసి ప్రేక్షకుల్లో మరిన్ని అంచనాలు రేకెత్తించింది. ఈ పాటను 5 భాషల్లో సోషల్మీడియాలో పోస్ట్ చేసింది.
Radheshyam
Also Read: “ఆదిపురుష్” మూవీ టీమ్ కి సర్ ప్రైజ్ గిఫ్ట్స్ ఇచ్చిన ప్రభాస్…
తాజాగా విడుదలైన ఈ వీడియో సాగ్ ప్రస్తుతం సోషల్మీడియాలో ట్రెండింగ్లో దూసుకెళ్లిపోతోంది. ఈ పాటలో ప్రభాస్ క్యారెక్టర్ను చూపించినట్లు తెలుస్తోంది. ప్రభాస్ జర్నీ, సాహసాలను ఇష్టపడే వ్యక్తిగా చూపించారు. కాగా, సినిమా షూటింగ్ మొత్తం యూరప్లోని వివిధ పాత్రాల్లో తెరకెక్కించినట్లు సమాచారం. ఈ పాటను తెలుగులో కృష్ణకాంత్ రచించారు. జస్టిస్ ప్రభాకరన్ సంగీతం అందించగా.. అనిరుధ్ ఆలపించారు. వచ్చే ఏడాది సంక్రాంతి కానుకగా జనవరి 12న ఈ సినిమా ప్రేక్షకుల ముందుకు రానుంది.
కాగా, ఈ సినిమాతో పాటు, ప్రభాస్ సలార్, ఆదిపురుష్ చిత్రాల్లోనూ నటిస్తున్నారు. ఇప్పటికే ఆదిపురుష్ సినిమా షూటింగ్ పూర్తయింది. ఇందులో శ్రీరాముడి పాత్రలో కనిపించనున్నారు ప్రభాస్. రామాయణం ఆధారంగా ఈ సినిమా తెరకెక్కుతున్న సంగతి తెలిసిందే.
Also Read: కొత్త మూవీకి ఒకే చెప్పిన నటి లావణ్య త్రిపాఠి… టైటిల్ ఏంటంటే
