Pawan Kalyan : పవన్ కళ్యాణ్(Deputy CM Pawan Kalyan) అభిమానుల నిరీక్షణకు ఎట్టకేలకు నేటి తో తెరపడనుంది. ఆయన హీరో గా నటించిన ‘భీమ్లా నాయక్’ చిత్రం విడుదలై మూడేళ్లు కావొస్తుంది. ఈ చిత్రం తర్వాత ‘బ్రో’ సినిమా చేసాడు కానీ, అందులో ఆయన కేవలం ప్రధాన పాత్ర మాత్రమే చేసాడు. హీరో గా సినిమా వచ్చి మూడేళ్లు దాటింది. బహుశా ఎన్నికలలో ఓడిపోయి ఉండుంటే ‘హరి హర వీరమల్లు’ చిత్రం గత ఏడాదే విడుదల అయ్యి ఉండేదేమో. కానీ ఆయన ఎన్నికల్లో గెలిచి ఉప ముఖ్యమంత్రి అయ్యాక క్షణం తీరిక లేకుండా గడిపాడు. కేవలం నాలుగు రోజుల డేట్స్ ఇస్తే పూర్తి అయ్యే ‘హరి హర వీరమల్లు'(Hari Hara Veeramallu) సినిమాని హోల్డ్ లో పెట్టి అటు నిర్మాతకు, ఇటు అభిమానులకు నరకం అంటే ఏంటో చూపించాడు. ఆ నరకానికి తెర నేడు పడనుంది. నిన్నటి నుండి ఈ సినిమా చివరి షెడ్యూల్ మొదలైంది.
Also Read : అభిమానికి సెల్ఫీ ఇవ్వడానికి నిరాకరించిన అల్లు అర్జున్..వీడియో వైరల్!
నేటి నుండి పవన్ కళ్యాణ్ ఈ షెడ్యూల్ లో పాల్గొనబోతున్నారు. మే 8వ తారీఖు వరకు జరగనున్న ఈ షెడ్యూల్ తో ‘హరి హర వీరమల్లు’ చిత్రం పూర్తి కానుంది. ఇక వచ్చే వారం నుండి నాన్ స్టాప్ గా ప్రొమోషన్స్ చేయబోతున్నారు మేకర్స్. ఇప్పటికే ఈ చిత్రం నుండి రెండు పాటలు విడుదల చేసారు. మొదటి పాటకు యావరేజ్ రేంజ్ రెస్పాన్స్ వచ్చినప్పటికీ, రెండవ పాటకు పర్వాలేదు అనే రేంజ్ రెస్పాన్స్ వచ్చింది. త్వరలోనే మూడవ పాట ని విడుదల చేయబోతున్నారట. ఇది మాస్ సాంగ్ అని తెలుస్తుంది. ఆ తర్వాత పవన్ కళ్యాణ్, నిధి అగర్వాల్ మధ్య వచ్చే ఒక మాంటేజ్ సాంగ్ ని విడుదల చేయనున్నారు. ఇక ఆ తర్వాత ఈ చిత్రానికి సంబంధించిన మేకింగ్ వీడియో ని విడుదల చేస్తారట. సినిమా మీద హైప్ ని ఆకాశానికి తీసుకెళ్లే విధంగా ఈ మేకింగ్ వీడియో ఉంటుందట.
అదే విధంగా థియేట్రికల్ ట్రైలర్ ని కట్ చేసి చాలా రోజులే అయ్యిందట. ఈ ట్రైలర్ ని కూడా ఇదే నెలలో విడుదల చేయబోతున్నారు. ‘మనది కల్కి కంటే గొప్ప సినిమా..చావా కూడా పనికి రాదు..ట్రైలర్ ని చూస్తే మీరే అర్థం చేసుకుంటారు ఈ సినిమా రేంజ్ ఏమిటి అనేది’ అంటూ నిర్మాత AM రత్నం తనకు ఫోన్ చేసే బయ్యర్స్ తో చెప్తూ ఉన్నాడట. థియేట్రికల్ ట్రైలర్ ని విడుదల చేసిన తర్వాత చివర్లో ఒక సాంగ్ ని విడుదల చేస్తారట. ఆ తర్వాత ప్రీ రిలీజ్ ఈవెంట్ ని ఏర్పాటు చేసేలా ప్లాన్ చేసుకున్నారు. ఈ చిత్రాన్ని ఈ నెల 30న కానీ, లేదా జూన్ 12 న కానీ విడుదల చేసే అవకాశాలు ఉన్నాయి. త్వరలోనే దీనిపై ఒక క్లారిటీ రాబోతుంది. ఈసారి విడుదల తేదీని ప్రకటిస్తే మార్చే పరిస్థితి ఉండదు, ఎందుకంటే పవన్ కళ్యాణ్ షూటింగ్ పూర్తి చేస్తున్నాడు కాబట్టి.
