Tamannaah Bhatia: తమన్నా జోరు మామూలుగా లేదు. అటు వెబ్ సిరీస్లు ఇటు సినిమాల్లో నటిస్తూ బిజీగా ఉంది. రోజుల వ్యవధిలో రెండు బోల్డ్ వెబ్ సిరీస్లలో తమన్నా నటించింది. లస్ట్ స్టోరీస్ 2 లో తమన్నా నటించిన విషయం తెలిసిందే. అడల్ట్ కంటెంట్ డోస్ అధికంగా ఉండే లస్ట్ స్టోరీస్ సిరీస్ 1 గ్రాండ్ సక్సెస్ . సీజన్ 2 లో తమన్నా, మృణాల్ ఠాకూర్, కాజోల్ నటించారు. లస్ట్ స్టోరీస్ లో నటుడు విజయ్ వర్మతో తమన్నా శృంగార సన్నివేశాల్లో నటించినట్లు సమాచారం. లస్ట్ స్టోరీస్ 2 నెట్ఫ్లిక్స్ లో స్ట్రీమ్ అవుతుంది.
అలాగే ప్రైమ్ లో ఓ సిరీస్ చేశారు. జీ కర్దా సీజన్ 2 లో నటించింది. ఇందులో ఏకంగా టాప్ లేకుండా బెడ్ రూమ్ సన్నివేశాల్లో నటించింది. స్టార్ డమ్ చేజారాక తమన్నా అడల్ట్ కంటెంట్ ట్లో నటించడం విశేషంగా మారింది. రెండు దశాబ్దాల కెరీర్లో తమన్నా సిల్వర్ స్క్రీన్ పై రెచ్చిపోయి నటించింది లేదు. లిప్ లాక్స్, బెడ్ రూమ్ సన్నివేశాలకు దూరంగా ఉంది. ఇప్పుడేమో మొహమాటం లేకుండా నటిస్తుంది. లస్ట్ స్టోరీస్ 2, జీ కర్దా సిరీస్లకు తమన్నా ప్రత్యేక ఆకర్షణగా నిలిచారు.
సౌత్ లో కూడా ఆమె దూసుకుపోతుంది. ఆమె క్రేజ్ ఇంకా తగ్గలేదు. చిరంజీవికి జంటగా భోళా శంకర్ చిత్రం చేస్తుంది. బోళా శంకర్ విడుదలకు సిద్ధం అవుతుంది. ఇండిపెండెన్స్ డే కానుకగా ఆగష్టు 11న విడుదల కానుంది. ఈ మేరకు అధికారిక ప్రకటన చేశారు. భోళా శంకర్ మూవీలో కీర్తి సురేష్ కీలక రోల్ చేస్తున్నారు. ఆమె చిరంజీవి చెల్లి పాత్రలో కనిపించనున్నారు. అలాగే రజనీకాంత్ కి జంటగా జైలర్ చిత్రం చేస్తున్నారు. ఇది కూడా ఆగస్టు నెలలో విడుదల కానుంది.
కాగా ఎట్టకేలకు ఎఫైర్ పై నోరు విప్పింది. నటుడు విజయ్ వర్మతో రిలేషన్ లో ఉన్నానని ఒప్పుకుంది. లస్ట్ స్టోరీస్ 2 చిత్రీకరణలో విజయ్ వర్మకు దగ్గరయ్యానని ఇటీవల తమన్నా ఓపెన్ అయ్యింది. విజయ్ వర్మ నాకు రక్షణగా నిలబడతాడు, నన్ను ఇబ్బంది పెట్టేవాళ్ల నుండి కాపాడతాడు. అతడు చాలా కేరింగ్ పర్సన్, అందుకే నేను ప్రేమించాను, దగ్గరయ్యానని చెప్పుకొచ్చింది. దీంతో పెళ్లి ఎప్పుడని అడుగుతున్నారు.
