Akhil Raj: గత రెండు రోజులుగా సోషల్ మీడియా లో ఎక్కడ చూసినా ‘రాజు వెడ్స్ రాంభాయ్’ హీరో అఖిల్ రాజ్ నే కనిపిస్తున్నారు. ఒక డెలివరీ బాయ్ తన ఇంటికి వచ్చి తప్పు ఆర్డర్ వాళ్లకు అందించడం , అనంతరం అది తెలియక అఖిల్ రాజు తల్లి ఆ పార్సిల్ ని తెరిచి చూసి , తమ పార్సిల్ కాదని పక్కన పెట్టేయడం. 20 నిమిషాల తర్వాత ఆ డెలివరీ బాయ్ తిరిగి రావడం , ఓపెన్ చేసిన పార్సిల్ ని చూసి ఉచితంగా వస్తే తీసేసుకుంటారా అని అనడం , అందుకు అఖిల్ రాజ్ ఆవేశంతో ఊగిపోతూ ఆ డెలివరీ పై చెయ్యి చేసుకోవడం వంటివి జరిగాయి. వీటికి సంబంధించిన వీడియో సోషల్ మీడియా అంతటా ఇప్పుడు తెగ వైరల్ గా మారింది. దీంతో అఖిల్ రాజ్ కూడా రెస్పాన్స్ ఇస్తూ జరిగిన వాస్తవాలను జనాలకు వివరించే ప్రయత్నం చేశారు.
ఇదంతా పక్కన పెడితే , నిన్న కారులో వెళ్తున్న అఖిల్ రాజ్ పై గుర్తు తెలియని కొంతమంది వ్యక్తులు దాడి చేయడం సంచలనం గా మారింది. అందుకు సంబంధించిన వీడియో కూడా సోషల్ మీడియా లో బాగా వైరల్ అయ్యింది. కొండాపూర్ లో కారు లో వెళ్తుండగా గుర్తు తెలియని వ్యక్తులు అఖిల్ రాజ్ ని సమీపించి కొట్టే ప్రయత్నం చేశారు. దీంతో అఖిల్ రాజ్ కారు ని వేగంగా నడుపుతూ అక్కడి నుండి పరార్ అయ్యారు. ఈ సంఘటన పై నేడు ఆయన గచ్చిబౌలి పోలీస్ స్టేషన్ లో ఫిర్యాదు చేశారు. పోలీసులు ఈ మేరకు కేసు ని నమోదు చేసి దర్యాప్తు మొదలు పెట్టారు. మరోపక్క ఆ డెలివరీ బాయ్ కూడా అఖిల్ రాజ్ పై పోలీస్ స్టేషన్ లో కంప్లైంట్ ఇచ్చినట్టు తెలుస్తోంది. రోజురోజుకి ఈ వివాదం ముదురుతూనే ఉంది.
అయితే అఖిల్ రాజు డెలివరీ బాయ్ పై విరుచుకుపడ్డాడు కారణం ఏంటో స్పెషల్ వీడియో ద్వారా ఆడియన్స్ కి వివరించినప్పటికీ, ఆయనపై నెగెటివిటీ తగ్గలేదు. సీసీటీవీ కెమెరా ఫుటేజీ ఉందని అంటున్నావు కదా, నువ్వు చెప్పేవి నిజమైతే దాన్ని ముందు బయటపెట్టు అని అంటున్నారు నెటిజెన్స్. ఎంత ప్రయత్నం చేసినా జనాలు నమ్మకపోవడం తో , ఇప్పుడు తనపై దాడి కి దిగినట్టు స్పెషల్ నాటకం ఆడుతున్నాడని , ఇవంతా జనాలు నమ్మే రోజులు పోయాయని అంటున్నారు నెటిజెన్స్. కనీసం రాబోయే రోజుల్లో అయినా అఖిల్ రాజ్ సీసీటీవీ కెమెరాల వీడియో ని సోషల్ మీడియా లో రిలీజ్ చేస్తారో లేదో చూడాలి.
