Sujeeth And Nani: సుజీత్ దర్శకత్వంలో పవన్ కళ్యాణ్ హీరోగా వచ్చిన ఓజీ సినిమా గత సంవత్సరం రిలీజ్ అయి సూపర్ హిట్ అయింది. పవన్ కళ్యాణ్ లాంటి నటుడు నుంచి వచ్చే ప్రతి సినిమాలో ఏదో ఒక వైవిధ్యమైన కథాంశమైతే ఉంటుంది. సుజిత్ లాంటి యంగ్ డైరెక్టర్ సైతం ఈ మధ్యకాలంలో చేస్తున్న సినిమాలతో ప్రేక్షకులను మెప్పిస్తున్నాడు. ఇప్పుడు ఆయన ‘ఓజీ 2’ సినిమాని కూడా పట్టాలెక్కించబోతున్నాడనే వార్తలైతే వినిపిస్తున్నాయి. తర్వాత ‘బ్లడీ రొమియో’ అంటూ నానితో ఒక ప్రాజెక్ట్ చేయబోతున్నట్టుగా అనౌన్స్ చేశాడు. ఈ సినిమా ఓపెనింగ్ కార్యక్రమాలను కూడా జరుపుకుంది. ఇక రెగ్యులర్ షూటింగ్ కి వెళ్తుంది అనుకున్న సందర్భంలోనే ఈ సినిమాని తాత్కాలికంగా నిలిపివేస్తున్నట్టుగా సమాచారమైతే అందింది.
ఇక ఇప్పుడు మళ్లీ ఓజీ 2 వెలుగులోకి రావడంతో నాని సుజిత్ తో బ్లడీ రొమిఒ సినిమా ఎప్పుడు చేద్దాం అని అడిగారట. దానికి సుజీత్ సరైన సమాధానం చెప్పలేకపోయాడట. కారణం ఏంటంటే ఒకవేళ పవన్ కళ్యాణ్ ఇప్పుడు డేట్స్ ఇస్తే ‘ఓజీ 2’ సినిమాని చేయడానికి సిద్ధంగా ఉన్నాడు. అలాంటప్పుడు ‘బ్లడీ రోమియో’ సినిమాని ఎందుకు స్టార్ట్ చేసినట్టు అంటూ నాని సైతం సుజిత్ తో మాట్లాడినట్టుగా తెలుస్తుంది.
దానికి సుజిత్ దగ్గర సమాధానం లేక మనం పక్క సినిమా చేద్దాం అన్న అని నానితో చెప్పారట. అయినప్పటికి నాని సంతృప్తిగా లేడని తెలుస్తుంది. ఎందుకంటే ప్రస్తుతం నాని ప్యారడైజ్ మూవీతో పాన్ ఇండియా లెవెల్లో తన సత్తా చూపించుకోవాలని చూస్తున్నాడు. దానికి తగ్గట్టుగానే సుజీత్ తో బ్లడీ రొమియో అనే సినిమా చేస్తే సుజీత్ పాన్ ఇండియా డైరెక్టర్ కాబట్టి ఆ ఇమేజ్ తన సినిమాకి బాగా హెల్ప్ అవుతుందనే ఉద్దేశ్యంతోనే నాని ఆ సినిమాకు కమిట్ అయ్యాడు.
కానీ ప్రస్తుతం సుజీత్ తనకి హ్యాండ్ ఇవ్వడంతో నాని ఏం చేయాలో తెలియని పరిస్థితిలో ఉన్నట్టుగా తెలుస్తుంది. మరి నాని తన తదుపరి సినిమాని ఎవరితో చేయబోతున్నాడు. సుజీత్ తో ఇప్పుడప్పుడే ‘బ్లడీ రోమియో’ సినిమా ఉండే అవకాశాలు లేవా అనే ప్రశ్నలకు సమాధానం దొరకాలంటే మరి కొద్ది రోజులు వెయిట్ చేయాల్సిందే…
