Sonu Sood: రియల్ హీరో నటుడు సోనూసూద్కు బృహన్ ముంబై మున్సిపల్ కార్పొరేషన్ మరోసారి షాకిచ్చింది. ఆరు అంతస్తుల నిర్మాణాన్ని హోటల్గా మార్చారని సోనూసూద్కు కార్పొరేషన్ వారు నోటీసులు జారీ చేశారు. ఆరు అంతస్తుల బిల్డింగ్ నిర్మాణం కాగా దానిని హోటల్గా మార్చారని… తిరిగి ఆ భవనాన్ని ఇంటిగా పునరుద్దరించాలని గుర్తు చేస్తూ నవంబర్ 15న నోటిసులు జారీ చేసింది బీఎంసీ. ఈ మేరకు మహారాష్ట్రకు చెందిన హక్కుల కార్యకర్త గణేశ్ కుస్ములు సోనూసూద్ పై బీఎంసీకి కంప్లైంట్ చేశారు.
రెసిడెన్షియల్ భవనాన్ని మొదట బాలికల వసతి గృహంగా, ఆ తర్వాత హోటల్గా మార్చారని తన ఫిర్యాదులో పేర్కోన్నాడు. అందువల్ల ఈ భవంతిని కూల్చేయాలని ఆయన కోరారు. దీంతో ఈ ఏడాది ప్రారంభంలోనే బీఎంసీకి సోనూసూద్ కు మధ్య సంప్రదింపులు జరిగాయి. ఇక ఇదే విషయంపై సోనూసూద్ సుప్రీం కోర్టు వరకు వెళ్లారు. ఆ తర్వాత విచారణ అనంతరం తన పిటిషన్ను వెనక్కు తీసుకుని ఆ హోటల్ను తిరిగి నివాస భవనంగా మార్చేందుకు అంగీకరించారు. ఇక తాజాగా బీఎంసీ పంపిన నోటీసులో ” భవనంలోని 1 నుంచి 6వ అంతస్థులలో మీరు వసతి… బోర్డింగ్ కార్యకలాపాలను నిలిపివేసినట్లుగా లేఖలో పేర్కోన్నారు.
మంజూరైన ప్లాన్ ప్రకారం ఆ భవనం కేవలం నివాస అవసరాలకు మాత్రమే ఉపయోగించబడుతుందని పేర్కోన్నారు. అదనంగా/మార్పు/పురోగతిలో అవసరమైన పని మార్పు ఉంది. కానీ అక్టోబర్ 20న భవనాన్ని చెక్ చేయగా.. ఆమోదించబడిన ప్లాన్ ప్రకారం మీరు ఇంకా ఆ భవనాన్ని పునరుద్ధరించలేదు. మీరు భవనాన్ని నివాసం కోసం పునరుద్దరిస్తామని జూలైలోనే మాకు హామీ ఇచ్చారు ” అంటూ గుర్తు చేసింది బీఎంసీ. ఇక ఆ భవనం పునరుద్ధరణ కోసం సోనూసూద్ కు ఏడు రోజుల సమయం ఇచ్చింది బీఎంసీ.
