Ram Charan
Ram Charan: తాను చేసే ప్రతీ సినిమాతో ఆడియన్స్ కి సరికొత్త థియేట్రికల్ అనునుభూతి ఇవ్వాలని పరితపించే హీరోలలో ఒకరు వరుణ్ తేజ్. మెగా ఫ్యామిలీ నుండి ప్రయోగాలు చేయడానికి అమితాసక్తి చూపించే హీరో ఈయన. అయితే ఆ ప్రయోగాలు వికటించడంతో వరుస డిజాస్టర్ ఫ్లాప్స్ ఎదురై వరుణ్ తేజ్ మార్కెట్ పూర్తిగా డ్యామేజ్ అయ్యింది. ప్రస్తుతం ఆయన ఆశలన్నీ ‘మట్కా’ చిత్రం మీదనే ఉంది. కరుణ కుమార్ అనే నూతన దర్శకుడు తెరకెక్కించిన ఈ సినిమా రేపు ప్రపంచవ్యాప్తంగా గ్రాండ్ గా విడుదల కాబోతుంది. ఇప్పటికే ఈ సినిమాకి సంబంధించిన టీజర్, ట్రైలర్ ప్రేక్షకులను విశేషంగా ఆకట్టుకుంది. కానీ వరుణ్ తేజ్ గత సినిమాలకు సంబంధించిన ఫలితాల ప్రభావం ఈ చిత్రం మీద బలంగా పడింది. అందుకే తెలుగు రాష్ట్రాల్లో అడ్వాన్స్ బుకింగ్స్ ట్రెండ్ దారుణంగా ఉంది. ముఖ్యంగా హైదరాబాద్ వంటి సిటీస్ లో ఒక్క షో కి కూడా ఫాస్ట్ ఫిల్లింగ్ రాకపోవడం గమనార్హం.
ఇదంతా పక్కన పెడితే మెగా ఫ్యాన్స్ ని ఆకర్షించేందుకు రామ్ చరణ్ , శంకర్ కాంబినేషన్ లో తెరకెక్కిన ‘గేమ్ చేంజర్’ మూవీ టీజర్ ని ఇంటర్వెల్ సమయంలో ప్లే చేయబోతున్నారట. ఈ టీజర్ ని ‘మట్కా’ చిత్రానికి జత చేశారట. ఈ ప్రచారం ఈ సినిమాకి కాస్త బూస్ట్ ని ఇస్తుందో లేదో చూడాలి. 9 వ తేదీన విడుదలైన రామ్ చరణ్ ‘గేమ్ చేంజర్’ టీజర్ కి ఎలాంటి రెస్పాన్స్ వచ్చిందో మన అందరికీ తెలిసిందే. కేవలం మొదటి రోజే ఈ టీజర్ కి 70 మిలియన్ కి పైగా వ్యూస్ వచ్చాయి. రామ్ చరణ్ అభిమానులు మరొక్కసారి థియేట్రికల్ అనుభూతి పొందడానికి మట్కా మూవీ కి టికెట్స్ బుక్ చేసుకునే అవకాశం ఉంది. ఈ సినిమాలో హీరోయిన్ గా మీనాక్షి చౌదరి నటించింది. రీసెంట్ గానే ఈమె తమిళ హీరో విజయ్ తో ‘ది గ్రేటెస్ట్ ఆఫ్ ఆల్ టైం’, దుల్కర్ సల్మాన్ తో ‘లక్కీ భాస్కర్’ వంటి వరుస బ్లాక్ బస్టర్ హిట్స్ తో మంచి ఫామ్ లో ఉంది. ఆమె అదృష్టం ఈ సినిమాకి కూడా కలిసి వస్తుందో లేదో చూడాలి.
అడ్వాన్స్ బుకింగ్స్ ట్రెండ్ చాలా వీక్ గా ఉన్నప్పటికీ, మంచి పాజిటివ్ టాక్ వస్తే భారీ వసూళ్లు వచ్చే అవకాశం కూడా ఉంది. సెన్సార్ రిపోర్ట్స్ కూడా ఈ సినిమాకి చాలా పాజిటివ్ గా ఉంది. వరుణ్ తేజ్ ని ఇలాంటి యాంగిల్ లో ఇప్పటి వరకు చూడలేదని, స్టోరీ చాలా బాగుందని, డైరెక్టర్ కొత్తవాడు అయినప్పటికీ కూడా టేకింగ్ విషయం లో తన అద్భుతమైన మార్కుని చూపించాడని, ఈ సినిమా తర్వాత కచ్చితంగా ఆయన పెద్ద రేంజ్ కి వెళ్లాడని సినిమాని చూసిన సెన్సార్ సభ్యులు మూవీ టీం తో చెప్పినట్టు తెలుస్తుంది. మరి ఆ సెన్సార్ టాక్ కి తగ్గట్టుగా సినిమా ఉందో లేదో తెలియాలంటే కొన్ని గంటలు ఆగాల్సిందే.