Prabhas Karna: పాన్ ఇండియా లెవెల్ లో ప్రస్తుతం పౌరాణిక పాత్రలకు ఉన్న డిమాండ్ మామూలుది కాదు. సరైన టేకింగ్ తో ఈ జానర్ సినిమాలో తీస్తే చాలు , బాక్స్ ఆఫీస్ వద్ద వండర్స్ క్రియేట్ అవుతున్నాయి , వసూళ్ల సునామీ కురుస్తోంది. ముఖ్యంగా రామాయణం , మహాభారతం వంటి ఇతఃసాలకు సంబంధించిన స్టోరీ లకు అద్భుతమైన విజువల్ ప్రెజెంటేషన్ తో అందిస్తే ఆడియన్స్ నెత్తిన పెట్టుకొని మరీ ఆదరిస్తున్నారు. రీసెంట్ గా అలాంటి సందర్భాలు మనం చాలానే చూశాము . ఈ ట్రెండ్ ని గమనించిన మన స్టార్ హీరోలు , ఇలాంటి పాత్రలు పోషించడానికి ముందుకొస్తున్నారు. అందులో మొదటి వరుస ఉన్న హీరో రెబల్ స్టార్ ప్రభాస్. ‘ఆదిపురుష్’ చిత్రం లో ఈయన శ్రీరాముడి క్యారెక్టర్ చేశారు. కానీ రామాయణం ని వక్రీకరించి డైరెక్టర్ ఇష్టమొచ్చినట్టు తీయడం తో ఆడియన్స్ ఈ చిత్రాన్ని డిజాస్టర్ ఫ్లాప్ చేశారు.
ఆ తర్వాత కొన్నాళ్ళకు ఈయన కల్కి చిత్రం చేశారు. అందులో కర్ణుడి పాత్రలో కనిపించిన ప్రభాస్ ని చూసి ఫ్యాన్స్ మెంటలెక్కిపోయారు, ప్రేక్షకులు కూడా గూస్ బంప్స్ ఫీల్ అయ్యారు. ఎంతైనా మనకు బాగా ఇష్టమైన హీరోని , మనం నిత్యం ఆరాధించే దేవుడి పాత్రల్లో చూస్తే వచ్చే గూస్ బంప్స్ వేరు అని చెప్పొచ్చు. ఇకపోతే ప్రభాస్ దారిలోనే సూపర్ స్టార్ మహేష్ బాబు నడిచారు. ప్రస్తుతం ఆయన చేస్తున్న ‘వారణాసి’ లో శ్రీరాముడి పాత్రలో కనిపించబోతున్నారు. దాదాపుగా 20 నిమిషాల నిడివి ఉండబోతున్న ఈ సీక్వెన్స్ లో మహేష్ బాబు రాముడి గెటప్ లో కనిపిస్తే థియేటర్స్ లో ఆడియన్స్ కి ఎలాంటి ఫీలింగ్ వస్తుందో ఒక్కసారి ఊహించుకోండి. ఇక లేటెస్ట్ గా వీళ్ళిద్దరిని అనుసరిస్తూ జూనియర్ ఎన్టీఆర్ కూడా కుమారి స్వామి పాత్రలో ఒక సినిమా చేయనున్నారు , త్రివిక్రమ్ శ్రీనివాస్ ఈ చిత్రానికి దర్శకత్వం వహించబోతున్నారు.
ప్రస్తుతానికి ‘గాడ్ ఆఫ్ వార్’ అనే టైటిల్ తో పిలవబడుతున్న ఈ చిత్రం షూటింగ్ , డ్రాగన్ పూర్తి అయిన వెంటనే మొదలు కానుంది. మన టాలీవుడ్ లో ఆరు మంది స్టార్ హీరోలు ఉండగా, అందులో ఇప్పటికే ముగ్గురు దేవుడి పాత్రల్లో నటించడానికి సిద్ధమయ్యారు. ఇక మిగిలింది పవన్ కళ్యాణ్, అల్లు అర్జున్, రామ్ చరణ్ మాత్రమే. పవన్ కళ్యాణ్ గోపాల గోపాల, బ్రో చిత్రాల్లో దేవుడి పాత్రల్లో నటించినప్పటికీ, అది పూర్తి స్థాయి భారీ స్కేల్ సినిమాలు కావు. ఇక అల్లు అర్జున్ చేతుల్లోకి ‘గాడ్ ఆఫ్ వార్ ‘ చిత్రం వచ్చినట్టే వచ్చి వెనక్కి వెళ్ళిపోయింది. ఇక రామ్ చరణ్ ని అభిమానులు అర్జునుడు , హనుమంతుడు, శ్రీ రాముడు పాత్రల్లో చూడాలని ఎంతో కోరికతో ఉన్నారు. భవిష్యత్తులో వీళ్ళు కూడా దేవుడి పాత్రల్లో కనిపిస్తారో లేదో చూడాలి.
