Naga Chaitanya: అక్కినేని నాగచైతన్య , శోభిత జంట పెళ్లి చేసుకొని అప్పుడే రెండేళ్లు కావొస్తుంది. నిన్న గాక మొన్ననే వీళ్ళు పెళ్లి చేసుకున్నట్టు అనిపిస్తోంది కదూ , కాలం ఎంత వేగంగా పరుగులు తీస్తుందో మీరే చూడండి. శోభిత ని పెళ్లాడిన తర్వాత కేవలం నాగ చైతన్య కి మాత్రమే కాదు , అక్కినేని ఫ్యామిలీ కి మహర్దశ పట్టింది అనే చెప్పొచ్చు. వీళ్లిద్దరి పెళ్ళైన కొన్ని రోజులకే , నాగ చైతన్య నుండి విడుదలైన ‘తండేల్’ చిత్రం ఎంత పెద్ద కమర్షియల్ సక్సెస్ అయ్యిందో అందరికీ తెలిసిందే. అక్కినేని కుటుంబానికి మొట్టమొదటి 100 కోట్ల గ్రాస్ సినిమా ఇది. ఇక ఆ తర్వాత అక్కినేని అఖిల్ కూడా రీసెంట్ గానే ‘లెనిన్ ‘ తో భారీ విజయాన్ని అందుకొని చరిత్ర సృష్టించాడు. ఇలా అక్కినేని ఫ్యామిలీ ప్రస్తుతం అచ్చమైన స్థితిలో ఉంది.
ఇక శోభిత విషయానికి వస్తే పెళ్లి తర్వాత ఈమె సినిమాలు ఆపేస్తుందేమో అని అంతా అనుకున్నారు. కానీ అలాంటిదేమి జరగలేదు , వరుసగా మూవీ , వెబ్ సిరీస్ షూటింగ్స్ లో పాల్గొంటూ ఫుల్ బిజీ గా కాలాన్ని గడుపుతోంది. ఇలా వీళ్లిద్దరు ఎవరి పనుల్లో వాళ్ళు బిజీ గా ఉన్నారు , ఖాళీ సమయం దొరికినప్పుడు వెకేషన్ టూర్స్ కి వెళ్తుంటారు. అలా చాలా సరదాగా, సుఖవంతంగా వీళ్ళ దాంపత్య జీవితం సాగుతోంది. అయితే రీసెంట్ గా నాగ చైతన్య పెట్టిన ఒక ఇన్ స్టాగ్రామ్ పోస్ట్ ఇప్పుడు సోషల్ మీడియా లో బాగా వైరల్ అయ్యింది. ఆయన మాట్లాడుతూ ‘పెళ్లి అయినా రెండేళ్ల తర్వాత నా భార్య నా కోసం వంట వండింది. బహుశా ఈరోజు నేను ఎదో గొప్ప పని చేశానని ఆమెకి అనిపించొచ్చు’ అని నాగ చైతన్య శోభిత చేతుల్లో ఉన్నటువంటి బౌల్స్ ని చూపిస్తూ పోస్ట్ పెట్టారు.
ఇది సోషల్ మీడియా లో ఇప్పుడు బాగా వైరల్ అయ్యింది. ఈ పోస్ట్ కింద పాజిటివ్ కామెంట్స్ పెట్టిన నెటిజెన్స్ ఉన్నారు , అదే విధంగా నెగెటివ్ కామెంట్స్ పెట్టిన నెటిజెన్స్ కూడా ఉన్నారు. ‘తెలుగు అమ్మాయివి అయ్యుండి , పెళ్లి అయినా రెండేళ్ల వరకు వంట గది వైపు పోలేదా? మీ పని బాగుందే’ అంటూ కొంతమంది కామెంట్స్ చేస్తుండగా , మరికొంతమంది మాత్రం ‘స్వీట్ కపుల్.. చాలా ప్రశాంతవంతమైన జీవితాన్ని గడుపుతున్నారు , ఇలాంటి అదృష్టం ఎంతమందికి వస్తుంది చెప్పండి’ అని అంటున్నారు. ఆ పోస్ట్ ని మీకోసం క్రింద అందిస్తున్నాము చూడండి. ఇకపోతే నాగ చైతన్య ప్రస్తుతం ‘వృష కర్మ’ అనే సినిమా చేస్తున్న సంగతి తెలిసిందే. శరవేగంగా షూటింగ్ కార్యక్రమాలు జరుపుకుంటున్న ఈ మిస్టిక్ థ్రిల్లర్ ఈ ఏడాది లోనే ప్రేక్షకుల ముందుకు రాబోతుంది.
View this post on Instagram
