పాన్ ఇండియా మూవీగా తెరకెక్కిన ‘కేజీఎఫ్-2’ డిజిటల్ రైట్స్ రికార్డు ధర పలికింది. సౌత్ ఇండియాలో ‘బహుబలి’ సీరిస్ తర్వాత అంతటి క్రేజ్ దక్కించుకున్న మూవీ ‘కేజీఎఫ్’ నిలిచింది. ‘బహుబలి’ మాదిరిగానే ఈ సినిమా కూడా ‘కేజీఎఫ్-2’ను తెరకెక్కించింది. ‘కేజీఎఫ్’ తొలిపార్ట్ తమిళ, కన్నడ, తెలుగు విడుదలైన అన్ని భాషల్లో భారీ విజయం సాధించింది. దీంతో కేజీఎఫ్-2 మూవీపై ప్రేక్షకుల్లో భారీ అంచనాలు నెలకొన్నాయి. తాజాగా ఈ మూవీ డిజిటల్ రైట్స్ ను అమెజాన్ ప్రైమ్ రూ.55కోట్లకు కోనుగోలు చేసినట్లు సమాచారం. భారీ మొత్తంలో డిజిటల్ రైట్స్ అమ్ముడుపోవడంపై చిత్రబృందం సంతోషం వ్యక్తం చేసింది.
కన్నడ చిత్రసీమలో తప్ప ఎవరికీ తెలియని యశ్ ‘కేజీఎఫ్’ మూవీతో ఒక్కసారిగా స్టార్ అయిపోయాడు. సౌత్ ఇండియాలో రెండో ప్రభాస్ గా యశ్ ను అభిమానులు పిలుచుకుంటున్నాయి. అయితే తాను నెంబర్ వన్ యశ్ గానే ఉంటానని కేజీఎఫ్ స్టార్ గతంలోనే ప్రకటించాడు. అందుకు తగ్గట్టుగానే సౌత్ ఇండియాలో తనకుంటూ ఓ ఫ్యాన్ ఫాలోయింగ్ ఏర్పరుచుకున్నాడు. కేజీఎఫ్ మూవీ విడుదలైన అన్ని భాషల్లో కలెక్షన్ల వర్షం కురిపించడంతో ‘కేజీఎఫ్-2’ సీక్వెల్ ను దర్శకుడు ప్రశాంత్ నీల్ ప్లాన్ చేశారు. ఈ మూవీ షూటింగ్ పూర్తయినట్లు తెలుస్తోంది. లాక్డౌన్ అనంతరం ఈ మూవీని విడుదల చేసేందుకు చిత్రబృందం సన్నహాలు చేస్తుంది. ఈనేపథ్యంలో ‘కేజీఎఫ్-2’ మూవీ డిజిటల్ రైట్స్ ను అమెజాన్ ప్రైమ్ రూ.55కోట్లకు దక్కించుకుంది. కాగా ‘కేజీఎఫ్’ తొలి పార్ట్ ను కూడా అమెజాన్ ప్రైమ్ దక్కించుకోవడం విశేషం.
