Akhil Raj: సోషల్ మీడియా లో నిన్నటి నుండి ఒక వీడియో తెగ చక్కర్లు కొడుతోంది. ‘రాజు వెడ్స్ రాంభాయ్’ మూవీ హీరో అఖిల్ రాజ్ తన ఇంటికి వచ్చిన ఒక డెలివరీ బాయ్ ని చితకబాదడంతో, ఆ డెలివరీ బాయ్ వీడియో ని రికార్డు చేసి సోషల్ మీడియా లో అప్లోడ్ చేశారు. తప్పు ఆర్డర్ డెలివరీ చేసినందుకు అఖిల్ రాజ్ ఇలా కొట్టాడు అని , అతని తల్లి నా ముఖం పై ఊసిందని , ఇలా సోషల్ మీడియా లో అందరికీ అర్థం అయ్యేలా చేశారు ఆ డెలివరీ బాయ్. అయితే అసలు జరిగిన విషయాన్ని నేడు హీరో అఖిల్ రాజు వివరిస్తూ మరో వీడియో విడుదల చేశారు. ఇది విన్న తర్వాత అఖిల్ రాజ్ ఆ విధంగా రియాక్ట్ అవ్వడంతో అసలు తప్పు లేదని అంటున్నారు నెటిజెన్స్.
ఆయన మాట్లాడుతూ ‘మా ఇంటికి ఎదురుగా ఉన్నటువంటి చెలం రెసిడెన్సీ లోని ఒక ఫ్లాట్ లో ఇవ్వాల్సిన పార్సిల్ ని , ఆ డెలివరీ బాయ్ అరుణా రెసిడెన్సీ లో ఉన్న మా ఫ్లాట్ లో ఇచ్చారు. మా ఇంట్లో ఎవరో ఒకరు ఆర్డర్ చేసి ఉంటారేమో అని మా నాన్న ఆ పార్సిల్ ని అందుకున్నారు. కానీ పార్సిల్ పై చెలం రెసిడెన్సీ అని స్పష్టంగా రాసుంది. ఈ విషయం తెలియక మా అమ్మ ఆ పార్సిల్ ని ఓపెన్ చేసి చూసింది. అందులోని ఐటమ్స్ మేము ఆర్డర్ చేయలేదని నిర్ధారణ అవ్వడం తో పక్కన పెట్టేసాం. 20 నిమిషాల తర్వాత ఆ డెలివరీ బాయ్ మా ఫ్లాట్ కి వచ్చి ఆ పార్సిల్ ని తిరిగి ఇవ్వాలని అడిగాడు. అందుకు నేను బ్రదర్ మీరు అసలు అడ్రస్ సరిగా చూసుకున్నారా అని అడిగితే, చూడలేదు , అలా ఇచ్చేశానంటే అని అన్నాడు’.
‘ఇంతలోపే మా అమ్మ అక్కడికి వచ్చి , బాబు తెలియక పార్సిల్ ఓపెన్ చేశాము , ఏమి అనుకోకండి అని తిరిగి ఇచ్చేంసింది. మద్యం మత్తులో ఉన్న ఆ డెలివరీ బాయ్ వెళ్తూ వెళ్తూ ఉచితంగా వస్తే , తీసేసుకుంటారా అని అన్నాడు. నేను మాటలు జాగ్రత్తగా రానివ్వు బ్రదర్ అన్నాను. మా అమ్మ ని ఎవరైనా ఒక్క మాట అంటే నాకు కోపం సహజంగానే వచ్చేస్తుంది. ఇంతలోపే అతను ఫోన్ కెమెరా తీసి , నువ్వు సినిమా హీరోవి కదా, ఉండు నీ పని చెప్తా అని ఫోన్ లో వీడియో రికార్డు చేయడం మొదలు పెట్టాడు. ఈ క్రమం లోనే మా మధ్య వాగ్వాదం తారాస్థాయికి చేరింది. మా అమ్మ ని అన్నాడు కాబట్టే గొడవ పడ్డాను , లేకపోతే డెలివరీ బాయ్ తో గొడవ పడాల్సిన అవసరం నాకేంటి’ అంటూ చెప్పుకొచ్చారు. ఇంకా ఆయన ఏమి మాట్లాడారో ఈ క్రింది వీడియోలో చూడండి.
