Ram Charan: ఒక చిన్న డైరెక్టర్ కి పాన్ ఇండియన్ సూపర్ సినిమా తీసే అద్భుతమైన అవకాశం ఇస్తే, దానిని తేలికగా తీసుకుంటే మారుతీ ‘రాజా సాబ్’ అవ్వుద్ది, సిరీస్ గా తీసుకుంటే బుచ్చి బాబు ‘పెద్ది’ అవ్వుద్ది అంటూ సోషల్ మీడియా లో గత కొంతకాలంగా నెటిజెన్స్ మాట్లాడుతున్నారు. కేవలం ఒకే ఒక్క సినిమా అనుభవం ఉన్నటువంటి బుచ్చి బాబు కి , రామ్ చరణ్ వంటి సూపర్ స్టార్ పిలిచి మరీ ‘పెద్ది’ సినిమా అవకాశం ఇవ్వడం ఆయన జీవితం లో ఎప్పటికీ మర్చిపోలేని సంఘటన. తనకు వచ్చిన ఆ అరుదైన అవకాశాన్ని సీరియస్ గా తీసుకొని ప్రాణం పెట్టి పని చేసి ‘పెద్ది’ చిత్రాన్ని మనకి అందించారు బుచ్చి బాబు. సినిమాలో చాలా తప్పులు ఉన్నాయి , కానీ రామ్ చరణ్ ని వాడుకోవడం లో సక్సెస్ అయ్యారు బుచ్చి బాబు.
దాని ఫలితమే టాక్ కాస్త డివైడ్ గా వచ్చినప్పటికీ బాక్స్ ఆఫీస్ వద్ద 350 కోట్ల రూపాయలకు పైగా గ్రాస్ వసూళ్లను రాబట్టి సంచలనం సృష్టించింది. ఇప్పటికీ థియేటర్స్ లో డీసెంట్ రన్ ని సొంతం చేసుకుంటూ ముందుకెళ్తున్న ఈ చిత్రం, వీకెండ్స్ లో పలు ప్రాంతాల్లో హౌస్ ఫుల్ బోర్డ్స్ ని నమోదు చేసుకోవడం గమనార్హం. తానూ ఇచ్చిన అవకాశాన్ని పర్ఫెక్ట్ గా వినియోగించుకున్నందుకు సంతృప్తి చెందిన రామ్ చరణ్ , బుచ్చి బాబు కి మరో అవకాశం ఇచ్చినట్టు ఇండస్ట్రీ వర్గాల్లో వినిపిస్తున్న వార్త. రీసెంట్ గానే ఆయన ఒక ప్రముఖ నిర్మాత చేత బుచ్చి బాబు కి భారీ మొత్తం లో అడ్వాన్స్ ఇప్పించారట. ఈ వారం లోనే బుచ్చి బాబు తన రైటింగ్ టీం తో కలిసి హైదరాబాద్ లో ఆఫీస్ ప్రారంభించబోతున్నారు అట. ప్రస్తుతం సుకుమార్ తో ఒక సినిమా చేయడానికి సిద్దమైన రామ్ చరణ్ , ఈ దసరా నుండి ఈ చిత్రాన్ని సెట్స్ మీదకు తీసుకొని వెళ్ళబోతున్నారు.
ఈ సినిమా పూర్తి అయినా వెంటనే రామ్ చరణ్ బుచ్చి బాబు తో మరో సినిమాని సెట్స్ మీదకు తీసుకెళ్లే అవకాశం ఉంది. కానీ అభిమానులు మాత్రం బుచ్చి బాబు తో మరో సినిమా చేయడాన్ని స్వాగతించడం లేదు. ఆయన తోటి హీరోలు సందీప్ వంగ, ప్రశాంత్ నీల్, లోకేష్ కనకరాజ్ తరహా డైరెక్టర్స్ తో జెన్ జీ ఆడియన్స్ ని ఆకట్టుకునే సినిమాలు చేస్తూ ముందుకు దూసుకొని వెళ్తుంటే, రామ్ చరణ్ ఇంకా మీడియం రేంజ్ డైరెక్టర్స్ తో చేయడం ఏంటి?, అసలు బాలేదు , ఆయన తక్షణమే తన ఆలోచనలు విరమించుకోవాలని అంటున్నారు రామ్ చరణ్ ఫ్యాన్స్. మరి ఏమి జరగబోతుందో చూడాలి.
