Jabardasth Naresh: ‘జబర్దస్త్’ కామెడీ షో ద్వారా మంచి క్రేజ్ ని సంపాదించుకున్న కమెడియన్స్ లో ఒకరు నరేష్. చూసేందుకు చాలా చిన్నపిల్లవాడు లాగా కనిపిస్తాడు కానీ , ఇతని వయస్సు పాతికేళ్ల పైనే ఉంటాయి. తన అద్భుతమైన కామెడీ టైమింగ్ తో , జబర్దస్త్ లో అత్యధిక రెమ్యూనరేషన్ ని అందుకునే కమెడియన్స్ లో ఒకరిగా నరేష్ కి మంచి పేరుంది. హైపర్ ఆది , బులెట్ భాస్కర్ , సుడిగాలి సుధీర్ , గెటప్ శ్రీను ఇలా ఎంతో మంది స్టార్ కమెడియన్స్ తో కలిసి బ్లాక్ బస్టర్ స్కిట్స్ చేశారు. అయితే రీసెంట్ గా బులెట్ భాస్కర్ నరేష్ పై చేసిన కొన్ని కామెంట్స్ ఇప్పుడు సోషల్ మీడియా లో హాట్ టాపిక్ గా మారింది. ఇది నిజమేనేమో అని చాలా మంది అనుకున్నారు , ప్రత్యేక కథనాలు కూడా మీడియా లో ప్రసారం చేశారు.
అయితే రీసెంట్ గానే ఒక ఇంటర్వ్యూ లో పాల్గొన్న నరేష్ ఈ విషయం పై క్లారిటీ ఇచ్చాడు. ఇంతకీ అసలు ఏమైందంటే ఒకసారి బుల్లితెర భాస్కర్ నరేష్ పై పంచులు వేస్తూ ‘నరేష్ ని పిలిస్తే డబ్బులు ఇవ్వాల్సిందే. డబ్బులు ఇవ్వకపోతే ఎక్కడికి రాడు . చివరికి ఇంట్లో ఎవరైనా చనిపోతే బైక్ లో పెట్రోల్ కొట్టేస్తేనే వస్తానని అంటాడు, అలాంటి రకం’ అంటూ చెప్పుకొస్తాడు. ఈ పంచ్ బాగా వైరల్ అవ్వడం తో , యాంకర్ ఈ విషయాన్ని ఇంటర్వ్యూ లో ప్రస్తావించగా, నరేష్ అందుకు సమాధానం చెప్తూ ‘ఈ వ్యాఖ్యల్లో ఎలాంటి నిజం లేదు. భాస్కర్ ఎదో సరదాగా అన్నారు. అయినప్పటికీ కొందరు ఈ వ్యకాయలను ఆధారంగా చేసుకొని నా పై వీడియోలు చేసి నన్ను డబ్బు మనిషి లాగా జనాల ముందు పెట్టారు’ అంటూ జబర్దస్త్ నరేష్ ఆవేదన వ్యక్తం చేసాడు.
బులెట్ భాస్కర్ తనకు గురువు లాంటి వాడని , ఆయన నా గురించి ఎన్ని మాటలు చెప్పినా, నేను ఆయన్ని ఏమి అన్నానని నరేష్ ఈ సందర్భంగా చెప్పుకొచ్చారు. భాస్కర్ చాలా సరదా మనిషి అని , ఆయన మాటలను సీరియస్ గా తీసుకోవాల్సిన అవసరం లేదని చెప్పుకొచ్చాడు నరేష్. అయితే తానూ ఎన్నడూ కూడా హైపర్ ఆది , భాస్కర్ లపై బహిరంగంగా సరదాకి కూడా ఇలాంటి మాటలు మాట్లాడానని , కానీ వాళ్ళు మాత్రం ఎల్లప్పుడూ తన పై ఇలాంటి నెగెటివ్ జోక్స్ వేస్తూనే ఉంటారని , తల్చుకుంటే నేను కూడా వాళ్ళ లాగా చెప్పొచ్చని , వాళ్ళ రహస్యాలు నాకు ఎక్కువ తెలుసు , నన్ను రెచ్చగొడితే అవి బయట పెడుతా అంటూ సరదాగా నవ్వుతూ కౌంటర్ ఇచ్చాడు నరేష్.
