Dhurandhar Netflix Record: ఒకపక్క ‘ధురంధర్ 2′(Dhurandhar 2 Movie) చిత్రం బాక్స్ ఆఫీస్ వద్ద రోజుకో బెంచ్ మార్క్ ని క్రియేట్ చేస్తూ, అనితర సాధ్యమైన రికార్డ్స్ ని నెలకొల్పుతూ ముందుకు దూసుకుపోతుంటే, మరోపక్క ‘ధురంధర్'(Dhurandhar Movie) చిత్రం నెట్ ఫ్లిక్స్ లో రోజుకో మైల్ స్టోన్ ని దాటుతూ ముందుకు వెళ్తోంది. ఈ సినిమా థియేటర్స్ లో కేవలం హిందీ బాషలోనే విడుదలైంది. నెట్ ఫ్లిక్స్ లో హిందీ వెర్షన్ తో పాటు, ఇతర భాషల్లో కూడా విడుదల చేశారు కాబట్టి కచ్చితంగా ఈ చిత్రానికి భారీ రెస్పాన్స్ వస్తుంది, అందులో ఎలాంటి సందేహం లేదని ముందుగా అందరూ ఊహించారు. కానీ ఈ రేంజ్ రెస్పాన్స్ వస్తుందని మాత్రం నిజంగా ఎవ్వరూ ఊహించలేకపోయారు. ఇప్పటి వరకు ఈ చిత్రం విడుదలై 8 వారాలు పూర్తి అవ్వగా, ఈ 8 వారాలకు గానూ దాదాపుగా 26.3 మిలియన్ వ్యూస్ వచ్చినట్టు చెప్తున్నారు ట్రేడ్ విశ్లేషకులు.
Also Read: పవన్ కళ్యాణ్ తో ‘ధురంధర్ 2’ డైరెక్టర్ ఆదిత్య డర్ భేటీ.. త్వరలోనే బ్లాస్టింగ్ అప్డేట్ లోడింగ్..
ప్రస్తుతం ఈ చిత్రం టాప్ 1 స్థానం లో ట్రెండ్ అవుతోంది. ఇంగ్లీష్ సినిమాలు / వెబ్ సిరీస్ లు కాకుండా, ఒక నాన్ ఇంగ్లీష్ చిత్రం వరుసగా 8 వారాలు ట్రెండ్ అయిన అరుదైన ఇండియన్ చిత్రాల్లో ‘ధురంధర్’ కూడా చేరిపోయింది. వారాల వారీగా ఈ చిత్రానికి వచ్చిన వ్యూస్ ని ఒకసారి పరిశీలిస్తే , మొదటి వార లో 7.6 మిలియన్ వ్యూస్ రాగా, రెండవ వారం లో 8.2 మిలియన్ వ్యూస్ వచ్చాయి. ఇక ఆ తర్వాత మూడవ వారం 2.9 మిలియన్ వ్యూస్ ని ఈ చిత్రం రాబట్టగా, నాల్గవ వారం లో 2 మిలియన్ వ్యూస్ , 5వ వారం లో 1.3 మిలియన్ వ్యూస్, 6 వ మరియు 7 వ వారాల్లో చెరో 1 మిలియన్ వ్యూస్ వచ్చాయని తెలుస్తోంది. ఇక 8 వ వారం లో ఈ సినిమాకు సంబంధించిన సీక్వెల్ విడుదల అవ్వడం తో వ్యూస్ భారీగా పెరిగాయి.
నెట్ ఫ్లిక్స్ సంస్థ అందించిన సమాచారం ప్రకారం ఈ చిత్రానికి 8 వ వారం లో 2.3 మిలియన్ వ్యూస్ వచ్చాయట. సీక్వెల్ థియేటర్స్ లో ఆడుతున్న సమయం లో కచ్చితంగా ఆ చిత్రాన్ని చూడాలి అనుకున్న ప్రేక్షకుడు, మొదటి భాగాన్ని చూస్తాడు కదా, అందుకే ఆ రేంజ్ లో ట్రెండ్ అవుతోంది అంటూ సోషల్ మీడియా లో విశ్లేషకులు కామెంట్స్ చేస్తున్నారు. ఇదే ఊపులో ముందుకు పోతే త్వరలోనే ఈ చిత్రం #RRR(43 మిలియన్ వ్యూస్) రికార్డు ని దాటేస్తుందని అంటున్నారు ట్రేడ్ విశ్లేషకులు. ఒకపక్క వెండితెర ని ఈ సినిమా సీక్వెల్ రూల్ చేస్తుంటే, బుల్లితెర ని మొదటి భాగం రూల్ చేస్తోంది. అలా డిసెంబర్ నుండి ఇప్పటి వరకు ఇండియా లో ‘ధురంధర్’ మేనియా తప్ప మరొకటి కనిపించడం లేదంటూ సోషల్ మీడియా లో నెటిజెన్స్ కామెంట్స్ చేస్తున్నారు.
