Chiranjeevi on Ravi Teja father: మాస్ మహారాజ రవితేజ(Mass Maharaja Ravitejja) తండ్రి భూపతి రాజు రాజ్ గోపాల్ రాజు నేడు తెల్లవారు జామున స్వర్గస్తులైన ఘటన యావత్తు సినీ లోకాన్ని శోకసంద్రం లోకి నెట్టేసింది. వయస్సు తో సంబంధం లేకుండా చాలా హుషారుగా ఉండే తత్త్వం రాజ్ గోపాల్ సొంతం. ఆయనలోని ఈ లక్షణమే రవితేజ కి కూడా వచ్చింది. ప్రభుత్వ ఉద్యోగి గా స్థిరపడిన ఆయన మొదట్లో నార్త్ ఇండియా లో ఉండేవాడు. అక్కడే ఎక్కువగా రవితేజ బాల్యం ఉండడం తో ఆయన హిందీ సినిమాలను చూస్తూ పెరిగాడు. అందుకే అమితాబ్ బచ్చన్ కి వీరాభిమాని అని చెప్పుకొని తిరుగుతుంటాడు రవితేజ. హైదరాబాద్ కి వచ్చిన తర్వాత సినిమాల మీద పిచ్చి ఇష్టం తో కాళ్ళు అరిగిపోయే రేంజ్ లో స్టూడియోలు తిరిగి ఎట్టకేలకు అసిస్టెంట్ డైరెక్టర్ పోస్టుని సంపాదించాడు. ఇక ఆ తర్వాత చిన్న చిన్న పాత్రలు పోషిస్తూ, హీరో గా సినిమాలు చేసే స్థాయికి ఎదిగి నేడు ఏ స్థానం లో ఉన్నాడో మనమంతా చూస్తూనే ఉన్నాం.
Also Read: ఏంటి హరి హర వీరమల్లు నైజాం డీల్ ఇంకా క్లోజ్ కాలేదా? ఏం జరుగుతుంది?
ఇది ఇలా ఉండగా రవితేజ తండ్రి మరణంపై సోషల్ మీడియా లో సినీ సెలబ్రిటీలు తమ ప్రగాఢ సానుభూతి వ్యక్తం చేస్తున్నారు. మెగాస్టార్ చిరంజీవి(Megastar Chiranjeevi), పవర్ స్టార్ పవన్ కళ్యాణ్(Deputy CM Pawan Kalyan) వంటి వారు ఈ విషయం తెలుసుకున్న వెంటనే తమ ట్విట్టర్ ఖాతాల ద్వారా సంతాపం వ్యక్తం చేశారు. మెగాస్టార్ చిరంజీవి ట్వీట్ చేస్తూ ‘నా సోదరుడు రవితేజ నాన్న గారి మరణ వార్త విని తీవ్రమైన దిగ్బ్రాంతికి గురయ్యాను. ఆయన్ని చివరిసారిగా వాల్తేరు వీరయ్య మూవీ షూటింగ్ సెట్స్ లో కలిశాను. చాలా సరదాగా, హుషారుగా మాట్లాడే వ్యక్తి ఆయన. ఈయన ఎనర్జీ నే రవితేజ కి వచ్చింది అని అనేవాడిని. ఈ కష్ట సమయంలో రవితేజ కుటుంబానికి నా హృదయపూర్వక సానుభూతి ని వ్యక్తం చేస్తున్నాను. ఆయన ఆత్మకు శాంతి చేకూరాలని మనస్ఫూర్తిగా ఆ దేవుడిని ప్రార్థిస్తున్నాను ‘ అంటూ చెప్పుకొచ్చాడు చిరంజీవి.
Also Read: 150 అనాధాశ్రమాలను దత్తత తీసుకున్న మెగా కోడలు ఉపాసన కొణిదెల!
రవితేజ సాధారణంగా ఎవరైనా చనిపోతే వాళ్ళను చూసేందుకు భయపడే స్వభావం ఉన్నవాడు. ఆయన సోదరుడు భరత్ చనిపోయినప్పుడు కూడా చివరి చూపు చూడలేకపోయాడు. అప్పట్లో దీనిపై తీవ్రమైన విమర్శలు వచ్చాయి. రవితేజ కూడా మీడియా ముందుకొచ్చి వివరణ ఇవ్వాల్సి వచ్చింది. చిన్నప్పటి నుండి నేను చనిపోయిన వాళ్ళని చూసేవాడిని కాదు, చాలా భయం, ఆ బాధ నుండి ఎప్పటికీ కోలుకోలేను. అందుకే నా తమ్ముడిని చివరి చూపు కూడా చూడలేకపోయాను అని చెప్పుకొచ్చాడు. బాగా గమనిస్తే రవితేజ ఇండస్ట్రీ లో ఎవరు చనిపోయినా వచ్చి చూసినట్టు దాఖలాలు లేవు. ఇప్పుడు తన తండ్రి ని అయినా చివరి చూపు చూస్తాడా లేదా అని సోషల్ మీడియా లో నెటిజెన్స్ మాట్లాడుకుంటున్నారు. సున్నితమైన మనసున్న రవితేజ, తండ్రి కాబట్టి కచ్చితంగా అంత్యక్రియలు తన చేతుల మీదుగా చేయాల్సి ఉంటుంది. విపరీతమైన బాధ కి గురి అయ్యే పరిస్థితి వస్తుంది. ఆ పరిస్థితి లో దేవుడు ఆయనకు కావాల్సినంత మనోధైర్యం ఇవ్వాలని కోరుకుందాం.
సోదరుడు రవి తేజ నాన్నగారి మరణవార్త విని చాలా బాధపడ్డాను. అయన్ని ఆఖరిసారిగా వాల్తేర్ వీరయ్య సెట్లోకలిశాను. చాలా సరదాగా హుషారుగా మాట్లాడేవారు.
ఈ కష్ట సమయంలో ఆయన కుటుంబానికి నా హృదయపూర్వక సానుభూతి. ఆయన ఆత్మకు శాంతి కలగాలని కోరుకుంటున్నాను pic.twitter.com/uLbwQ32nPJ
— Chiranjeevi Konidela (@KChiruTweets) July 16, 2025
