Jr NTR: మన టాలీవుడ్ సినీ ఇండస్ట్రీ ఎదుగుదల , మన హీరోల అద్భుతమైన టాలెంట్ ని చూసి , బాలీవుడ్ వాళ్లకు మాత్రమే కాదు , కోలీవుడ్ వాళ్లకు కూడా ఒక రేంజ్ అసూయ ఉంది. సందర్భం వచ్చినప్పుడల్లా వాళ్ళ నరనరాల్లో దాగున్న ద్వేషాన్ని బయటపెడుతూ ఉంటారు తమిళ నెటిజెన్లు. అలాంటి సందర్భమే ఇప్పుడు ఒకటి వచ్చింది. నిన్న జూనియర్ ఎన్టీఆర్ , త్రివిక్రమ్ శ్రీనివాస్ కాంబినేషన్ లో ‘గాడ్ ఆఫ్ వార్’ అని చిత్రాన్ని ప్రకటించారు. ఇది సుబ్రమణ్య స్వామి జీవిత చరిత్ర ఆధారంగా తెరకెక్కిస్తున్నారు అనే సంగతి అందరికీ తెలిసిందే. తమిళియన్స్ అందరూ సుబ్రమణ్య స్వామిని ‘మురుగన్ ‘ అనే పేరుతో పిలుస్తారు. దాదాపుగా ప్రతీ ఒక్కరు ఆయన భక్తులే , విపరీతంగా ఆరాధిస్తుంటారు. తమిళియన్స్ అత్యధిక శాతం అడ్డబొట్టు ఎందుకు పెడుతారో చాలా మందికి అర్థం అవ్వదు.
అది మురుగన్ స్వామి మీద భక్తితోనే ఆ అడ్డబొట్టు పెడుతుంటారు. అలాంటి స్వామి పాత్రలో తమ తమిళ సూపర్ స్టార్స్ మాత్రమే కనిపించాలని వాళ్ళ కోరిక. కానీ ఆ పాత్రలో ఇప్పుడు జూనియర్ ఎన్టీఆర్ ని వాళ్ళు అసలు తీసుకోలేకపోతున్నారు. ‘మురుగన్’ పాత్రకు న్యాయం చేయగల సత్తా కేవలం సూపర్ స్టార్ రజినీకాంత్, తల అజిత్ లకు మాత్రమే ఉందని , జూనియర్ ఎన్టీఆర్ ఆ పాత్రకు న్యాయం చేయలేరని, ఆయన ఆహార్యం , లుక్స్ ఈ పాత్రకు అసలు సరిపోవని, ఆయనకు పాన్ ఇండియా లెవెల్ లో ఆ రేంజ్ మార్కెట్ కూడా లేదని , ఇలా రకరకాల మాటలతో ఎన్టీఆర్ ని తక్కువ చేస్తూ , ఆయన అభిమానులను రెచ్చగొట్టే ప్రయత్నం నిన్నటి నుండి చేస్తూనే ఉన్నారు. ఎన్టీఆర్ అభిమానులు కూడా తమిళ నెటిజెన్స్ చాలా దీటుగానే సమాధానం ఇస్తున్నారు. సంస్కృత భాషలో ఎన్టీఆర్ కి ఉన్నటువంటి పట్టు , దేశంలో ఏ హీరో కి లేదని , ఆయన కాకపోతే , ఈ పాత్రకు ఎవ్వరూ న్యాయం చెయ్యలేరని ఎన్టీఆర్ అభిమానులు చాలా గట్టిగా వాదిస్తున్నారు.
అది ముమ్మాటికీ నిజమే. పౌరాణిక పాత్రల్లో ఎన్టీఆర్ ఆహార్యం ఎలా ఉన్నా, సంస్కృత డైలాగ్స్ , నటన ని మ్యాచ్ చేసే హీరో ఇండియా లోనే ఎవ్వరూ లేరు. కుమార స్వామి పాత్రకు ఎన్టీఆర్ తప్ప, ఎవ్వరూ న్యాయం చెయ్యలేరు, కాబట్టి అనవసరం గా మీకు ఇష్టమొచ్చినట్టు ఊహించుకొని గొడవలు పెట్టుకోకండి అంటూ నెటిజెన్స్ సైతం ఎన్టీఆర్ ఫ్యాన్స్ కి మద్దతుగా నిలిచారు. చూడాలి మరి ఈ గొడవ సోషల్ మీడియా లో ఇంకా ఎన్ని రోజులు నడుస్తుంది అనేది.
