Meher Ramesh Family Tragedy: రీసెంట్ గానే ప్రముఖ దర్శకుడు మెహర్ రమేష్ తన కూతురు వివాహాన్ని ఎంత గ్రాండ్ గా జరిపించారో ప్రత్యేకించి చెప్పనవసరం లేదు. మెహర్ రమేష్ చిరంజీవి కుటుంబానికి బంధువు కాబట్టి , మెగా ఫ్యామిలీ మొత్తం ఈ వివాహ వేడుకకు హాజరు అయ్యారు. అంతే కాకుండా వైసీపీ పార్టీ నుండి కూడా కొంతమంది ముఖ్య నేతలు ఈ పెళ్లి హాజరయ్యారు. అంగరంగంగా వైభవం గా జరిగిన ఈ వివాహ మహోత్సవానికి సంబంధించిన ఫోటోలు , వీడియోలు సోషల్ మీడియా లో బాగా వైరల్ అయ్యాయి , ఇప్పటికీ అవి ట్రెండ్ అవుతూనే ఉన్నాయి. ఇలా శుభ కార్యక్రమం జరిగిన కొద్దిరోజులకే మెహర్ కుటుంబం లో తీవ్రమైన విషాదం నెలకొంది. గత కొంతకాలం గా ఆరోగ్య సమస్యలతో ఇబ్బంది పడుతున్న మెహర్ రమేష్ సోదరి నేడు హాస్పిటల్ లో చికిత్స పొందుతూ తుది శ్వాస విడిచింది.
ఈ విషయం తెలుసుకున్న ఉప ముఖ్యమంత్రి పవన్ కళ్యాణ్ , నేరుగా హాస్పిటల్ కి వెళ్లి మెహర్ రమేష్ ని , ఆయన కుటంబాన్ని పరామర్శించారు. అందుకు సంబంధించిన వీడియో ఇప్పుడు సోషల్ మీడియా లో బాగా వైరల్ అయ్యింది. రీసెంట్ గానే పవన్ కళ్యాణ్ తన కుడి భుజానికి సర్జరీ చేయించుకొని విశ్రాంతి తీసుకుంటున్న సంగతి అందరికీ తెలిసిందే. అయినప్పటికీ కూడా మెహర్ రమేష్ కుటుంబం లో జరిగిన ఈ సంఘటనకు ఆయన చలించిపోయారు. ప్రయాణం చెయ్యలేని పరిస్థితి లో ఉన్నప్పటికీ , ఆయన హాస్పిటల్ కి పరుగులు తీశారు. దీనిని బట్టీ మెహర్ కుటుంబం పవన్ కళ్యాణ్ కి ఎంత దగ్గరైన వాళ్ళో అర్థం అవుతోంది. మరోపక్క మెగా ఫ్యామిలీ కి సంబంధించిన ఇతర హీరోలు కూడా సోషల్ మీడియా ద్వారా తమ ప్రగాఢ సానుభూతి వ్యక్తం చేస్తున్నారు. త్వరలోనే వీళ్ళు కూడా మెహర్ రమేష్ ని ఓదార్చే వీడియోలు బయటకు రావొచ్చు.
ఇక మెహర్ రమేష్ కెరీర్ విషయానికి వస్తే, కంత్రి చిత్రంతో మొదలైన ఆయన సినీ ప్రస్థానం ‘భోళా శంకర్’ వరకు సాగింది. ఆయన కెరీర్ మొత్తం మీద ఇప్పటి వరకు తీసిన సినిమాల్లో కేవలం ‘బిల్లా’ ఒక్కటే కమర్షియల్ గా సూపర్ హిట్ అయ్యింది. ఆ తర్వాత ఆయన చేసిన శక్తి, షాడో, భోళా శంకర్ వంటి సినిమాలు ఒక దానిని మించి ఒకటి ఫ్లాప్ అవుతూ వచ్చాయి. ప్రస్తుతం దర్శకత్వానికి దూరం గా ఉన్న మెహర్ రమేష్ , ఆంధ్ర ప్రదేశ్ ఫిలిం ఛాంబర్ కి అసిస్టెంట్ డైరెక్టర్ గా కొనసాగుతున్నారు. అంతే కాదు , త్వరలోనే ఆయన నటుడిగా టాలీవుడ్ లోకి రీ ఎంట్రీ ఇవ్వబోతున్నారట.
హెల్త్ ఇష్యూతో డైరెక్టర్ మెహెర్ రమేష్ సిస్టర్ మృతి,హాస్పిటల్ కు వెళ్లి ఫ్యామిలీని పరామర్శించిన Pawan Kalyan గారు.. pic.twitter.com/HpnQDsTPOo
— Amalapuram PK FC™ (@amalapurampkfc) July 22, 2026
