Akhil Raj: సినిమా ఇండస్ట్రీలో ఒక్కసారి హీరోగా మారిన తర్వాత వాళ్ళ ఆటిట్యూడ్ మొత్తం మారిపోతుంది. అంతకుముందు ఉన్న వైఖరి సినిమా సక్సెస్ అయిన తర్వాత ఉండదని చాలా మంది చెబుతూ ఉంటారు. ఇక ఇలాంటి క్రమంలోనే గత సంవత్సరం ‘రాజు వెడ్స్ రాంబాయి’ సినిమాతో సూపర్ సక్సెస్ ని సాధించిన నటుడు అఖిల్ రాజ్… ఈ మూవీతోనే హీరోగా పరిచయమైన తను మొదటి సినిమాతోనే సక్సెస్ ని సాధించాడు. దాంతో అతనికి ఇండస్ట్రీలో భారీ అవకాశాలైతే వస్తున్నాయి. ఇక దానికి తోడుగా ఆయన ప్రతి సినిమా విషయంలో కూడా చాలా జాగ్రత్తలు తీసుకుంటూ ముందుకు సాగుతున్నట్లుగా తెలుస్తుంది. ఇక సినిమాల విషయం పక్కన పెడితే ఆయన ఏదో ఒక రెస్టారెంట్ నుంచి ఫుడ్ ఆర్డర్ అయితే పెట్టుకున్నాడు. ఫుడ్ డెలివరీ బాయ్ రాంగ్ ఫుడ్ ఆర్డర్ డెలివరీ చేయడంతో అఖిల్ రాజ్ తో పాటు వాళ్ళ అమ్మ కూడా అతని మీద గొడవకు దిగారు.
మొత్తానికైతే ఫుడ్ డెలివరీ అబ్బాయి తీసిన వీడియో సోషల్ మీడియాలో విపరీతంగా వైరల్ అవుతుంది. ఇదంతా చూసిన కొంతమంది హీరో అయితే ఎందుకు అంత పొగరు ఫుడ్ డెలివరీ బాయ్ మీద దాడి చేయడం ఏంటి రాంగ్ ఫుడ్ వస్తే అది రెస్టారెంట్ వాడి తప్పు ఫుడ్ డెలివరీ చేసిన వాడి తప్పు కాదు కదా అంటూ కొంతమంది మాట్లాడుతున్నారు.
ఇక ఫుడ్ డెలివరీ బాయ్ మాత్రం అఖిల్ రాజు వాళ్ళ అమ్మ తన మొహం మీద ఉమ్మేసిందని ఆ వీడియో తీస్తూ మాట్లాడుతున్నాడు. నిజానికి ఒక సినిమా సక్సెస్ సాధించినంత మాత్రాన అంత తల పొగరు ఉండాల్సిన పని లేదు. అంతకంటే చాలా గొప్ప సక్సెస్ లను సాధించిన వారు కామ్ గా ఉంటూ వాళ్ళ పని వాళ్ళు చూసుకుంటూ ముందుకు సాగుతున్నారు.
ఆ వీడియోలో అఖిల్ రాజ్ ను చూస్తే వాళ్ళ నాన్నను దాటుకుని మరీ వచ్చి ఆ ఫుడ్ డెలివరీ బాయ్ ని కొట్టడానికి ప్రయత్నిస్తున్నాడు. ఆ పొగరు మార్చుకోకపోతే మాత్రం సినిమా ఇండస్ట్రీలో ఎక్కువ కాలం పాటు నిలవడం చాలా కష్టమవుతుందని చాలామంది విమర్శకులు సైతం అతన్ని హెచ్చరిస్తున్నారు…
