Ram Charan Peddi Movie Teaser: మొన్న క్రికెట్ ‘బ్యాట్’ తో..రేపు ‘గద’ తో.. వీరంగం సృష్టించబోతున్న రామ్ చరణ్ ‘పెద్ది’ ..

Ram Charan Peddi Movie Teaser: గ్లోబల్ స్టార్ రామ్ చరణ్(Global Star Ram Charan) హీరో గా నటిస్తున్న ‘పెద్ది'(Peddi Movie) మూవీ వచ్చే నెల 28 న ప్రపంచవ్యాప్తంగా భారీ లెవెల్ లో విడుదల అవ్వబోతున్న సందర్భంగా, ఈ చిత్రానికి సంబంధించిన షూటింగ్ చాలా టైట్ షెడ్యూల్స్ మధ్య నడుస్తోంది. రీసెంట్ గానే షూటింగ్ జరుగుతున్న సమయం లో రామ్ చరణ్ కంటికి కి చిన్న గాయం అవ్వడం తో, ఒక రోజు పాటు షూటింగ్ ని నిలిపివేశారు. ఇంతటి టైట్ షెడ్యూల్స్ మధ్య షూటింగ్ నడుస్తుంది, ఇలాంటి సమయం లో బ్రేక్ రావడం వల్ల , సినిమా అనుకున్న సమయానికి విడుదల అవ్వడం కష్టమేమో అని అంతా అనుకున్నారు. కానీ ఎట్టి పరిస్థితిలోనూ ఈ చిత్రాన్ని ప్రేక్షకుల ముందుకు తీసుకొచ్చేందుకు మేకర్స్ అన్ని విధాలుగా ప్రయత్నాలు చేస్తున్నారు. ఇకపోతే రేపు రామ్ చరణ్ పుట్టినరోజు కావడంతో , ఈ సినిమాకు సంబంధించిన చిన్న టీజర్ ని ఉదయం 9 గంటల 45 నిమిషాలకు విడుదల చేయబోతున్నారు మేకర్స్.

ఇన్ని రోజులు ‘పెద్ది’ చిత్రం అంటే మన అందరికీ గుర్తుకొచ్చేది క్రికెట్. ఒక గ్లింప్స్ వీడియో, రెండు సాంగ్స్ ని ఇప్పటి వరకు మేకర్స్ విడుదల చేస్తే, అందులో కూడా రామ్ చరణ్ బ్యాట్ పట్టుకొని కనిపిస్తాడు. అయితే రేపు విడుదల చెయ్యబోయే టీజర్ లో రామ్ చరణ్ గదతో కనిపించబోతున్నాడు. అందుకు సంబంధించిన ఫోటో ని ఒకటి ఆ చిత్ర దర్శకుడు బుచ్చి బాబు సోషల్ మీడియా లో అప్లోడ్ చేయగా , అది బాగా వైరల్ అయ్యింది. రేపు విడుదల చేసే టీజర్ లో రామ్ చరణ్ కుస్తీ ఫైటింగ్ చేయబోతున్నాడు. అభిమానులు ఈ టీజర్ పై ఎన్ని అంచనాలు అయినా పెట్టుకోండి, ఆ అంచనాలకు మించే ఉంటుందని, ఇప్పటికే ఈ చిత్రం పై మార్కెట్ లో విపరీతమైన క్రేజ్ ఉందని, ఈ టీజర్ తో ఆ క్రేజ్ పదింతలు ఎక్కువ అవుతుందని అంటున్నారు.

ఇదంతా పక్కన పెడితే ఓవర్సీస్ కి సంబంధించిన అడ్వాన్స్ బుకింగ్స్ ని రేపటి నుండి మొదలు పెట్టాలని ముందుగా నిర్ణయం తీసుకున్నారు. కానీ నిర్మాతలు నార్త్ అమెరికా డిస్ట్రిబ్యూటర్ ని ఏప్రిల్ 8 నుండి మొదలు పెట్టాల్సిందిగా రిక్వెస్ట్ చేయడం తో , ఏప్రిల్ 8 నుండి అడ్వాన్స్ బుకింగ్స్ ప్రారంభం కానుంది. ఇక్కడే అభిమానులకు ఈ సినిమా మళ్లీ వాయిదా పాడబోతోందా అనే అనుమానాలు వ్యక్తం అవుతున్నాయి. ప్రస్తుతం ఒక రోజు షూటింగ్ ఆగిపోవడం తో, దాని ప్రభావం రాబోయే రోజుల్లో ఎలా ఉంటుందో తెలియదు కాబట్టి, ఏప్రిల్ 8 వరకు ఆగాల్సిందిగా రిక్వెస్ట్ చేసినట్టు తెలుస్తోంది. మరి ఈ సినిమా వాయిదా పడుతుందా ? , లేదా చెప్పిన తేదీకే విడుదల అవుతుందా అనేది ప్రస్తుతానికి సస్పెన్స్.