Peddi movie advance bookings: అభిమానులు , ప్రేక్షకులు ఎప్పటి నుండో ఎంతో ఆతృతగా ఎదురు చూస్తున్న గ్లోబల్ స్టార్ రామ్ చరణ్ ‘పెద్ది’ చిత్రం మరో రెండు రోజుల్లో ప్రేక్షకుల ముందుకు రాబోతుంది. ఇప్పటి వరకు ఈ చిత్రం నుండి విడుదలైన ప్రతీ కంటెంట్ కి కూడా అద్భుతమైన రెస్పాన్స్ వచ్చింది. ఈ రేంజ్ రెస్పాన్స్ వస్తుందని బహుశా అభిమానులు కూడా ఊహించి ఉండరు. అయితే ఈ చిత్రానికి సంబంధించిన అడ్వాన్స్ బుకింగ్స్ రీసెంట్ గానే భారీ లెవెల్ లో మొదలు పెట్టారు. ముందుగా ఓవర్సీస్ లో నెల రోజుల క్రితమే అడ్వాన్స్ బుకింగ్స్ మొదలు పెట్టగా, అక్కడి ఆడియన్స్ నుండి యావరేజ్ రేంజ్ రెస్పాన్స్ వచ్చింది. 3 మిలియన్ల గ్రాస్ కేవలం ప్రీమియర్ షోస్ నుండి వస్తుందని అనుకున్నారు. కానీ ఇప్పటి వరకు కనీసం 1 మిలియన్ ప్రీ సేల్స్ కూడా జరగలేదు.
ఓవర్సీస్ పరిస్థితి అలా ఉండగా , ఆంధ్ర ప్రదేశ్ పరిస్థితి మాత్రం పూర్తి భిన్నంగా ఉంది. ఇక్కడ నిన్న ఉదయం నుండి అడ్వాన్స్ బుకింగ్స్ ప్రారంభించగా, సెన్సేషనల్ రెస్పాన్స్ వచ్చింది. ఇదే ఊపు కొనసాగితే , కచ్చితంగా ఈ చిత్రానికి ఆల్ టైం టాప్ 3 రేంజ్ గ్రాస్ వస్తుందని అంటున్నారు ట్రేడ్ విశ్లేషకులు. ఇకపోతే రేపే రెండు తెలుగు రాష్ట్రాల్లో ప్రీమియర్ షోస్ పడనున్నాయి. ఒక్క ప్రీమియర్ షో టికెట్ రేట్ 600 రూపాయిలు. అన్నీ ప్రాంతాల్లోనూ ప్రీమియర్ షోస్ టికెట్ సేల్స్ హాట్ కేక్ లాగా ఉన్నాయి. ముందుగా ఓవరాల్ గ్రాస్ ప్రీమియర్ షోస్ + మొదటి రోజు కి కలిపి ఎంత వచ్చిందో ఒకసారి వివరంగా చూద్దాం. ముందుగా ప్రీమియర్ షోస్ విషయానికి వస్తే వైజాగ్ నుండి 2 కోట్ల 20 లక్షల రూపాయిల గ్రాస్ వసూళ్లు రాగా , రాజమండ్రి నుండి 80 లక్షలు , కాకినాడ నుండి 78 లక్షలు, గుంటూరు నుండి 70 లక్షలు వచ్చాయి.
అదే విధంగా నెల్లూరు నుండి 66 లక్షలు రూపాయిల గ్రాస్ వసూళ్లు రాగా , తిరుపతి నుండి 51 లక్షలు, విజయనగరం నుండి 45 లక్షల రూపాయిల గ్రాస్ వసూళ్లు వచ్చాయి. ఓవరాల్ గా ఈ చిత్రానికి ప్రీమియర్ షోస్ నుండే 5 కోట్ల రూపాయలకు పైగా గ్రాస్ వసూళ్లు నమోదు అయ్యాయి. ఇక నార్త్ అమెరికా విషయానికి వస్తే, ఇప్పటి వరకు 8 లక్షలకు పైగా డాలర్లు నమోదు అయ్యాయని, ఓవరాల్ గా ఓవర్సీస్ నుండి 1.265 మిలియన్ డాలర్ల గ్రాస్ నమోదు అయ్యిందని, ఇండియన్ కరెన్సీ లెక్కల్లోకి చూస్తే 12 కోట్ల రూపాయిల గ్రాస్ వచ్చిందని ,. అదే విధంగా ఇండియా లో ప్రీమియర్స్ + మొదటి రోజుకి కలిపి 13 కోట్ల గ్రాస్ వచ్చిందని , ఓవరాల్ గా ప్రపంచవ్యాప్తంగా ఈ చిత్రానికి 25 కోట్ల రూపాయిల గ్రాస్ వసూళ్లు వచ్చిందని అంటున్నారు.
