Rakasa Biker OTT release where to watch: ఏప్రిల్ మొదటి వారంలో ఒకే రోజున విడుదలై మంచి పాజిటివ్ టాక్ తెచ్చుకున్న ‘రాకాస’ , ‘బైకర్’ చిత్రాలు బాక్స్ ఆఫీస్ వద్ద ఏ స్థాయి పెర్ఫార్మన్స్ ని అందుకున్నాయి మనమంతా చూశాము . ‘బైకర్’ తరహా సినిమాలు పెద్దగా ఆడవు అనేది విశ్లేషకులు మొదటి నుండి చెప్పే మాట. భారీ హైప్ ఉంటే ఆడొచ్చేమో కానీ, హైప్ లేకపోతే ఎంత మంచి పాజిటివ్ టాక్ వచ్చినా డిజాస్టర్ గానే మిగులుతుందని అనేక సందర్భాల్లో చెప్పుకొచ్చారు విశ్లేషకులు. ‘బైకర్’ విషయంలో అదే జరిగింది. శర్వానంద్ హీరోగా నటించిన ఈ చిత్రానికి ఆడియన్స్ నుండి అద్భుతమైన పాజిటివ్ టాక్ వచ్చింది. కానీ ప్రీ రిలీజ్ థియేట్రికల్ బిజినెస్ 21 కోట్ల రూపాయలకు జరగడం తో 50 శాతం రీకవరీ ని కూడా సొంతం చేసుకోలేకపోయింది ఈ చిత్రం.
అంటే కేవలం 13 కోట్ల రూపాయిల షేర్ వసూళ్లను మాత్రమే ఈ చిత్రం బాక్స్ ఆఫీస్ వద్ద రాబట్టింది అన్నమాట. ఇక ‘రాకాస’ విషయానికి వస్తే , ఇందులో ‘మ్యాడ్’ సిరీస్ ఫేమ్ సంగీత్ శోభన్ హీరో కావడంతో , మొదటి నుండి యూత్ ఆడియన్స్ లో మంచి క్రేజ్ ఏర్పడింది. ఆ క్రేజ్ కి తగ్గట్టు , ఆ చిత్ర నిర్మాత నిహారిక కొణిదెల ప్రొమోషన్స్ ని కూడా ఇరగ కుమ్మేసింది. దీంతో ఈ చిత్రానికి మంచి పాజిటివ్ బజ్ ఏర్పడింది , ప్రీ రిలీజ్ థియేట్రికల్ బిజినెస్ కూడా చాలా లిమిటెడ్ గా చేశారు. 13.5 కోట్ల రూపాయలకు ఈ చిత్రాన్ని కొనుగోలు చేయగా, బాక్స్ ఆఫీస్ వద్ద 15 కోట్ల రూపాయిల షేర్ వసూళ్లను రాబట్టింది. అంటే కోటిన్నర లాభం వచ్చింది అన్నమాట. ఇప్పుడు ఈ రెండు చిత్రాలను నేడు ఓటీటీ లో విడుదల చేయబోతున్నారు. ఈ సినిమాల డిజిటల్ రైట్స్ ని మంచి ఫ్యాన్సీ రేట్ కి నెట్ ఫ్లిక్స్ సంస్థ కొనుగోలు చేసింది.
నాలుగు వారాలు పూర్తి అవ్వడం తో డీల్ ప్రకారం ఈ రెండు చిత్రాలను నేడు అర్థ రాత్రి నుండి స్ట్రీమింగ్ చేయబోతున్నారు. థియేటర్స్ లో మిస్ అయిన అభిమానులు నెట్ ఫ్లిక్స్ లో ఈ రెండు చిత్రాలను చూసేందుకు సిద్ధంగా ఉండండి. తెలుగు తో పాటు ఇతర ప్రాంతీయ భాషల్లో కూడా ఈ చిత్రం అందుబాటులోకి రానుంది. అయితే ఓటీటీ లో ‘రాకాస ‘ చిత్రం కంటే ‘బైకర్’ కి ఎక్కువ రెస్పాన్స్ వచ్చే అవకాశం ఉందని అంటున్నారు విశ్లేషకులు. ఎందుకంటే ఇలాంటి సినిమాలను ఓటీటీ ఆడియన్స్ ఎగబడి చూస్తారట. గతం లో అందుకు చాలా ఉదాహరణలు ఉన్నాయని అంటున్నారు. చూడాలి మరి ఓటీటీ లో ఈ రెండు చిత్రాల్లో ఏది పైచెయ్యి సాధిస్తుంది అనేది.
