Pragathi: ప్రగతి స్ట్రాంగ్ అని తన పేరులోనే పెట్టుకునే ఈమె ఇప్పటి తరం హీరోయిన్లు కుళ్లుకునే విధంగా సామాజిక మాధ్యమాలను తన ఫోటోలతో షేక్ చేస్తుంది. సామాజిక మాధ్యమాలలో ప్రజలు ఈమె లేటెస్ట్ ఫోటోలు చూస్తే మతిపోవాల్సిందే. ఏప్రిల్ 17, 1975లో జన్మించిన ప్రగతి చిన్నతనంలోనే తండ్రిని కోల్పోయింది. ఆ సమయంలో తన తల్లికి సాయంగా ఉండడం కోసం ప్రగతి కార్టూన్ పాత్రలకు గాత్ర దానం చేసేదట. మొదటిసారిగా ఆమె కాలేజీ చదువుతున్న రోజులలో చెన్నైలో మైసూరు స్కిల్ ప్యాలెస్ వారి ఆడ్ లో కనిపించింది. ఈ ప్రకటనలో ప్రగతిని చూసిన తమిళ దర్శకుడు కే భాగ్యరాజు వీట్ల విశేషం గా అనే సినిమాలో హీరోయిన్ గా అవకాశం కల్పించారు. ఈ విధంగా సినిమా ఇండస్ట్రీలోకి ఎంట్రీ ఇచ్చిన ప్రగతి తెలుగుతోపాటు, మలయాళం, తమిళ్ సినిమాలలో కూడా ప్రేక్షకులను అలరించింది. సినిమాలలో ఎక్కువగా ఈమె సహాయక పాత్రలలో కనిపించింది. తెలుగులో ప్రగతి ఏమైంది ఈవేళ సినిమాలో హీరో తల్లి పాత్రకు గాను ఉత్తమ సహాయనిటిగా నంది పురస్కారం కూడా అందుకుంది.
Also Read: ఏపీ కోసం ప్రధాని మోదీ.. ఆ నలుగురు ముఖ్యమంత్రులతో ఒకేసారి!
సినిమా ఇండస్ట్రీలో ఉన్న క్యారెక్టర్ ఆర్టిస్టులలో నటి ప్రగతి కూడా తనకంటూ ప్రత్యేక గుర్తింపును సంపాదించుకుంది. ఈమె పలు సీరియల్స్ లో కూడా నటించి బుల్లితెర మీద కూడా ప్రేక్షకులను అలోచించింది. కానీ కెరియర్ బాగా ఫామ్ లో ఉన్న సమయంలోనే పెళ్లి చేసుకుంది. ఈమె వైవాహిక జీవితంలో మాత్రం చాలా కష్టాలు పడింది. కొన్ని కారణాల వలన తన భర్తకు విడాకులు ఇచ్చి ప్రగతి తన కూతురితో పాటు బయటకు వచ్చేసి ఒంటరిగా జీవితం గడుపుతుంది. గతంలో ఒక ఇంటర్వ్యూలో నటి ప్రగతి స్వయంగా కెరియర్ బాగా ఫామ్ లో ఉన్న సమయంలో పెళ్లి చేసుకుని నా జీవితంలో అతిపెద్ద పొరపాటు చేశానని చెప్పింది.
ఆ సమయంలో తాను తీసుకున్న ఆ నిర్ణయం వలన తన జీవితం పది,ఇరవై ఏళ్లు వెనక్కి వెళ్లిందని ప్రగతి ఇంటర్వ్యూలో చెప్పుకొచ్చింది. ఈ మధ్యకాలంలో సామాజిక మాధ్యమాలలో సీనియర్ నటి ప్రగతి రెండో పెళ్లి చేసుకోబోతుందని వార్తలు వినిపించడంతో ఈ విషయంపై ఆమె ఓపెన్ అయ్యింది. ప్రతి ఒక్కరి జీవితంలో ఒక తోడు ముఖ్యం. కానీ తన మెచ్యూరిటీ లెవెల్ కు సరిపడే వ్యక్తి దొరకడం చాలా కష్టమే అంటూ ప్రగతి తెలిపింది. పెళ్లి చేసుకున్న తర్వాత పెట్టే కట్టుబాట్లు తాను భరించలేనని ఈ విధంగా ఆమె చెప్పుకొచ్చింది. ఒకవేళ తనకు 20 ఏళ్ల వయసు ఉండి ఉంటే తాను రెండో పెళ్లి గురించి ఆలోచించే దానిని అని కానీ ఆ సమయం ఇప్పుడు దాటిపోయిందని నటి ప్రగతి ఇంటర్వ్యూలో చెప్పుకొచ్చింది.
