Peddi OTT Release: గ్లోబల్ స్టార్ రామ్ చరణ్ నటించిన ‘పెద్ది ‘ చిత్రం రీసెంట్ గానే భారీ అంచనాల నడుమ విడుదలై బాక్స్ ఆఫీస్ వద్ద ఏ రేంజ్ సెన్సేషన్ సృష్టించిందో అందరికీ తెలిసిందే. ప్రపంచవ్యాప్తంగా ఈ చిత్రానికి 350 కోట్ల రూపాయలకు పైగా గ్రాస్ వసూళ్లు వచాయి. కొత్త సినిమాలు విడుదల అయ్యినప్పటికీ కూడా ఈ సినిమా థియేట్రికల్ రన్ ఇంకా ఆగలేదు. ఇప్పటికీ డీసెంట్ గానే రన్ అవుతూ వస్తోంది. వీకెండ్ అయితే కొన్ని ప్రాంతాల్లో హౌస్ ఫుల్స్ ని కూడా నమోదు చేసుకుంటుంది ఈ చిత్రం. తెలుగు రాష్ట్రాల్లో ఒక్క ‘పుష్ప 2’, #RRR సినిమాల మినహా , మిగిలిన సినిమాల రికార్డ్స్ అన్నిటిని బద్దలు కొట్టి రామ్ చరణ్ సత్తా అంతో మరోసారి అందరికీ అర్థం అయ్యేలా చేసింది. అలాంటి చిత్రం ఇప్పుడు గ్రాండ్ గా ఓటీటీ లోకి ఎంట్రీ ఇవ్వబోతుంది.
విడుదలకు ముందు ఈ సినిమాకు సంబంధించినం డిజిటల్ రైట్స్ ని నెట్ ఫ్లిక్స్ సంస్థ సుమారుగా 160 కోట్ల రూపాయలకు కొనుగోలు చేసిన సంగతి అందరికీ తెలిసిందే. సాధారణంగా వాళ్ళ అగ్రీమెంట్స్ థియేటర్స్ లో విడుదలైన నాలుగు వారాల తర్వాత , ఓటీటీ లో స్ట్రీమింగ్ చేసుకునేందుకు అనుమతి ఇవ్వాలి అనే విధంగా ఉంటాయి. కానీ ‘పెద్ది’ చిత్రానికి అలాంటి ఆంక్షలు పెట్టలేదు. 6 వారాల తర్వాత ఓటీటీ లో విడుదల చేసుకునేలా అగ్రిమెంట్ చేసుకున్నారు, అంటే జులై 16 న ఈ చిత్రం ఓటీటీ లోకి రావాలి. కానీ థియేట్రికల్ రన్ ఈ వీకెండ్ తో ముగిసే సూచనలు కనిపించడం తో 5 వారాలకు, అనగా జులై 9 న ఈ చిత్రాన్ని స్ట్రీమింగ్ చేయబోతున్నారు. తెలుగు , తమిళం , కన్నడ మరియు మలయాళం భాషల్లో ఈ చిత్రం స్ట్రీమింగ్ కానుంది.
హిందీ వెర్షన్ మాత్రం జులై 16 న విడుదల అవుతుందట. ఎందుకంటే హిందీ వెర్షన్ థియేట్రికల్ రిలీజ్ సినిమాలకు ఓటీటీ విండో కనీసం 6 వారాలు ఉండాలి , లేదంటే నేషనల్ మల్టీ ప్లెక్స్ థియేటర్స్ లో విడుదల ఉండదు. ఓవరాల్ గా థియేటర్స్ లో మంచి రెస్పాన్స్ ని సొంతం చేసుకున్న ఈ చిత్రానికి ఓటీటీ ఆడియన్స్ నుండి ఎలాంటి రెస్పాన్స్ వస్తుందో చూడాలి. ఇకపోతే ఈ చిత్రం తర్వాత రామ్ చరణ్ సుకుమార్ తో ఒక సినిమా చేయబోతున్న సంగతి తెలిసిందే. దసరా నుండి ఈ చిత్రం సెట్స్ మీదకు వెళ్లనుంది. రంగస్థలం తో రూరల్ బ్యాక్ డ్రాప్ తో మన ముందుకు వచ్చిన ఈ కాంబినేషన్ , ఇప్పుడు స్టైలిష్ యాక్షన్ డ్రామా తో మన ముందుకు రాబోతుంది.
