RRR Movie: దర్శకధీరుడు రాజమౌళి ప్రతిష్టాత్మకంగా తెరకెక్కిస్తున్న చిత్రం ఆర్ఆర్ఆర్. ఈ సినిమాలో మెగా పవర్ స్టార్ రామ్ చరణ్ తేజ్, యంగ్ టైగర్ జూనియర్ ఎన్టీఆర్ కలిసి నటించిస్తుండటంతో ఈ సినిమాపై అంచనాలు భారీగా పెరిగాయి. బాహుబలి మూవీ ఎంతటి ఘన విజయం సాధించిందో అందరికీ తెలిసిన విషయమే. దీంతో ఈ సినిమాపై టాలీవుడ్ లోనే కాకుండా… చిత్ర పరిశ్రమ యావత్తు ఈ మూవీ రిలీజ్ కోసం ఎదురు చూస్తున్నారు. ఇటీవలే షూటింగ్ పూర్తిచేసుకున్న ఈ చిత్రం ప్రస్తుతం పోస్ట్ ప్రొడక్షన్ వర్క్ లో ఉంది. అయితే ఈ సినిమాకి సంబంధించిన ఓ అప్డేట్ ను మూవీ టీమ్ తాజాగా ప్రకటించింది.
ఈ సినిమాకు సంబంధించిన సెకండ్ గ్లింప్స్ విడుదల తేదీని చిత్ర బృందం ఖరారు చేసింది. 45 సెకండ్ల పాటు ఉండే వీడియో గ్లింప్స్ ను నవంబర్ 1 వ తేదీన ఉదయం 11 గంటల సమయంలో విడుదల చేస్తామని ఆర్ఆర్ఆర్ టీమ్ ప్రకటించింది. ఈ మేరకు ఎన్టీఆర్, రామ్ చరణ్ కలిసి ఉన్న ఓ పోస్టర్ ను కూడా విడుదల చేశారు. ప్రస్తుతం ఈ ట్వీట్ సోషల్ మీడియా లో వైరల్ గా మారింది.
Releasing a 45 second glimpse of #RRRMovie on Nov 1st at 11 AM.
🔥🌊#RRRGlimpse 🤟🏻⚡️@ssrajamouli @tarak9999 @AlwaysRamCharan @mmkeeravaani @ajaydevgn @aliaa08 @oliviamorris891 @DVVMovies @PenMovies @jayantilalgada pic.twitter.com/RS99Alr51e— RRR Movie (@RRRMovie) October 30, 2021
ఇటీవలే రాజమౌళి ఆర్ఆర్ఆర్ మూవీ ఫైనల్ కట్ రెడీ చేసినట్లు తెలుస్తోంది. కాగా మూవీ లో 30 నిమిషాల పాటు క్లైమాక్స్ ఉంటుందని… ఇది సినిమాకే మేజర్ హైలెట్ అని సమాచారం. కాగా నిన్న విడుదల చేయాల్సిన ఈ అప్డేట్ ను కన్నడ పవర్ స్టార్ పునీత్ రాజ్ కుమార్ హఠాన్మరణంతో… ఈరోజు విడుదల చేశారు.
