Poonam Pandey: ఎవరిని అయినా అభిమానిస్తే.. వారికి సంబంధించిన ఏ నెగటివ్ వార్తను కూడా జీర్ణించుకులేరు. అలా జీర్ణించుకోవడం చాలా కష్టమనే చెప్పాలి. ఇక సినిమా ఇండస్ట్రీలో అభిమాన నటీనటులకు ఏదైనా జరిగితే అభిమానులు తల్లడిల్లిపోతుంటారు. అయితే మోడల్ పూనమ్ పాండే చనిపోయిన విషయం తెలిసిందే. అయితే ఈమె చనిపోవడానికి ఆమె బాడీగార్డ్ జీర్ణించుకోలేకపోతున్నారు. ఇందుకు సంబంధించిన కొన్ని వ్యాఖ్యలు చేస్తూ సోషల్ మీడియాలో షేర్ చేయగా ఆయన మాటలు అందరినీ ఆలోచించేలా చేస్తున్నాయి. ఇంతకీ ఆయన ఏమన్నారో తెలుసా?
నటి, మోడల్ పూనమ్ పాండే మృతి నిన్న చనిపోయిన విషయం తెలిసిందే. గర్భాశయ క్యాన్సర్ తో బాధపడుతూ సడన్ గా చనిపోయింది. ఈ విషయాన్ని ఆమె మేనేజర్ సోషల్ మీడియాలో షేర్ చేయగా ఆమె అభిమానులు కంటతడి పెట్టారు. అంతేకాదు ఇండస్ట్రీలో విషాదఛాయలు అలుముకున్నాయి. శృంగార తారగా పూనమ్ ఎంత గుర్తింపు తెచ్చుకుందో ప్రత్యేకంగా చెప్పాల్సిన పనిలేదు. అతిచిన్న వయసులోనే ఆమె చనిపోవడం అభిమానులు జీర్ణించుకోలేకపోతున్నారు. ఇక పూనమ్ మృతి వార్త విన్న ఆమె బార్డీ గాడ్ ఆమె లేదు అనే విషయాన్ని నమ్మలేకపోతున్నాను అన్నారు.
పూనమ్ కుటుంబ సభ్యులు అధికారికంగా ఆమె చనిపోయినట్టు ఎందుకు చెప్పడం లేదని ప్రశ్నిస్తున్నారు. పూనమ్ దగ్గర 11 సంవత్సరాలు బాడీగార్డ్ గా పని చేస్తున్న అమిన్ ఖాన్ మాట్లాడుతూ.. పూనమ్ చనిపోలేదు. ఆమె చనిపోయింది అంటే నేను నమ్మను. ఆమెతో నేను ఎన్నో సంవత్సరాలు కలిసి పనిచేశాను. పూనమ్ ఎలా ఉంటుంది అనేది నాకు బాగా తెలుసు అని ఆవేదన చెందారు. అంతేకాదు జనవరి 31న మేము కలిశాం. ఒక మాల్ లో ఫోటోషూట్ కోసం వెళ్ళినప్పుడు నేను అక్కడే ఉన్నాను. పూనమ్ ఎప్పుడు ఆరోగ్యంగా ఉంటుంది. ఫిట్ గా ఉంటుంది. నవ్వుతూ ఉంటుంది. ఆమెకు అసలు అనారోగ్యం ఉందన్న విషయం కూడా నేనెప్పుడూ వినలేదు.
ఉదయం నేను కూడా సోషల్ మీడియాలో చూసి తెలుసుకున్నాను. వెంటనే పూనమ్ సోదరి ఇంటికి వెళ్లి నిజమేంటో తెలుసుకుందామని ప్రశ్నించాను అని.. కానీ ఆమె నా ఫోన్స్ ఆన్సర్ చేయడం లేదని.. అసలు నిజం ఏంటో తెలియాల్సి ఉందన్నారు. తన సోదరి రిప్లై కోసం ఎదురుచూస్తున్నాను అని.. కొన్ని రోజుల క్రితం పూనమ్ ఇంటికి వెళ్ళినప్పుడు అక్కడ అంతా నార్మల్ గానే కనిపించింది అన్నారు. ఆమె ఆల్కహాల్ తీసుకోవడం కూడా మానేసిందని.. అసలు నిజాలు తెలియాలంటే పూనమ్ సోదరి చెప్పాల్సిందే అని ఆవేదన చెందారు. మరి ఈమె ఎప్పుడు ముందుకు వచ్చి ఈ విషయాలను వెల్లడిస్తుందో చూడాలి.
