‘హృదయ కాలేయం’ అనే సినిమాతో టాలీవుడ్ కు పరిచయమైన హీరో సంపూర్ణేష్ బాబు. ఓవర్ యాక్షన్ కామెడీ అనే డిఫెరెంట్ సబ్జెక్ట్ తో నవ్వులు పంచిన ఈ హీరో తర్వాత ‘కొబ్బరి మట్ట’ చిత్రంతోనూ అదే కామెడీని కంటిన్యూ చేసి ఆకట్టుకున్నాడు. దీని తర్వాత ఇప్పుడు ‘బజార్ రౌడీ’ అంటూ మన ముందుకు వచ్చాడు. ఈ సినిమా ఇప్పటికే ప్రీమియర్ షోలు చూసిన నెటిజన్లు ట్విట్టర్ లో తమ అభిప్రాయాలు పంచుకున్నారు. ‘బజార్ రౌడీ’ ట్విట్టర్ రివ్యూ మీకోసం..
కొబ్బరి మట్ట సూపర్ డూపర్ హిట్ తర్వాత సంపూర్ణేష్ బాబు నటించిన చిత్రం బజార్ రౌడీ. వసంత నాగేశ్వరరావు దర్శకత్వం వహించిన ఈ సినిమాను కేఎస్ క్రియేషన్స్ బ్యానర్ లో సందిరెడ్డి శ్రీనివాసరావు నిర్మించారు. మహేశ్వరి వద్ది హీరోయిన్ గా నటించింది. సాయికార్తీక్ సంగీతం అందించారు. ఆగస్టు 20న ఈ సినిమా విడుదల కాబోతోంది. కోన్ని చోట్ల ప్రీమియర్స్ పడడంతో టాక్ బయటకు వచ్చింది.
కొబ్బరిమట్టతో పాపులర్ అయిన సంపూర్ణేష్ బాబు తాజా చిత్రం ‘బజార్ రౌడీ’ మంచి బిజినెస్ జరిగినట్లు ఇండస్ట్రీలో టాక్ వినిపిస్తోంది. ఈ కారణంగానే ఈ చిత్రం ప్రపంచవ్యాప్తంగా దాదాపు 300 థియేటర్లలో విడుదలవుతోంది. బజార్ రౌడీ మూవీ ఇప్పటికే ఓవర్సీస్ లో కొన్ని లోకేషన్స్ లో విడుదలైంది. ఈ చిత్రానికి మంచి స్పందనే వస్తోంది.
బజార్ రౌడీ సినిమాలో సంపూర్ణేష్ బాబు నటన, డైలాగ్ డెలివరీ, డ్యాన్స్ హైలెట్ గా నిలుస్తుందట.. అలాగే సాయి కార్తీక్ అందించిన బ్యాగ్రౌండ్ స్కోర్ కూడా బాగుందని ప్రేక్షకులు అంటున్నారు. ఇక కథలో కొత్తదనం లేదని.. ఎమోషనల్స్ సీన్స్ బాగా పడలేదని అంటున్నారు. స్క్రీన్ ప్లేలో గందరగోళం కనిపించిందని చెబుతున్నారు.
