Deepika Padukone
Deepika Padukone: బాలీవుడ్ భామ దీపికా పదుకొనె రెమ్యూనరేషన్ కి సంబంధించిన ఓ వార్త వైరల్ అవుతుంది. కల్కి 2829 AD చిత్రానికి ఆమె రికార్డు స్థాయిలో రెమ్యూనరేషన్ తీసుకున్నారంటూ కథనాలు వెలువడుతున్నాయి. కల్కి సైన్స్ ఫిక్షన్ మూవీ. ప్రభాస్ ఫస్ట్ టైం ఈ జోనర్ లో మూవీ చేస్తున్నారు. కల్కి మూవీలో భారీ క్యాస్ట్ నటిస్తుంది. లోకనాయకుడు కమల్ హాసన్ కీలక పాత్ర చేస్తున్నారు. అలాగే అమితాబ్ బచ్చన్, దిశా పటాని భాగమయ్యారు. కల్కి చిత్ర బడ్జెట్ దాదాపు రూ. 600 కోట్లు. సీ అశ్వినీదత్ నిర్మిస్తున్నారు.
కల్కి చిత్రంలో ప్రభాస్ కి జంటగా దీపికా పదుకొనే నటిస్తుంది. ఇప్పటికే ఆమె ఫస్ట్ లుక్ విడుదల చేశారు. లేడీ వారియర్ గెటప్ లో ఆమె అద్భుతంగా ఉన్నారు. కాగా కల్కి చిత్రానికి దీపికా పదుకొనె భారీగా రెమ్యూనరేషన్ తీసుకున్నారట. రూ. 20 కోట్లు ఆమె డిమాండ్ చేశారని సమాచారం. కల్కి నిర్మాతలు దీపికా పదుకొనె అడిగిన మొత్తం ఇచ్చారట. దేశంలోనే అత్యధిక రెమ్యునరేషన్ తీసుకునే హీరోయిన్ గా దీపికా పదుకొనె ఉన్నారు.
సాధారణంగా ఆమె సినిమాకు రూ. 12 నుండి 15 కోట్లు తీసుకుంటారట. అయితే కల్కి మూవీకి ఎక్కువ ఛార్జ్ చేశారట. కాల్ షీట్స్ పెద్ద మొత్తంలో కేటాయించిన దీపికా పదుకొనె ఇరవై కోట్లు అడిగారని తెలుస్తుంది. మిగతా హీరోయిన్స్ తీసుకునే దానికి ఇది నాలుగైదు రెట్లు ఎక్కువ. రష్మిక మందాన, సమంత, కత్రినా కైఫ్ వంటి స్టార్స్ కేవలం రూ. 4 నుండి 5 కోట్లు తీసుకుంటున్నారు. కాబట్టి హీరోలకు సమానంగా దీపికా పదుకొనె డిమాండ్ చేస్తున్నారన్న మాట.
మరోవైపు దీపికా పదుకొనె అనారోగ్య సమస్యలు ఎదుర్కొంటున్నారనే వాదన ఉంది. హైదరాబాద్ లో కల్కి షూటింగ్ జరుగుతుండగా ఆమె కళ్ళు తిరిగి పడిపోయారు. వెంటనే ఆసుపత్రికి తరలించారు. మానసిక ఒత్తిడి కారణంగా ఆమె షూటింగ్ సరిగా చేయలేకపోతున్నారనే పుకార్లను యూనిట్ ఆ మధ్య ఖండించారు. ఒకప్పుడు రన్బీర్ కపూర్ తో పీకల్లోతు ప్రేమలో మునిగిపోయిన దీపికా పదుకొనె అతడితో బ్రేకప్ అయ్యాక డిప్రెషన్ కి గురైంది. అనంతరం రణ్వీర్ సింగ్ ని వివాహం చేసుకుంది.
